Vieng Chanh News

ແຂວງວຽງຈັນອອນລາຍ

ສູນປິ່ນປົວໂພນໂຮງ ສາມາດປິ່ວປົວຜູ້ຕິດເຊື້ອໂຄວິດ 19 ພ້ອມສົ່ງກັບບ້ານໄດ້ 17 ຄົນ.

1 min read

ໃນເຊົ້າວັນທີ 8 ຕຸລາ2021 ນີ້ ຄະນະຮັບຜິດຊອບປິ່ນປົວພະຍາດໂຄວິດ 19 ສູນປິ່ນປົວໂພນໂຮງຈັດພິທີ ສົ່ງຄົນເຈັບທີ່ຫາຍດີຈາກພະຍາດໂຄວິດ19 ຈຳນວນ 17 ຄົນ ຄືນກັບບ້ານ ໂດຍມີ ຄະນະຮັບຜິດຊອບຂັ້ນແຂວງ,ຂັ້ນເມືອງ,ທີມແພດໝໍ ແລະ ພາກສ່ວນກ່ຽວ ເຂົ້າຮ່ວມ.

ໂອກາດດັ່ງກ່າວນີ້ ທ່ານ ດຣ ນາງ ຈັນຫອມ ຄອນສະຫວັນ ຫົວໜ້າສະເພາະກິດປິ່ນປົວພະຍາດໂຄວິດ 19 ໂຮງໝໍ ແຂວງວຽງຈັນ ຜູ້ຮັບຜິດຊອບ ສູນໂພນໂຮງ ໄດ້ໃຫ້ຮູ້ວ່າ: ໃນການຈັດສົ່ງຄົນເຈັບທີ່ປິ່ນປົວຫາຍດີກັບບ້ານເພີ່ມຄັ້ງນີ້.

ກໍ່ຍ້ອນຄວາມເອົາໃຈໃສ່ ຂອງແພດໝໍ ແລະ ໄດ້ຮັບຄວາມຮ່ວມມືຈາກຄົນຈັບເຂົ້າເຈົ້າມີຄວາມຕືນຕົວຮັບຜິດຊອບປະຕິບັດ ການປິ່ນປົວຕາມ ທີ່ແພດແນະນຳຢ່າງເອົາໃຈໃສ່ເຮັດໃຫ້ມີສຸຂະພາບດີຂື້ນຕາມລຳດັບ

ແຕ່ເຖິງໃດກໍ່ດີ ເມື່ອກັບບ້ານຈົ່ງປະຕິບັດມາດຕະການ ກັກບໍລິເວນຕົນເອງຢູ່ເຮືອນຕາມຫລັກວິຊາການໃຫ້ເຂັ້ມງວດ ເພື່ອໃຫ້ຮ່າງກາຍມີຄວາມແຂງແຮງ.

ຊຶ່ງປະຈຸບັນມີຜູ້ພວມສືບຕໍ່ປິ່ນປົ່ວທັງໝົດ ຢູ່ສູນໂພນໂຮງ 43 ຄົນ ໄດ້ຮັບການເອົາໃຈໃສ່ປິ່ນປົວຢ່າງໄກ້ສິດ.

ຂ່າວ: ໂພນໂຮງວັນນີ້

Leave a Reply

Your email address will not be published. Required fields are marked *