Vieng Chanh News

ແຂວງວຽງຈັນອອນລາຍ

ຫ້ອງການສະຫະພັນນັກຮົບເກົ່າເມືອງແມດມອບເງິນທານຸເຄາະ

1 min read

ໃນວັນທີ່ 20 ຫາ 23 ກັນຍາ 2021 ຜ່ານມານີ້, ຫ້ອງການສະຫະພັນັກຮົບເກົ່າເມືອງແມດ ໄດ້ລົງເຄື່ອນໄຫວລົງມອບເງິນອຸດໜູນທານຸເຄາະໃຫ້ແກ່ຄອບຄົວສະມາຊິກກອງທຶນທີ່ເສຍຊິວິດຈຳວນ 3 ທ່ານຄື: ທ່ານ ຊຽງຄ່ອງ ອາຍຸ 72 ປີ, ອາຊີບປະຊາຊົນ ຢູ່ບ້ານຫ້ວຍປ່າໝາກ ເຊິ່ງໄດ້ເສຍຊິວິດໃນວັນທີ່ 20 / 9 / 2021.

ເປັນສະມາຊິກກອງທຶນປະເພດ 1 ໄດ້ຮັບເງິນຈຳນວນ 7, 000, 000 ກີບ, ແລະ ເງິນພວງມະລາ 300, 000 ກີບ, ທ່ານ ນາງ ຄຳໜຽວ ທຳມະວົງສາ ອາຍຸ 62 ປີ, ອາຊີບປະຊາຊົນ ຢູ່ບ້ານນ້ຳຮວາງ ( ຄຸ້ມຫ້ວຍຊາຍງາມ ) ເສຍຊິວິດໃນວັນທີ່ 22 / 9 / 2021, ເປັນສະມາຊິກກອງທຶນປະເພດ 1 ໄດ້ຮັບເງິນຈຳນວນ 7, 000, 000 ກີບ, ແລະ ເງິນພວງມະລາ 300, 000 ກີບ, ທ່ານ ບຸນຄົງ ພົມມະຈັກ ພົມມະຈັກ ອາຍຸ 54 ປີ, ອາຊບປະຊາຊົນ ຢູ່ບ້ານນ້ຳເຟືອງ ເສຍຊິວິດໃນວັນທີ່ 23 / 9 / 2021 ເປັນສະມາຊິກກອງທຶນປະເພດ 2 ໄດ້ຮັບເງິນຈຳນວນ 5, 600, 000 ກີບ, ແລະ ເງິນພວງມະລາ 300, 000 ກີບ, ເງິນທີ່ມາມອບໃນຄັ້ງນີ້ລວມທັງໝົດ 20, 500, 000 ກີບ, ( ຊາວລ້ານຫ້າແສນກີບ )

ເປັນກຽດກ່າວມອບເງິນຈຳນວນດັ່ງກ່າວໂດຍແມ່ນທ່ານ ທອງຈັນ ແສນຈົ່ງຮັກ ຮອງປະທານສະຫະພັນນັກຮົບເກົ່າເມືອງແມດ ແລະ ເປັນກຽດກ່າວຮັບໂດຍແມ່ນລູກຊາຍ, ລູກເຂີຍ ຂອງຜູ້ເສຍຊິວິດ ແລະ ມີອົງການຈັດຕັ້ງບ້ານ, ເຖົ້າແກ່ແນວໂຮມບ້ານ ແລະ ພ້ອມດ້ວຍຍາດຕິພີ່ນ້ອງເຂົ້າຮ່ວມເປັນສັກຂີພິຍານ.

ໃນໂອກາດທີ່ມອບເງິນໃຫ້ແກ່ຄອບຄົວສະມາຊິກກອງທງທນທີ່ເສຍຊິວິດຈຳນວນດັ່ງກ່າວ, ທ່ານ ບົວພັນ ແສງດາລາ ປະທານສະຫະພັນນັກຮົບເກົ່າເມືອງແມດ ກໍ່ໄດ້ເປັນກຽດໂອ້ລົມຕໍ່ຍາດພີ່ນ້ອງຜູ້ເສຍຊີວິດ, ເຊິ່ງກ່ອນອື່ນທ່ານກໍ່ໄດ້ກ່າວຄຳເສຍໃຈຕໍ່ຄອບຄົວຜູ້ເສຍຊິວິດ ແລະ ພ້ອມທັງແນະນຳໃຫ້ຄອບຄົວສະມາຊິກກອງທຶນ ຈົ່ງພ້ອມກັນນຳເອົາເງິນຈຳນວນດັ່ງກ່າວໄປກິນທານໃຫ້ຜູ້ເປັນແມ່, ຜູ້ເປັນພໍ່ຂອງຕົນເອງ ຫຼື ນຳເອົາເງິນໄປນຳໃຊ້ພາຍໃນຄອບຄົວຂອງຕົນໃຫ້ມັນຖືກຕ້ອງ ແລະ ເກີດປະໂຫຍດສູງສຸດ.

ຂ່າວ: ບູນລ້ອມ

Leave a Reply

Your email address will not be published. Required fields are marked *

You may have missed