Vieng Chanh News

ແຂວງວຽງຈັນອອນລາຍ

ຄະນະສະເພາະກິດ ເມືອງ ແກ້ວອຸດົມວາງທິດທາງ ແຜນການຮັບມືເພື່ອ ຕ້ານ ແລະ ສະກັດກັ້ນ ການແຜ່ລະບາດຂອງ ພະຍາດ ໂຄວິດ – 19

1 min read

ເພື່ອເປັນການຕ້ານ-ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19ໃນປະຈຸບັນ ບໍ່ໃຫ້ແຜ່ລະບາດອອກສູ່ວົງກ້ວາງວັນທີ 11 ຕຸລາ 2021 ຄະນະສະເພາະກິດ ເມືອງ ແກ້ວອຸດົມວາງທິດທາງ ແຜນການຮັບມືເພື່ອ ຕ້ານ ແລະ ສະກັດກັ້ນ ການແຜ່ລະບາດຂອງ ພະຍາດ ໂຄວິດ – 19.

ຢູ່ທີ່ສະໂມສອນໃຫຍ່ເມືອງແກ້ວອູດົມ,ພາຍໃຕ້ການເປັນປະທານຂອງທ່ານ ສີສະຫວາດ ແສງພະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆແກ້ວອຸດົມ,ມີບັນດາຄະນະສະເພາະກິດຕ້ານ-ສະກັດກັ້ນການແຜ່ລະບາດຂອງພະຍາດ ໂຄວິດ – 19 ເມືອງເຂົ້າຮ່ວມຢ່າງພ້ອມພຽງ.


ໃນປະຈຸບັນການຈັດຕັ້ງປະຕິບັດຜັນຂະຫຍາຍບັນດາຄໍາສັ່ງ,ແຈ້ງການຂອງຂັ້ນເທິງແຕ່ລະສະບັບມາເປັນແຈ້ງການຂອງຄະນະສະເພາະກິດເມືອງ ຈາກນັ້ນລົງເຜີຍແຜ່ຢູ່ແຕ່ລະກຸ່ມບ້ານທົ່ວເມືອງແກ້ວອຸດົມໄດ້ຢ່າງທົ່ວເຖິງ,ເຂັ້ມງວດຈຸດກວດກາ ກັ່ນກອງຄົນເຂົ້າ – ອອກຕາມຊາຍແດນ,ເມືອງຕໍ່ເມືອງ,ບ້ານຕໍ່ບ້ານ ແລະ ບ້ານທີ່ໄດ້ກຳນົດເປັນບ້ານສີແດງຈຳນວນ 7 ບ້ານ,ສໍານັກງານຫ້ອງການກໍ່ໄດ້ຈັດຕາຕະລາງມາປະຈໍາການ ແລະ ມອບໃຫ້ອຳນາດການປົກຄອງບ້ານໄດ້ຈັດຕັ້ງຈຸດກວດກາຄົນເຂົ້າ-ອອກໃນຂອບເຂດຄວາມຮັບຜິດຊອບຂອງຕົນຢ່າງເຂັ້ມງວດ.
ປະຈຸບັນເມືອງແກ້ວອຸດົມ ໄດ້ພົບຜູ້ຕິດເຊື້ອໃໝ່ໃນຊຸມຊົນຈຳນວນ 44 ຄົນ,ຍີງ 22 ຄົນ,ຕິດເຊື້ອສະສົມທັງໝົດ 107 ຄົນ,ຍີງ 59 ຄົນ,ປີ່ນປົວຫາຍດີແລ້ວ 4 ຄົນ,ຍີງ 2 ຄົນ,ກຳລັງປິ່ນປົວ 103 ຄົນ,ຍີງ 57 ຄົນ.


ປະຈຸບັນຫ້ອງການສາທາລະນະສຸກເມືອງ ຍັງໄດ້ເອົາໃຈໃສ່ບໍລິການສັກວັກຊີນໃນເຂັມທີ 1 ຈຳນວນ 10.303 ຄົນ ແລະ ເຂັມທີ 2 ຈຳນວນ 3.258 ຄົນ,ໄດ້ກຳນົດເອົາໂຮງຮຽນອານຸບານໄຟຟ້າ ຢູ່ບ້ານແສງສະຫວ່າງ ເປັນສູນປີ່ນປົວຂອງເມືອງ,ໃນນັ້ນມີເຄື່ອງອຸປະກອນຮັບໄຊ້ຄົບຊຸດ ເພື່ອຮັກສາຄວາມເປັນລະບຽບຮຽບຮ້ອຍຢູ່ພາຍໃນສູນປີ່ນປົວດັ່ງກ່າວ.ພ້ອມນັ້ນຄະນະປະທານກອງປະຊຸມກໍ່ໄດ້ຄົ້ນຄ້ວາປຶກສາຫາລື ແລະ ຜັດປຽ່ນກັນປະກອບຄຳຄິດເຫັນຢ່າງເປັນປະຊາທິປະໄຕ,ເພື່ອຈະເຮັດໃຫ້ວຽກງານດັ່ງກ່າວມີປະສິດທິຜົນຢ່າງຈົບງາມ.


ຫຼັງຈາກນັ້ນ ທ່ານ ສີສະຫວາດ ແສງ ພະຈັນ  ເຈົ້າເມືອງໆແກ້ວອຸດົມ ໄດ້ມີຄໍາເຫັນຊີ້ນໍາ ກ່ອນອື່ນທ່ານ ໄດ້ກ່າວຍ້ອງຍໍຊົມເຊີຍຕໍ່ຄະນະສະເພາະກິດເມືອງທີ່ໄດ້ເອົາໃຈໃສ່ຕໍ່ກັບວຽກງານຕ້ານ-ສະກັດກັ້ນພະຍາດໂຄວິດ – 19,ແຕ່ເຖິງຢ່າງໃດກໍ່ຕາມບັນດາເມືອງອ້ອມຂ້າງຍັງມີກໍລະນີຜູ້ຕິດເຊື້ອເພີ່ມຂຶ້ນໃນແຕ່ລະວັນ.

ສະນັ້ນຈຶ່ງໄດ້ແນະນໍາໃຫ້ຄະນະສະເພາະກິດເມືອງຈົ່ງສືບຕໍ່ເອົໃຈໃສ່ຍົກລະດັບປ້ອງກັນ,ເຝົ້າລະວັງຂຶ້ນຕື່ມ,ມອບຄວາມຮັບຜິດຊອບໃຫ້ ປກຊ – ປກສ ເມືອງ ແລະ ປກຊ-ປກສໃນແຕ່ລະບ້ານເຝົ້າລະວັງຕິດຕາມຄົນເຂົ້າ – ອອກຢ່າງເຂັ້ມງວດ,ມອບໃຫ້ຄະນະຮັບຜິດຊອບຈໍາກັດການເດີນທາງເຂົ້າ – ອອກບ້ານ,ເມືອງຂອງປະຊາຊົນທີ່ບໍ່ມີຄວາມຈໍາເປັນ, ການຊຸມແຊວ ແລະ ງານປະເພນີຕ່າງໆໃຫ້ປະຕິບັດມາດຕະການຂອງຄະນະສະເພາະກິດວາງອອກຢ່າງເຂັ້ມງວດ.

ຂ່າວ: ດາວເພັດ ແກ້ວປະເສິດ
02098032001

Leave a Reply

Your email address will not be published. Required fields are marked *