Vieng Chanh News

ແຂວງວຽງຈັນອອນລາຍ

ຮອງລັດຖະມົນຕິ ກະຊວງ ປກສ ລົງຊີ້ນຳການເຜີຍແຜ່ເອກະສານກ່ຽວກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ແຂວງວຽງ ຈັນ

1 min read

ຮອງລັດຖະມົນຕິ ກະຊວງ ປກສ ລົງຊີ້ນຳການເຜີຍແຜ່ເອກະສານກ່ຽວກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ແຂວງວຽງ ຈັນ

ໃນວັນທີ 13 ຕຸລາ ນີ້, ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະ ຫງົບ, ຮອງຫົວໜ້າຄະນະຮັບຜິດຊອບຊີ້ນຳລວມການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງກະຊວງປ້ອງກັນຄວາມສະຫງົບ ໄດ້ລົງຊີ້ນຳເຜີຍແຜ່ເອກະສານກ່ຽວກັບວາລະແຫ່ງຊາດວ່າດ້ວຍການແກ້ໄຂບັນ ຫາຢາເສບຕິດ ຂອບເຂດທົ່ວປະເທດ ຢູ່ກອງບັນ ຊາການ ປກສ ແຂວງວຽງຈັນ, ໂດຍມີ ພົຈວ ປອ ທອງເຄນ ບຸນໝັ້ນ ຫົວໜ້າກອງບັນຊາການ ປກສ ແຂວງວຽງຈັນ, ພ້ອມດ້ວຍຄະນະ ກອງບັນຊາ ການ,ຕາງໜ້າຫ້ອງ,ກອງພັນປ້ອງກັນເຄື່ອນທີ່, ຄ້າຍຄຸມຂັງ-ດັດສ້າງ, ກອງບັນຊາການ ປກສ ເມືອງ 11 ເມືອງເຂົ້າຮ່ວມ.


ໃນພິທີດັ່ງກ່າວ,ພັອ ແກ່ນຈັນ ພົມມະຈັກ ຮອງກົມໃຫຍ່ຕຳຫຼວດ ກະຊວງ ປກສ ຄະນະອານຸກຳ ມະການກອງເລຂາຈັດຕັ້ງເຜີຍແຜ່ເອກະສານກ່ຽວ ກັບວາລະແຫ່ງຊາດວ່າດ້ວຍການແກ້ໄຂບັນຫາຢາ ສບຕິດ 2021-2023, ໄດ້ຜ່ານຂໍ້ຕົກລົງ ຂອງລັດ ຖະມົນຕີກະຊວງ ປກສ ສະບັບເລກທີ 1512/ປກສ ວ່າດ້ວຍການແຕ່ງຕັ້ງຄະນະຮັບຜິດຊອບຈັດ ຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງກະຊວງ ປກສ ແລະ ຄຳ ສັ່ງຂອງນາຍົກລັດຖະມົນຕີ ສະບັບເລກທີ 19/ນຍ ກ່ຽວກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ 2021-2023.


+ ພົຕ ກົງທອງ ພົງວິຈິດ ຮອງລັດຖະມົນຕີ ກະ ຊວງປ້ອງກັນຄວາມສະຫງົບ ກໍໄດ້ໂອລົມມີທິດຊີ້ ນຳຄະນະພັກ-ຄະນະນຳ ກອງບັນຊາການ ປກສ ແຂວງວຽງຈັນ ທຸກຂັ້ນໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ແຂວງວຽງຈັນ ໃຫ້ຫຼຸດໜ້ອຍຖອຍລົງ ຕ້ອງເອົາໃຈໃສ່ກວດກາແກ້ໄຂ ບັນດາກຸ່ມເປົ້າ ໝາຍ,ຈຸດມົ້ວສຸ່ມຂອງກຸ່ມເປົ້າໝາຍທີ່ເຄື່ອນໄຫວ ພົວພັນກັບຢາເສບຕິດໃຫ້ຖືກຕາມ​3ຫຼັກການຕ້ອງມີຄວາມເດັດຂາດ,ຄວາມໂປ່ງໃສ, ຄວາມເປັນມືອາຊີບ.

ພ້ອມທັງປຸກລະດົມຂົນຂວຍສັງຄົມປະ ກອບ ສ່ວນເປັນຫູເປັນຕາຊ່ວຍເຈົ້າໜ້າທີ່ເພື່ອ ພ້ອມກັນແກ້ໄຂບັນຫາຢາເສບຕິດຢູ່ພາຍໃນ ສປປລາວ ໂດຍສະເພາະ ແຂວງວຽງ ຈັນ ເປັນການສ້າງຄວາມຮັບຜິດຊອບ ທົ່ວສັງຄົມດ້ວຍການສຶກສາອົບຮົມໂຄສະນາເຜີຍແຜ່ລະບຽບກົດໝາຍ ແລະ ຜົນຮ້າຍຂອງຢາເສບຕິດໃຫ້ຊາວໜຸ່ມ,ເຍົາວະຊົນ, ພໍ່ແມ່ປະຊາຊົນຢ່າງຕໍ່ເນື່ອງລຽນຕິດ.


+ ໃນໂອກາດນີ້, ພົຕ ກົງທອງ ພົງວິຈິດ ຮອງລັດ ຖະມົນຕີ ກະຊວງປ້ອງກັນຄວາມສະຫງົບ, ພ້ອມຄະນະ ກໍໄດ້ນຳເອົາອຸປະກອນຮັບໃຊ້ວຽກງານວິ ຊາສະເພາະ ຂອງກຳລັງປ້ອງກັນຄວາມສະຫງົບ ແລະເງິນ 30.000.000 ກີບ ມອບໃຫ້ກອງບັນຊາ ການ ປກສ ແຂວງວຽງຈັນ ໝູນໃຊ້ເຂົ້າໃນວຽກ ງານວິຊາສະເພາະຂອງກຳລັງປ້ອງກັນຄວາມສະ ຫງົບ ແຂວງວຽງຈັນ, ກ່າວຮັບໂດຍ ພົຈວ ປອ ທອງເຄນ ບຸນໝັ້ນ ຫົວໜ້າກອງບັນຊາການ ປກສ ແຂວງວຽງຈັນ.
ຂ່າວ-ພາບ: ແສງສຸລີ

Leave a Reply

Your email address will not be published. Required fields are marked *