Vieng Chanh News

ແຂວງວຽງຈັນອອນລາຍ

ແຂວງວຽງຈັນ ເຜີຍແຜ່ເຊື່ອມຊຶມກ່ຽວກັບການຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍ ການແກ້ໄຂບັນຫາຢາເສບຕິດ

1 min read

ແຂວງວຽງຈັນ ເຜີຍແຜ່ເຊື່ອມຊຶມກ່ຽວກັບການຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍ ການແກ້ໄຂບັນຫາຢາເສບຕິດ
————– +++ ————–
+ ວັນທີ 14 ຕຸລາ 2021, ແຂວງວຽງຈັນ ຈັດຂຶ້ນພິທີເຜີຍແຜ່ເຊື່ອມຊຶມກ່ຽວກັບການຈັດຕັ້ງຜັນຂະ ຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ 2021-2023 ,ໂດຍການເປັນປະທານຮ່ວມຂອງທ່ານ ຄໍາພັນ ສິດທິດໍາພາ ເຈົ້າແຂວງວຽງຈັນ ແລະ ພົຕ ກົງທອງ ພົງວິຈິດ ຮອງລັດຖະ ມົນຕີ ກະຊວງປກສ, ຮອງຫົວໜ້າຄະນະຮັບຜິດ ຊອບຊີ້ນໍາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງກະຊວງ ປກສ, ມີບັນດາຄະນະພັກ-ຄະນະນໍາແຂວງ, ເຈົ້າເມືອງ 11 ເມືອງ ແລະພາກສ່ວນທີ່ກ່ຽວຂ້ອງເຂົ້າ ຮ່ວມ.


+ ໃນພິທີ, ທ່ານ ຄໍາພັນ ສິດທິດໍາພາ ເຈົ້າແຂວງ ແຂວງວຽງຈັນ ໄດ້ເຜີຍແຜ່ຄໍາສັ່ງ ຂອງກົມການເມືອງສູນກາງພັກ ເລກທີ 02/ກມສພ, ລົງວັນທີ 26 ກໍລະກົດ 2021 ວ່າດ້ວຍການເພີ່ມທະວີນໍາພາ-ຊີ້ນໍາຂອງຄະນະພັກແຕ່ລະຂັ້ນ ຕໍ່ການສະກັດກັ້ນ ແລະ ແກ້ໄຂບັນຫາຢາເສບຕິດ ແລະ ຄໍາສັ່ງຂອງນາຍົກລັດຖະມົນຕີ ສະບັບເລກທີ 19/ນຍ, ລົງວັນທີ 4 ຕຸລາ 2021 ກ່ຽວກັບການຈັດຕັ້ງປະຕິ ບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ 2021-2023.


+ ພ້ອມກັນນີ້, ພົຕ ກົງທອງ ພົງວິຈິດ ຮອງລັດຖະ ມົນຕີ ກະຊວງ ປກສ ໄດ້ເຜີຍແຜ່ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ 2021- 2013 ແລະ ມະຕິຂອງສະພາແຫ່ງຊາດ ສະບັບເລກທີ 04/ສພຊ, ລົງວັນທີ 10 ສິງຫາ 2021ວ່າດ້ວຍການຮັບຮອງເອົາວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ 2021-203.


+ ນອກຈາກນີ້, ພັອ ແກ່ນຈັນ ພົມມະຈັກ ຮອງຫົວໜ້າກົມໃຫຍ່ຕໍາຫຼວດ ກະຊວງ ປກສ, ຄະນະອານຸກໍາມະການກອງເລຂາຈັດຕັ້ງເຜີຍແຜ່ເອກະ ສານກ່ຽວ ກັບວາລະແຫ່ງຊາດ ວ່າດ້ວຍການແກ້ ໄຂບັນຫາຢາເສບຕິດ 2021-2023 ກໍໄດ້ຂຶ້ນຜ່ານແຜນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ ໄຂບັນຫາຢາເສບຕິດ 2021-2023 ສະບັບເລກທີ 1843/ປກສ, ລົງວັນທີ 5 ຕຸລາ 2021ຂອງກະຊວງປ້ອງກັນຄວາມສະຫງົບ ໂດຍຍຶດໝັ້ນຫຼັກການນໍາພາຂອງພັກ ແລະ ສຸມໃສ່ 3 ຫຼັກການ ຕົ້ນຕໍ ເພື່ອເປັນທິດທາງໃນການຈັດຕັ້ງຜັນຂະຫຍາຍບັນດາມາດຕະການທີ່ກໍານົດໄວ້ໃນວາລະແຫ່ງຊາດ ກໍຄື ຄວາມເດັດຂາດ,ຄວາມໂປ່ງໃສ ແລະ ຄວາມເປັນມືອາຊີບ ທັງນີ້ກໍເພື່ອເປັນການປຸກລະດົມ,ຂົນຂວາຍທຸກກໍາລັງແຮງສັງລວມເຂົ້າໃນການແກ້ໄຂບັນຫາຢາເສບຕິດທີ່ລະບາດເປັນວົງກວ້າງ ແລະ ຮຸນແຮງໃຫ້ຫຼຸດລົງ,ສ້າງໃຫ້ສັງຄົມ ມີຄວາມສະຫງົບປອດໄພ, ມີຄວາມເປັນລະບຽບຮຽບຮ້ອຍ,ສ້າງເປັນເງື່ອນໄຂໃນການສ້າງສາພັດທະນາເສດຖະກິດ,ວັດທະນະທໍາ-ສັງ ຄົມກ້າວໄປສູ່ຄົນລາວ ປອດຢາເສບຕິດໃຫ້ໄດ້ໃນທີ່ສຸດ.


+ ໃນໂອກາດນີ້, ພົຕ ກົງທອງ ພົງວິຈິດ ຮອງລັດ ຖະມົນຕີ ກະຊວງປກສ ກໍໄດ້ເນັ້ນໃຫ້ບັນດາຄະນະ ພັກ-ຄະນະນໍາ ປກສ ແຂວງວຽງຈັນ ແລະ ບັນດາພາກສ່ວນທີ່ກ່ຽວຂ້ອງທຸກຂະແໜງການທົ່ວແຂວງຈົ່ງພ້ອມກັນຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດດ້ວຍຄວາມຮັບຜິດຊອບສູງ,ຖືເປັນບູລິມະສິດອັນດັບໜຶ່ງໃນ ການແກ້ໄຂບັນຫາປະກົດການຫຍໍ້ທໍ້.


+ ພ້ອມທັງປຸກລະດົມ ໃຫ້ພໍ່-ແມ່ປະຊາຊົນບັນດາເຜົ່າເປັນເຈົ້າການຮ່ວມກັນໃນການສະກັດກັ້ນແລະແກ້ໄຂບັນຫາຢາເສບຕິດ ເພື່ອເຮັດໃຫ້ແຂວງວຽງ ຈັນ ຮັບປະກັນໄດ້ຄວາມສະຫງົບແລະຄວາມເປັນລະບຽບຮຽບຮ້ອຍ ໃຫ້ກາຍເປັນແຂວງປອດຢາເສບຕິດ.

ຂ່າວ-ພາບ: ແສງສຸລີ

Leave a Reply

Your email address will not be published. Required fields are marked *

You may have missed