Vieng Chanh News

ແຂວງວຽງຈັນອອນລາຍ

ແຂວງວຽງຈັນສຶບຕໍ່ປະຕິບັດມາດຕະການຕ້ານ ແລະ ສະກັດກັ້ນພະຍາດໂຄວິດ19

1 min read

ເຖິງ : ບັນດາພະແນກການ, ກອງບັນຊາການ, ເມືອງ ແລະ ປະຊາຊົນ ໃນທົ່ວແຂວງວຽງຈັນ.
ເລື່ອງ: ການສືບຕໍ່ປະຕິບັດມາດຕະການປ້ອງກັນ, ຄວບຄຸມ ແລະ ສະກັດກັ້ນການລະບາດຂອງ
ພະຍາດ COVID-19.
ອີງຕາມ ຄໍາສັ່ງ ເລກທີ 15/ນຍ ລົງວັນທີ 21 ເມສາ 2021 ວ່າດ້ວຍ ການເພີ່ມທະວີການສະກັດກັ້ນ, ຄວບ
ຄຸມ ແລະ ກຽມພ້ອມຮອບດ້ານ ເພື່ອຕ້ານພະຍາດໂຄວິດ-19(Covid-19);
ອີງຕາມ ການຊີ້ນຳໃນກອງປະຊຸມເລຂາ-ຮອງເລຂາ, ເຈົ້າແຂວງ-ຮອງເຈົ້າແຂວງ ຄັ້ງວັນທີ 11 ຕຸລາ 2021.
ອີງຕາມ ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ເລກທີ 1330/ຫສນຍ ລົງວັນທີ 15
ຕຸລາ 2021.


  1. ຄະນະກຳມະການປ້ອງກັນ, ສະກັດກັ້ນ ແລະ ແກ້ໄຂການລະບາດຂອງພະຍາດ Covid-19 ແຂວງວຽງຈັນ
    ຂໍຖືເປັນກຽດແຈ້ງມາຍັງ ບັນດາພະແນກການ, ກອງບັນຊາການ, ເມືອງ, ຄະນະສະເພາະກິດຕ້ານພະຍາດ Covid-19
    ແຕ່ລະຂັ້ນ ແລະ ປະຊາຊົນບັນດາເຜົ່າ ຊາບວ່າ: ອີງຕາມການປະເມີນສະພາບການລະບາດ ແລະ ການຈັດຕັ້ງປະຕິບັດ
    ມາດຕະການຕ່າງໆໃນຄຳສັ່ງເລກທີ15/ນຍ ລົງວັນທີ 21 ເມສາ 2021, ແຈ້ງການເລກທີ 1260/ຫສນຍ ລົງວັນທີ 30
    ກັນຍາ 2021, ຄໍາສັ່ງເລກທີ 016/ຈຂ.ວຈ ລົງວັນທີ 25 ກັນຍາ 2021 ແລະ ມາດຕະການຕ່າງໆທີ່ຄະນະສະເພາະ
    ກິດວາງອອກ ເຫັນວ່າ: ໃນທົ່ວປະເທດຈໍານວນຜູ້ຕິດເຊື້ອຍັງມີຈໍານວນເພີ່ມຂື້ນໃນແຕ່ລະວັນ ໂດຍສະເພາະຢູ່ແຂວງ
    ວຽງຈັນ ກໍມີການລະບາດໃນຊຸມຊົນເປັນວົງກວ້າງ, ເຊິ່ງເກີດມາຈາກການເຂົ້າຮວ່ມງານຊາປະນາກິດສົບ, ການຊຸມແຊວ,
    ການເດີນທາງເຂົ້າອອກພາຍໃນແຂວງ ແລະ ການປະຕິບັດມາດຕະການຍັງບໍ່ເຂັ້ມງວດ ເຮັດໃຫ້ການລະບາດພະຍາດໂຄ
    ວິດ-19 ແຜ່ລາມອອກກວມເອົາ 60 ບ້ານໃນ 8 ເມືອງ. ມາຮອດວັນທີ 15 ຕຸລາ 2021 ມີຜູ້ຕິດເຊື້ອສະສົມທັງໝົດ
    696 ຄົນ, ປິ່ນປົວດີ 318 ຄົນ, ເສຍຊີວິດ 3 ຄົນ, ເຊິ່ງເຫັນວ່າມີຄວາມສ່ຽງໃນການແຜ່ເຊື້ອໃນຊຸມຊົນເປັນວົງກວ້າງ
    ຕື່ມອີກ ສົ່ງຜົນກະທົບຕໍ່ກັບການພັດທະນາເສດຖະກິດ-ສັງຄົມ ແລະ ການດໍາລົງຊີວິດຂອງປະຊາຊົນຊາວແຂວງວຽງ
    ຈັນ, ຄະນະສະເພາະກິດຕ້ານພະຍາດ Covid-19 ແຂວງ ຈຶ່ງເຫັນວ່າ ມີຄວາມຈໍາເປັນຕ້ອງໄດ້ສືບຕໍ່ຈັດຕັ້ງປະຕິບັດ
    ແລະ ຜັນຂະຫຍາຍ ຄຳສັ່ງເລກທີ 15/ນຍ ລົງວັນທີ 21 ເມສາ 2021, ຄໍາສັ່ງເລກທີ 016/ຈຂ.ວຈ ລົງວັນທີ 25
    ກັນຍາ 2021 ອອກໄປຕື່ມອີກ 16 ວັນ ເລີ່ມແຕ່ ເວລາ 00:00 ໂມງ ຂອງວັນທີ 16 ຕຸລາ ເຖິງ ເວລາ 24:00 ໂມງ
    ຂອງວັນທີ 31 ຕຸລາ 2021 ເຊິ່ງສະເໜີໃຫ້ມີການຄົ້ນຄວ້າ ຈັດຕັ້ງປະຕິບັດບາງມາດຕະການເພີ່ມເຕີມ ທີ່ເຫັນວ່າຈໍາ
    ເປັນຕ້ອງເພີ່ມທະວີ ແລະ ຜ່ອນຜັນບາງມາດຕະການ ພາຍໃນແຂວງວຽງຈັນ ດັ່ງນີ້ :
    1. ມາດຕະການສືບຕໍ່ປະຕິບັດ.
    1.1. ສືບຕໍ່ປະຕິບັດມາດຕະການປ້ອງກັນ, ສະກັດກັ້ນ ການແຜ່ລະບາດຂອງພະຍາດໂຄວິດ-19 ຢູ່ຄອບຄົວ, ບ້ານ,
    ເມືອງ ທີ່ມີການລະບາດ ໂດຍສຸມໃສ່ປິດຄອບຄົວ, ປິດບ້ານ ຮີບຮ້ອນນຳເອົາຜູ້ຕິດເຊື້ອໄປປິ່ນປົວ ແລະ ນຳ
    ເອົາຜູ້ສໍາຜັດໃກ້ຊິດມາກວດຫາເຊື້ອ ແລະ ຈຳກັດບໍລິເວນ, ແຍກປ່ຽວ ໃຫ້ຖືກຕ້ອງຕາມຫຼັກວິຊາການທີ່
    ກ່ຽວຂ້ອງ ຢ່າງເຂັ້ມງວດ. ສືບຕໍ່ເອົາໃຈໃສ່ການສັກວັກຊີນໃຫ້ເປົ້າໝາຍຕ່າງໆ ຕາມແຜນການ ແລະ ຄາດໝາຍ
    ທີ່ວາງໄວ້ ດ້ວຍການເກັບກຳຂໍ້ມູນສະຖິຕິ ເປົ້າໝາຍການສັກວັກຊີນໃຫ້ຊັດເຈນ ແລະ ຈັດຕັ້ງ ໜ່ວຍອາສາສະ
    ໝັກ ເພື່ອເຄື່ອນໄຫວບໍລິການສັກວັກຊີນໃນເຂດຊຸມຊົນຕ່າງໆ.

1.2.ສືບຕໍ່ເອົາໃຈໃສ່ການໂຄສະນາ ສຸຂະສຶກສາ ດ້ວຍຫຼາຍຮູບແບບ ໂດຍສະເພາະຢູ່ຂັ້ນບ້ານ, ເຂດຊຸມຊົນ,
ຕະຫລາດ ແລະ ເຂດສ່ຽງ ດ້ວຍການນໍາໃຊ້ລົດຕິດເຄື່ອງກະຈາຍສຽງເຄື່ອນທີ່, ໂທລະໂຄງປະຈຳບ້ານ ຫຼື ການ
ເຂົ້າເບິ່ງຕາມຊື່ອອນລາຍຕ່າງໆ ທີ່ໜ້າເຊື່ອຖືໄດ້.
1.3. ສືບຕໍ່ປິດດ່ານທ້ອງຖິ່ນບ້ານວັງ ເມືອງໝື່ນ ແລະ ດ່ານເມືອງຊະນະຄາມ ສຳລັບບຸກຄົນທົ່ວໄປ ຍົກເວັ້ນຜູ້ທີ່ໄດ້
ຮັບອະນຸຍາດຈາກຄະນະສະເພາະກິດສູນກາງ, ຂັ້ນແຂວງ. ສ່ວນລົດຂົນສົ່ງສິນຄ້າ ໃຫ້ປະຕິບັດຕາມ ມາດຕະ
ການໃນຂໍ້ 2.8 ຂອງແຈ້ງການສະບັບນີ້ ຢ່າງເຂັ້ມງວດ.
1.4. ສືບຕໍ່ເຝົ້າລະວັງບໍລິເວນຊາຍແດນເມືອງໝື່ນ ແລະ ເມືອງຊະນະຄາມ ດ້ວຍການຈັດຕັ້ງກໍາລັງກວດກາລາດ
ຕະເວນຢ່າງເປັນປົກກະຕິ, ເຂັ້ມງວດໃນການຕິດຕາມກວດກາກຸ່ມຄົນທີ່ຈະເດີນທາງກັບມາແຂວງວຽງຈັນ
ຈາກຕ່າງປະເທດ, ຕ່າງແຂວງ, ຜູ້ທີ່ມີຄວາມສ່ຽງຕໍ່ການຕິດເຊື້ອພະຍາດ ໃຫ້ເຂົ້າກັກຕົວຢູ່ສູນຈຳກັດບໍລິເວນ
ຂອງແຂວງ ແລະ ເມືອງ ເພື່ອກວດຫາເຊື້ອ ແລະ ປະຕິບັດມາດຕະການຕ້ານ ແລະ ສະກັດກັ້ນການແຜ່
ລະບາດຂອງພະຍາດ Covid-19 ຢ່າງເຂັ້ມງວດ.
1.5. ສືບຕໍ່ປິດກິດຈະການຮ້ານກິນ-ດື່ມ, ຮ້ານບັນເທີງ, ຮ້ານຄາຣາໂອເກະ, ຮ້ານນວດ-ສະປາ, ຮ້ານຮົມຢາພື້ນ
ເມືອງ, ຮ້ານສະນຸກເກີ, ສັງວຽນຕີໄກ່, ຮ້ານອິນເຕີເນັດຄາເຟ, ຮ້ານເກມທຸກປະເພດ ແລະ ຮ້ານບໍລິການອື່ນໆ
ທີ່ເຫັນວ່າມີຄວາມສ່ຽງຕໍ່ການແຜ່ລະບາດຂອງພະຍາດ Covid-19.
1.6. ຫ້າມເປີດຮ້ານຕັດຜົມ, ຮ້ານນວດ, ຮ້ານເສີມຄວາມງາມ, ຮ້ານເສີມສວຍ, ຕະຫຼາດກາງຄືນ, ສວນອາຫານ
ສະຖານທີ່ທ່ອງທ່ຽວ, ການຂາຍເຄື່ອງແຄມທາງ, ຢູ່ເຂດທີ່ມີການລະບາດໃນຊຸມຊົນ (ເຂດແດງ).
1.7.ປິດບັນດາໂຮງງານອຸດສາຫະກຳ ແລະ ບັນດາວິສາຫະກິດ ຢູ່ເຂດທີ່ມີການລະບາດໃນໂຮງງານ, ຫົວໜ່ວຍການ
ຜະລິດ, ວິສາຫະກິດ ແລະ ໃນຊຸມຊົນ ຍົກເວັ້ນໂຮງງານທີ່ໄດ້ຮັບອະນຸຍາດຈາກຄະນະສະເພາະກິດ ຕາມຂັ້ນ
ຄຸ້ມຄອງ ເຊັ່ນ: ໂຮງງານທີ່ຜະລິດສິນຄ້າບໍລິໂພກ, ຢາປົວພະຍາດ ແລະ ອຸປະກອນການແພດ, ແຕ່ຕ້ອງໃຫ້ມີ
ການຄຸ້ມຄອງຮັບປະກັນຕາມມາດຕະການທີ່ຄະນະສະເພາະກິດວາງອອກຢ່າງເຂັ້ມງວດ. ໂຮງງານໃດ ບໍ່
ໃຫ້ການຮ່ວມມື ແລະ ບໍ່ປະຕິບັດຕົວຈິງຕໍ່ມາດຕະການປ້ອງກັນ, ຄວບຄຸມ ແລະ
ແລະ ແກ້ໄຂສະພາບການລະບາດ
ຂອງພະຍາດ Covid-19 ຕ້ອງໂຈະກິດຈະການຊົ່ວຄາວ ຈຶ່ງພິຈາລະນາໃຫ້ເປີດຄືນຕາມພາຍຫຼັງ.
1.8.ຫ້າມບຸກຄົນເດີນທາງເຂົ້າ-ອອກ ເຂດທີ່ມີການຕິດເຊື້ອ(ເຂດແດງ) ຕາມການກຳນົດຂອງຄະນະສະເພາະກິດ
ຍົກເວັ້ນບຸກຄົນທີ່ໄດ້ຮັບອະນຸຍາດຈາກຄະນະສະເພາະກິດ ແລະ ການຂົນສົ່ງສິນຄ້າ.
1.9. ສືບຕໍ່ປິດສູນກິລາໃນຮົ່ມ ແລະ ກາງແຈ້ງ ທຸກປະເພດ ລວມທັງ ຫ້າມຈັດການແຂ່ງຂັນກິລາທຸກປະເພດ ແລະ
ຫ້າມອອກກຳລັງກາຍຕາມເສັ້ນທາງຕ່າງໆ ຢູ່ເຂດບ້ານທີ່ມີການລະບາດໃນຊຸມຊົນ.
1.10. ຫ້າມຈັດງານລ້ຽງສັງສັນ, ຊຸມແຊວ, ມົ້ວສຸມດື່ມສິ່ງມຶນເມົາ (ເຫຼົ້າ, ເບຍ) ທຸກຮູບແບບ ໃນທຸກສະຖານທີ່
ໂດຍສະເພາະສະຖານທີ່ທ່ອງທ່ຽວ, ສວນອາຫານທີ່ໄດ້ເປີດບໍລິການແລ້ວ ຫ້າມບໍລິການ ແລະ ບໍ່ອະນຸຍາດໃຫ້
ມີການນຳເອົາເຄື່ອງດື່ມທີ່ມີທາດເຫຼົ້າ ເຂົ້າມາໃນສະຖານທີ່ບໍລິການຂອງຕົນ ເປັນຕົ້ນແມ່ນຢູ່ເມືອງວັງວຽງ,
ເມືອງທຸລະຄົມ, ເມືອງແກ້ວອຸດົມ, ເມືອງເຟືອງ ແລະ ເມືອງ ອື່ນໆ.ໂດຍມອບໃຫ້ຄະນະສະເພາະກິດເມືອງ
ເປັນເຈົ້າການກຳນົດມາດຕະການປ້ອງກັນສະເພາະ ຢ່າງລະອຽດ, ຮັດກຸມ ພ້ອມທັງແຕ່ງຕັ້ງເຈົ້າໜ້າທີ່ລົງ
ກວດກາ ໃນກໍລະນີພົບເຫັນມີການລະເມີດມາດຕະການ ຫຼື ຂໍ້ຫ້າມຕ່າງໆ ຕ້ອງຖືກປັບໄໝຢ່າງເຂັ້ມງວດ ແລະ
ເດັດຂາດ ດັ່ງນີ້ : – ບຸກຄົນລະເມີດໃຫ້ປັບໄໝຜູ້ລະ 500.000 ກີບ/ຄັ້ງ
– ເຈົ້າຂອງຮ້ານ ຫຼື ນິຕິບຸກຄົນປັບໄໝ 3.000.000 ກີບ/ຄັ້ງ
ກໍລະນີຍັງດື້ດ້ານຝ່າຝືນ ກໍສາມາດພິຈາລະນາປິດກິດຈະການ, ຖອນໃບອະນຸຍາດດຳເນີນທຸລະກິດ. ຖ້າ
ຫາກພົບກໍລະນີມີການແຜ່ເຊື້ອ ແລະ ມີການລະບາດຂອງພະຍາດ ຕ້ອງມີຄວາມຮັບຜິດຊອບຕໍ່ຄວາມເສຍ
ຫາຍທີ່ເກີດຂື້ນ ພອ້ມທັງປະຕິບັດມາດຕະການທາງກົດໝາຍ.
1.11.ຫ້າມສວຍໂອກາດກັກຕຸນສິນຄ້າອຸປະໂພກ-ບໍລິໂພກ, ອຸປະກອນການແພດ ແລະ ສິນຄ້າອື່ນໆ ທີ່ມີຄວາມ
ຈຳເປັນຕໍ່ການດຳລົງຊີວິດປະຈຳວັນ.
1.12.ປີດການສັນຈອນພາຫະນະຢູ່ບັນດາເມືອງ ທີ່ມີການລະບາດໃນຊຸມຊົນ ຕັ້ງແຕ່ເວລາ 22:00 ໂມງ ຫາ 5:00
ໂມງເຊົ້າ, ຍົກເວັ້ນລົດຂົນສົ່ງສິນຄ້າ, ສະບຽງອາຫານ, ອຸປະກອນການແພດ, ລົດຂົນສົ່ງຄົນເຈັບ, ລົດດັບເພີງ,
ລົດກູ້ໄພ, ລົດຄະນະສະເພາະກິດ, ລົດຂອງເຈົ້າໜ້າທີ່ປະຕິບັດງານ ແລະ ລົດທີ່ໄດ້ຮັບອະນຸຍາດຈາກຄະນະ
ສະເພາະກິດ.

1.13. ຫ້າມຈັດປະຊຸມ, ໂຮມຊຸມນຸມ ຫຼື ຈັດກິດຈະກຳຕ່າງໆ ທີ່ມີຜູ້ເຂົ້າຮ່ວມຫຼາຍກວ່າ 20 ຄົນ ເປັນຕົ້ນແມ່ນ
ກິດຈະກຳທາງສາສະໜາ, ງານບຸນປະເພນີ, ງານດອງ, ກໍລະນີຕ້ອງຈັດກອງປະຊຸມ ແມ່ນໃຫ້ຂໍອະນຸຍາດຈາກ
ຄະນະສະເພາະກິດ. ສໍາລັບການຈັດງານພິທີສາດສະໜາ, ງານຊາປະນາກິດສົບ, ເຮັດບຸນແຈກທານ ແມ່ນໃຫ້
ປະຕິບັດຕາມາດຕະການທີ່ລະບຸໄວ້ໃນ ຂໍ້ 2.11 ຂອງແຈ້ງການສະບັບນີ້ ຢ່າງເຂັ້ມງວດ.
1.14. ໃຫ້ບັນດາພະແນກການ, ກົມກອງ, ວິສາຫະກິດ ອະນຸຍາດໃຫ້ພະນັກງານ ແລະ ລັດຖະກອນ ຜັດປ່ຽນກັນ
ມາປະຈຳການ ຫຼື ເຮັດວຽກຢູ່ເຮືອນ ຜ່ານລະບົບເອເລັກໂທນິກ. ສໍາລັບຜູ້ທີ່ມີຄວາມສ່ຽງ ຢູ່ບ້ານແດງ ຫຼື ເຂດ
ສ່ຽງພະນັກງານຜູ້ທີ່ບໍ່ສັກວັກຊີນ ຄົບໂດສ, ຫ້າມບໍ່ໃຫ້ມາປະຈຳການເດັດຂາດ ເພື່ອຮັບປະກັນບໍ່ໃຫ້ມີການ
ຕິດເຊື້ອ ແລະ ການແຜ່ເຊື້ອພະຍາດ ເກີດຂື້ນ, ຜູ້ຍິງຖືພາ ທີ່ບໍ່ສາມາດຮັບວັກຊີນໄດ້ ແມ່ນໃຫ້ເຮັດວຽກຢູ່
ເຮືອນ ຜ່ານເຄື່ອງມືເອເລັກໂທນິກ ແລະ ທາງອອນລາຍ.
1.15. ໃຫ້ປິດການຮຽນ-ການສອນ ສຳລັບການສຶກສາທຸກຊັ້ນຮຽນ ແລະ ສືບຕໍ່ເລື່ອນການສອບເສັງເຂົ້າຮຽນ, ການ
ສຶກສາຄູ, ເຕັກນິກວິຊາຊີບ ແລະ ການສຶກສາຊັ້ນສູງ ຢູ່ເຂດທີ່ມີການລະບາດໃນຊຸມຊົນ ຫຼື ເຂດບ້ານແດງ ຢູ່
ບັນດາເມືອງ ພາຍໃນແຂວງວຽງຈັນ.
1.16. ສືບຕໍ່ເພີ່ມທະວີຢ່າງເຂັ້ມງວດ ການປະຕິບັດມາດຕະການປ້ອງກັນການຕິດເຊື້ອ ແລະ ແຜ່ເຊື້ອ ດ້ວຍການ
ວັດແທກອຸນຫະພູມ, ຮັກສາໄລຍະຫ່າງທາງສັງຄົມ 01 ແມັດຂຶ້ນໄປ, ໃສ່ຜ້າປິດປາກ-ດັງ, ໃຊ້ເຈວລ້າງມື
ແລະ ປະຕິບັດມາດຕະການປ້ອງກັນອື່ນໆ…ບ້ານໃດ, ເຂດໃດ ທີ່ກວດພົບເຫັນຜູ້ຕິດເຊື້ອພະຍາດໂຄວິດ-19
ໃຫ້ປິດ ແລະ ກໍານົດເປັນບ້ານສີແດງ ພ້ອມທັງດຳເນີນການສິດພົ່ນຢາຂ້າເຊື້ອ ແລະ ມອບໃຫ້ອົງການປົກຄອງ
ບ້ານ ມີມາດຕະການປ້ອງກັນບ້ານຕົນເອງຢ່າງເຂັ້ມງວດ.
2. ມາດຕະການຜ່ອນຜັນ :
2.1 ອະນຸຍາດເປີດຮ້ານຄ້າ, ຮ້ານຂາຍຍົກ-ຍ່ອຍ, ຮ້ານຊຸບເປີມາເກັດ, ຮ້ານມິນິມາດ, ຕະຫຼາດສົດ, ຕະຫຼາດຂາຍ
ອາຫານ ໂດຍມອບໃຫ້ຄະນະສະເພາະກິດຂັ້ນເມືອງ, ບ້ານ ແລະ ເຈົ້າຂອງຮ້ານຄ້າ ຫຼື ຕະຫຼາດ ເປັນເຈົ້າການ
ຕິດຕາມ, ກວດກາ ແລະ ແນະນຳປະຊາຊົນ ຫຼື ບຸກຄົນ ທີ່ມາແວ່ຊື້ເຄື່ອງຂອງ ຢູ່ຕາມຮ້ານຂາຍເຄື່ອງແຄມທາງ
ຫຼື ຕະຫລາດ ໃຫ້ປະຕິບັດມາດຕະການຕ້ານ ແລະ ສະກັດກັ້ນການແຜ່ລະບາດຂອງພະຍາດ Covid-19 ຢ່າງ
ເຂັ້ມງວດ ເຊັ່ນ: ໃສ່ຜ້າປິດປາກ-ດັງ, ຮັກສາໄລຍະຫ່າງໃນເວລາ ຊື້-ຂາຍ ຫຼື ການໃຊ້ບໍລິການຕ່າງໆ.
2.2 ອະນຸຍາດໃຫ້ເປີດຮ້ານຕັດຜົມ, ຮ້ານເສີມສວຍ, ຮ້ານເສີມຄວາມງາມ, ຮ້ານນວດ ຢູ່ນອກເຂດບ້ານແດງ ແຕ່ບໍ່
ໃຫ້ລູກຄ້າ ຫຼື ຜູ້ມາໃຊ້ບໍລິການແອອັດໃນຮ້ານ ແລະ ໃຫ້ປະຕິບັດມາດຕະການປ້ອງກັນການຕິດເຊື້ອ ແລະ ແຜ່
ເຊື້ອ ຢ່າງເຂັ້ມງວດ, ສໍາລັບເຈົ້າຂອງຮ້ານ, ພະນັກງານບໍລິການ ແລະ ຜູ້ມາໃຊ້ບໍລິການ ຕ້ອງໄດ້ຮັບວັກຊີນຄົບ
ໂດສ ກ່ອນ ແລະ ໃຫ້ປິດບໍລິການບໍ່ເກີນ 19:00 ໂມງ ຢ່າງເດັດຂາດ.
2.3 ອະນຸຍາດໃຫ້ເປີດຮ້ານອາຫານ, ຮ້ານກາເຟ, ສະຖານທີ່ທ່ອງທ່ຽວ ແລະ ສວນອາຫານ ທີ່ບໍ່ຢູ່ໃນເຂດບ້ານແດງ
ໂດຍອະນຸຍາດໃຫ້ນັ່ງກິນ-ດື່ມ ໃນສະຖານທີ່ດັ່ງກ່າວໄດ້ ແຕ່ບໍ່ໃຫ້ລູກຄ້າ ຫຼື ຜູ້ມາໃຊ້ບໍລິການແອອັດ ໂດຍໃຫ້
ຈັດບ່ອນນັ່ງມີໄລຍະຫ່າງ 01 ແມັດຂຶ້ນໄປ ແຕ່ບໍ່ໃຫ້ບໍລິການ ເບຍ ແລະ ເຄື່ອງດື່ມທີ່ມີທາດເຫຼົ້າ ທຸກປະເພດ
ຢ່າງເດັດຂາດ ແລະ ປະຕິບັດມາດຕະການປ້ອງກັນການຕິດເຊື້ອ ແລະ ແຜ່ເຊື້ອ ຢ່າງເຂັ້ມງວດ.
2.4 ອະນຸຍາດໃຫ້ເປີດໂຮງຈັກໂຮງງານ, ຫົວໜ່ວຍການຜະລິດ ຢູ່ໃນເຂດທີ່ບໍ່ມີການລະບາດໃນຊຸມຊົນ ເພື່ອດໍາ
ເນີນກິດຈະການ ແຕ່ພະນັກງານ, ກຳມະກອນ ຕ້ອງໄດ້ຮັບວັກຊີນຄົບໂດສກ່ອນ ແລະ ບໍ່ໄດ້ພັກອາໃສຢູ່ເຂດທີ່
ມີການຕິດເຊື້ອ(ບ້ານແດງ). ສໍາລັບໂຮງງານທີ່ມີເງື່ອນໄຂ ກໍໃຫ້ຈັດທີ່ພັກອາໄສກັບທີ່ໃຫ້ແຮງງານຂອງຕົນເພື່ອ
ຫຼຸດຜ່ອນຄວາມສ່ຽງໃນການຕິດເຊື້ອ, ພ້ອມທັງສ້າງແຜນການປ້ອງກັນລະອຽດຕາມມາດຕະຖານຂອງຄະນະ
ສະເພາະກິດ, ຂະແໜງການສາທາລະນະສຸກ ກໍານົດໄວ້ ເພື່ອຮັບປະກັນການດຳເນີນກິດຈະການຂອງໂຮງງານ.
2.5 ອະນຸຍາດໃຫ້ຈັດກອງປະຊຸມ ຢູ່ສະຖານທີ່ນອກເຂດບ້ານແດງ ແຕ່ຕ້ອງຂໍອະນຸຍາດ ແລະ ປະຕິບັດມາດ
ຕະການທີ່ຄະນະສະເພາະກິດວາງອອກຢ່າງເຂັ້ມງວດ ເປັນຕົ້ນ ວັດແທກອຸນຫະພູມ, ຮັກສາໄລຍະຫ່າງຢ່າງ
ໜ້ອຍ 1 ແມັດໃສ່ຜ້າປິດປາກ-ດັງ, ລ້າງມືດ້ວຍນ້ຳສະອາດ ໃສ່ສະບູ ຫຼື ນ້ຳຢາລ້າງມື, ຜູ້ເຂົ້າຮ່ວມກອງປະຊຸມ
ຕ້ອງໄດ້ສັກຢາວັກຊີນປ້ອງກັນພະຍາດ Covid-19 ແລະ ຕ້ອງບໍ່ແມ່ນຜູ້ມາຈາກບ້ານແດງ.
2.6 ມອບໃຫ້ຄະນະສະເພາະກິດຕ້ານພະຍາດໂຄວິດ-19 ເມືອງໝື່ນ ແລະ ເມືອງຊະນະຄາມ ເປັນເຈົ້າການ
ພິຈາລະນາກ່ຽວກັບການອະນຸຍາດໃຫ້ນຳໃຊ້ເຮືອຫາປາ ເພື່ອຫາປາຕາມລໍານ້ຳ ເຂດຊາຍແດນລະຫວ່າງປະເທດ.

ຕາມຄວາມເໝາະສົມຕົວຈິງ, ກໍລະນີອະນຸຍາດໃຫ້ອອກຫາປາໄດ້ແມ່ນເລີ່ມແຕ່ເວລາ 06:00 ໂມງ ຫາ
18:00 ໂມງ ແຕ່ຕ້ອງເພີ່ມທະວີຄວາມເຂັ້ມງວດ ສົມທົບກັບອົງການປົກຄອງບ້ານ ແລະ ກໍາລັງ ປກຊ-ປກສ
ຢູ່ແຕ່ລະພື້ນທີ່ ເອົາໃຈໃສ່ປະຕິບັດເວລາເຄື່ອນໄຫວ, ອອກລະບຽບການຄຸ້ມຄອງ, ກຳນົດຈຳນວນເຮືອຫາປາ
ຢ່າງລະອຽດ ແລ້ວຈຶ່ງອະນຸຍາດ. ພ້ອມນັ້ນ, ກໍໃຫ້ເອົາໃຈໃສ່ກວດກາແຮງງານທີ່ເດີນທາງກັບພູມລໍາເນົາ ຢ່າງ
ເຂັ້ມງວດ ເຊິ່ງກຳນົດເອົາດ່ານຊະນະຄາມ ເປັນຈຸດຮັບເອົາແຮງງານຈາກປະເທດເພື່ອນບ້ານ. ກໍລະນີຈຳເປັນ
ຄະນະສະເພາະກິດເມືອງ ສາມາດຫ້າມອອກເຮືອຫາປາໄດ້ ຖ້າເຫັນວ່າມີຄວາມສ່ຽງສູງ.
2.7. ການຂໍອະນຸຍາດເດີນທາງໄປຕ່າງແຂວງ: ທ່ານໃດທີ່ມີຈຸດປະສົ່ງເດີນທາງໄປຕ່າງແຂວງ ເພື່ອປິ່ນປົວສຸຂະພາບ
ແມ່ນໃຫ້ປະກອບເອກະສານ ແລະ ຂໍອະນຸຍາດເດີນທາງຈາກພະແນກສາທາລະນະສຸກແຂວງ, ເຊິ່ງມີສໍານັກ
ງານຕັ້ງຢູ່ ເມືອງໂພນໂຮງ (ໃກ້ກັບໂຮງໝໍເມືອງໂພນໂຮງ). ສ່ວນການເດີນທາງ ເພື່ອຈຸດປະສົງອື່ນໆ ເຊັ່ນ: ຂົນ
ສົ່ງສິນຄ້າ, ໄປປະຈຳການວຽກງານ, ເຮັດການຜະລິດຢູ່ຕ່າງແຂວງ ແລະ ອື່ນໆ…ແມ່ນໃຫ້ຂໍອະນຸຍາດເດີນທາງ
ຈາກຄະນະສະເພາະກິດແຂວງ ຢູ່ທີ່ຫ້ອງວ່າການແຂວງວຽງຈັນ ແຕ່ຕ້ອງມີໜັງສືອະນຸຍາດຈາກແຂວງປາຍທາງ.
2.8. ອະນຸຍາດໃຫ້ຜູ້ຂັບຂີ່ລົດ, ລົດຂົນສົ່ງສິນຄ້າ ເດີນທາງ ເຂົ້າ-ອອກ ແຂວງວຽງຈັນ ຫຼື ເມືອງ ຕໍ່ ເມືອງ ໂດຍສະ
ເພາະການນຳໃຊ້ເສັ້ນທາງເລກທີ 13 ເໜືອ, ເສັ້ນທາງເລກ 10, ເສັ້ນທາງຫີນເຫີບ- ບ້ານວັງ-ຊະນະຄາມ ແລະ
ເສັ້ນທາງ ອື່ນໆ.

ສາມາດຂົນສົ່ງສິນຄ້າເຖິງປາຍທາງໄດ້ ໂດຍບໍ່ຈຳເປັນຕ້ອງຄ່ຽນຖ່າຍສິນຄ້າ ໃນໄລຍະເດີນ
ທາງ ( ສົ່ງສິນຄ້າແລ້ວຕອ້ງກັບຄືນ ); ຜູ້ຂັບຂີ່ ແລະ ຜູ້ຊ່ວຍ ຕ້ອງໄດ້ຮັບການສັກຢາວັກຊີນຄົບ 2 ເຂັມ, ມີ
ໜັງສືອະນຸຍາດຈາກຄະນະສະເພາກິດ, ບໍ່ຈຳເປັນຕ້ອງກວດຫາເຊື້ອພະຍາດ ແລະ ບໍ່ໃຫ້ຈຳກັດບໍລິເວນຢູ່ປາຍ
ທາງ 14 ວັນ, ແຕ່ບໍ່ໃຫ້ເດີນທາງໄປ ຫຼື ຢຸດພັກເຊົາໃນເຂດທີ່ມີການລະບາດໃນຊຸມຊົນ(ບ້ານແດງ) ແລະ ຕ້ອງ
ປະຕິບັດມາດຕະການປ້ອງກັນການຕິດເຊື້ອ ແລະ ແຜ່ເຊື້ອ ທີ່ຄະນະສະເພາະກິດວາງອອກ ຢ່າງເຂັ້ມງວດ.
ສໍາລັບການຂົນສົ່ງສິນຄ້າ ຜ່ານດ່ານທອ້ງຖິ່ນບ້ານວັງ ເມືອງໝື່ນ ຕ້ອງໄດ້ຂໍອະນຸຍາດຈາກຄະນະສະເພາະ
ກິດ ຂັ້ນສູນກາງ ຫຼື ຂັ້ນແຂວງ ໂດຍໃຫ້ປະຕິບັດຕາມມາດຕະການທີ່ລະບຸໄວ້ໃນແຈ້ງການ ຂອງກະຊວງໂຍທາ
ທິການ ແລະ ຂົນສົ່ງ ເລກທີ 242/ຍທຂ ລົງວັນທີ 23 ເມສາ 2021 ຢ່າງເຂັ້ມງວດ ແລະ ເປັນເອກະພາບ.
2.9. ອະນຸຍາດໃຫ້ເປີດ ການຮຽນ-ການສອນ ສຳລັບການສຶກສາກ່ອນໄວຮຽນ, ສາມັນສຶກສາ, ວິທະຍາໄລ ຫຼື
ການສຶກສາຊັ້ນສູງ ຢູ່ເມືອງທີ່ບໍ່ມີການລະບາດໃນຊຸມຊົນ ໂດຍໄດ້ຮັບອະນຸຍາດຈາກຄະນະສະເພາະກິດ ແລະ
່ມອບໃຫ້ຂະແໜງສຶກສາ ເປັນເຈົ້າການຕິດຕາມ, ກວດກາ ການປະຕິບັດມາດຕະການປ້ອງກັນພະຍາດ ຢ່າງ
ເຂັ້ມງວດ ເປັນຕົ້ນແມ່ນການຈັດໂຕະ-ຕັ່ງ ນັ່ງຮຽນ ມີໄລຍະຫ່າງຢ່າງໜ້ອຍ 01 ແມັດ, ຄູ-ອາຈານ ທີ່ຈະ
ສິດສອນ ຕ້ອງໄດ້ຮັບການສັກຢາວັກຊິນປ້ອງກັນ Covid-19 ຄົບໂດສ, ໃສ່ຜ້າປິດປາກ-ດັ່ງ, ມີບ່ອນລ້າງມື
ໃສ່ນ້ຳຢາລ້າງມື ແລະ ປະຕິບັດມາດຕະການອື່ນໆ ທີ່ເຫັນວ່າມີຄວາມຈຳເປັນ.
2.10. ອະນຸຍາດໃຫ້ເປີດສູນກິລາໃນຮົ່ມ ແລະ ກາງແຈ້ງ ທຸກປະເພດ ຢູ່ໃນເມືອງ ຫຼື ບ້ານ ທີ່ບໍ່ມີກາລະບາດໃນ
ຊຸມຊົນ ທີ່ໄດ້ຮັບອະນຸຍາດຖືກຕ້ອງຕາມກົດໝາຍ ແລະ ລະບຽບການກ່ຽວຂ້ອງ, ຜູ້ໃຫ້ບໍລິການ ແລະ ຜູ້ທີ່ຈະ
ເຂົ້າມາໃຊ້ບໍລິການໃນສະຖານທີ່ດັ່ງກ່າວ ຕ້ອງໄດ້ຮັບການສັກຢາວັກຊີນປ້ອງກັນ Covid-19 ຄົບໂດສ ທັງ
ຫ້າມບໍ່ໃຫ້ບໍລິການເຄື່ອງດື່ມທີ່ມີທາດເຫຼົ້າ, ໃຫ້ກຳນົດມາດຕະການ ປ້ອງກັນການຕິດເຊື້ອ ແລະ ແຜ່ເຊື້ອ
ພະຍາດຢ່າງເຂັ້ມງວດ, ຄະນະຮັບຜິດຊອບສະເພາະກິດຂັ້ນເມືອງ ຕ້ອງລົງກວດກາສະຖານທີ່ກ່ອນອະນຸຍາດ
ແລະ ຕິດຕາມການຈັດຕັ້ງປະຕິບັດຕົວຈິງ ພາຍຫຼັງເປີດບໍລິການ.
2.11. ການຄົບງັນງານສົບ, ງານສົ່ງສະການ ແລະ ເຮັດບຸນແຈກທານ ແມ່ນໃຫ້ເຮັດແບບກະທັດຮັດ, ໃຊ້ເວລາສັ້ນ,
ຄົນເຂົ້າຮ່ວມຈຳນວນໜ້ອຍ ແລະ ເປັນເຈົ້າການໃນການປ້ອງກັນການແຜ່ລະບາດຂອງພະຍາດໂຄວິດ-19
ໂດຍໃຫ້ປະຕິບັດຕາມຄໍາແນະນໍາເລກທີ 3829/ຄສກ.ວຈ, ລົງວັນທີ 04 ຕຸລາ 2021 ຂອງຄະນະສະເພາະ
ກິດແຂວງວຽງຈັນ ຢ່າງເຂັ້ມງວດ.
3. ກຳນົດສູນປິ່ນປົວຜູ້ຕິດເຊື້ອ Covid-19 ຢູ່ແຂວງວຽງຈັນ 04 ສູນ ຄື: ສູນປິ່ນປົວໂພນໂຮງ(ສູນບຳບັດຢາເສບຕິດ)
ສູນປິ່ນປົວໂຮງຮຽນພະຍາບານສາດ, ສູນປິ່ນປົວເມືອງວັງວຽງ ແລະ ສູນປິ່ນປົວເມືອງແກ້ວອຸດົມ, ກຳນົດເອົາສູນ

#ຂໍ້ມູນ: ຄະນະສະເພາະກິດແຂວງວຽງຈັນ

Leave a Reply

Your email address will not be published. Required fields are marked *

You may have missed