Vieng Chanh News

ແຂວງວຽງຈັນອອນລາຍ

ເມືອງແມດຮັບມະຫາຊົນກ້າໜ້າເຂົ້າເປັນສະມາຊິກພັກສຳຮອງ

1 min read

ໃນຕອນເຊົ້າຂອງວັນທີ່ 15 ຕຸລາ 2021 ນີ້, ຢູ່ທີ່ສະໂມສອນຂອງເມືອງແມດ ແຂວງວຽງຈັນ ໜວ່ຍພັກຫ້ອງວ່າການເມືອງ ແລະ ໜວ່ຍພັກແນວລາວສ້າງຊາດ ໄດ້ຈັດພິທີຮັບສະໝັກມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ.

ໂດຍເປັນປະທານຂອງສະຫາຍ ພາສີ ນາມມະວົງ ກຳມະການພັກເມືອງ ເລຂາໜວ່ຍພັກຫ້ອງວ່າການເມືອງ, ສະຫາຍ ສີພາ ມະໄລວັນ ເລຂາໜວ່ຍພັກແນວລາວສ້າງຊາດ, ເປັນກຽດເຂົ້າຮ່ວມຂອງສະຫາຍ ເຄນ ໄຕຄຳ ຮອງເລຂາພັກເມືອງ ຜູ້ຊີ້ນຳວຽກງານການເມືອງ-ແນວຄິດ, ມີສະມາຊິກພັກຫ້ອງວ່າການເມືອງ ແລະ ສະມາຊິກພັກແນວລາວສ້າງຊາດເຂົ້າຮ່ວມ, ໃນພິທີສະຫາຍ ພາສີ ນາມມະວົງ ກຳມະການພັກເມືອງ ເລຂາໜວ່ຍພັກຫ້ອງວ່າການເມືອງ ກໍ່ໄດ້ຂື້ນຜ່ານມະຕິຕົກລົງຂອງຄະນະປະຈຳພັກເມືອງ ສະບັບເລກທີ່ 102, 103, / ຄປພ ມມ ລົງວັນທີ່ 21 ກັນຍາ 2021 ວ່າດ້ວຍ: ການຮັບເອົາມະຫາຊົນຜູ້ກ້າວໜ້າທີ່ມີມາດຖານເງື່ອນໄຂຄົບຖ້ວນເຂົ້າເປັນສະມາຊິກພັກປະຊາຊົນປະຕິວັດລາວ, ເຊິ່ງຕົກລົງ ຮັບເອົາ ສະຫາຍ ນາງ ຄຳບາງ ແກ້ວຄູນເມືອງ ມະຫາຊົນຜູ້ກ້າວໜ້າ ເຂົ້າເປັນສະມາຊິກພັກປະຊາຊົນປະຕິວັດລາວ ຢູ່ໜວ່ຍພັກຫ້ອງວ່າການເມືອງ ແລະ ຕົກລົງອານຸມັດຮັບເອົາ ສະຫາຍ ນາງ ຄຳໄມ ຟອງສະດີ ມະຫາຊົນຜູ້ກ້າວໜ້າເຂົ້າເປັນສະມາຊິກປະຊາຊົນປະຕິວັດລາວ ຢູ່ໜວ່ຍພັກຫ້ອງວ່າການເມືອງ.

ຜ່ານມະຕິຕົກລົງ ສະບັບເລກທີ່ 134, 135, 136 / ຄປພ ມມ ລົງວັນທີ່ 13 ຕຸລາ 2021 ວ່າດ້ວຍ: ການຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກປະຊາຊົນປະຕິວັດລາວ, ເຊິ່ງຕົກລົງອານຸມັດເອົາ ສະຫາຍ ນາງ ອານຸລັກ ພົງສະຫວັດມີໄຊ ມະຫາຊົນຜູ້ກ້າວໜ້າເຂົ້າເປັນສະມາຊິກພັກປະຊາຊົນປະຕິວັດລາວ ຢູ່ໜວ່ຍພັກແນວລາວສ້າງຊາດ, ສະຫາຍ ສົມໄຊ ໄຊຍະລາດ ມະຫາຊົນຜູ້ກ້າວໜ້າເຂົ້າເປັນສະມາຊິກພັກປະຊາຊົນປະຕິວັດລາວ ຢູ່ໜວ່ຍພັກແນວລາວສ້າງຊາດ, ແລະ ຕົກລົງຮັບເອົາສະຫາຍ ແຍງ ສິນທະວົງ ສະມາຊິກພັກສຳຮອງຂື້ນເປັນສະມາຊິກພັກສົມບູນຂອງພັກປະຊາຊົນປະຕິວັດລາວ ຢູ່ໜວ່ຍພັກແນວລາວສ້າງຊາດ

ໃນພິທີສະຫາຍ ເຄນ ໄຕຄຳ ຮອງເລຂາພັກເມືອງ ຜູ້ຊີ້ນຳວຽກງານການເມືອງ-ແນວຄິດ ກໍ່ໄດ້ເປັນກຽດຂື້ນໂອ້ລົມຕໍ່ພິທີ, ເຊິ່ງກ່ອນອື່ນສະຫາຍ ກໍ່ໄດ້ກ່າວຍ້ອງຍໍຊົມເຊີຍມາຍັງທັງສອງໜວ່ຍພັກດັ່ງກ່າວ, ໂດຍສະເພາະກໍ່ແມ່ນກໍ່ບັນຫາມະຫາຜູ້ກ້າວໜ້າທີ່ໄດ້ຮັບເຂົ້າເປັນສະມາຊິກພັກປະຊາຊົນປະຕິວັດລາວ, ພ້ອມກັນນັ້ນສະຫາຍກໍ່ຍັງໄດ້ມີຄວາມເປັນຫ່ວງເປັນໄຍຕໍ່ສະມາຊິກພັກຜູ້ທີ່ເຂົ້າໃໝ່.

ຈົ່ງພ້ອມກັນເອົາຄົ້ນຮ່ຳຮຽນກົດລະບຽບຂອງພັກປະຊາຊົນປະຕິວັດລາວ, ຄົ້ນຄ້ວາຮ່ຳຮຽນເອົາຄຸນສົມບັດ ສິນທຳປະຕິວັດທີ່ດີ ໝັ່ນຄົ້ນຄ້ວາຮ່ຳຮຽນ, ເປັນແບບຢ່າງທີ່ດີໃຫ້ແກ່ສັງຄົມ, ດຳລົງຊີວິດປອດໃສຂາວສະອາດ, ມີຄວາມຈົງຮັກພັກດີຕໍ່ພັກ, ຕໍ່ປະເທດຊາດ, ພ້ອມກັນເອົາໃຈໃສ່ຝຶກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກທີ່ດີໃນຕໍ່ໜ້າ

ຂ່າວ: ເມືອງແມດ ບູນລ້ອມ ດວງມະນີ

Leave a Reply

Your email address will not be published. Required fields are marked *

You may have missed