Vieng Chanh News

ແຂວງວຽງຈັນອອນລາຍ

ການນຳ ແຂວງ ວຽງຈັນ ເຂົ້າຮ່ວມກອງປະຊຸມ ສຳມະນາແລກປ່ຽນ ບົດຮຽນແບບທາງໄກ ກ່ຽວກັບກົດໝາຍ ວ່າດ້ວຍການສຳຫຼວດວັດແທກ ແລະ ສ້າງແຜ່ນທີ່

1 min read

ການນຳ ແຂວງ ວຽງຈັນ
ເຂົ້າຮ່ວມກອງປະຊຸມ ສຳມະນາແລກປ່ຽນ
ບົດຮຽນແບບທາງໄກ ກ່ຽວກັບກົດໝາຍ
ວ່າດ້ວຍການສຳຫຼວດວັດແທກ ແລະ ສ້າງແຜ່ນທີ່.

ໃນວັນຈັນ ທີ 18 ຕຸລາ 2021ນີ້ ຄະນະສະມາຊິກສະພາປະຊາຊົນ ແຂວງວຽງຈັນ ໄດ້ຮ່ວມກອງປະຊຸມສຳມະນາແລກປ່ຽນບົດຮຽນແບບທາງໄກກ່ຽວກັບ ກົດໝາຍ ວ່າດ້ວຍການສໍາຫລວດວັດແທກ ແລະສ້າງແຜນທີ່ ແລະ ກົດໝາຍວ່າດ້ວຍຊາຍແດນເເຫ່ງຊາດ.

ຢູ່ທີ່ຫ້ອງວ່າການແຂວງວຽງຈັນ ມີ ທ່ານ ບຸນສອນ ເພັດລາວັນ ຮອງເລຂາພັກແຂວງ ປະທານສະພາປະຊາຊົນ ແຂວງວຽງຈັນ ພ້ອມຄະນະເຂົ້າຮ່ວມ.

ສະຫາຍ ສັນຍາ ປຣະເສິດ, ກຳມະການຄະນະປະຈຳສະພາແຫ່ງຊາດ, ປະທານ ກຳມາທິການການຕ່າງປະເທດ ແຫ່ງສປປລາວ ໄດ້ມີຄໍາເຫັນ ກ່າວຈຸດປະສົງ ແລະ ກ່າວເປີດກອງປະຊຸມ ແລະ ເປັນກຽດມີຄຳເຫັນ ກ່າວໃນພິທີເປີດກອງປະຊຸມສຳມະນາຮ່ວມ ໂດຍ ສະຫາຍ ເລ ກວາງ ຮຸຍ, ກຳມາທິການສູນກາງພັກ, ກຳມະການຄະນະປະຈຳສະພາແຫ່ງຊາດ,ປະທານກຳມາທິການວິທະຍາ ສາດ, ເຕັກໂນໂລຊີ ແລະ ສິ່ງ ແວດລ້ອມ, ສະພາແຫ່ງຊາດຫວຽດນາມ
ມີຄຳເຫັນ ແນະນໍາຄຳຖາມເຈາະຈີ້ມເນື້ອໃນກ່ຽວກັບກົດໝາຍ ດັ່ງກ່າວ.

ເຊິ່ງສະເຫນີໂດຍ ສະຫາຍ ຫງວຽນ ຕ້ວນ ແອ້ງ, ວ່າດ້ວຍການວັດແທກແຜນທີ່, ຮອງປະທານກຳມາທິການວິທະຍາສາດ, ເຕັກໂນໂລຊີ ແລະສິ່ງແວດລ້ອມ ແລະ ກົດໝາຍ ວ່າດ້ວຍການສຳຫລວດວັດແທກແຜນທີ່ ແລະ ສ້າງ ເຊິ່ງສະເຫນີໂດຍ ສະຫາຍ ທອງຈັນ ມະນີໄຊ, ກຳມະການສູນກາງພັກ, ລັດມົນຕີກະຊວງພາຍໃນຕາງໜ້າທະນາຮັບຜິດຊອບກົດໝາຍຂອງຝ່າຍລາວ.

ກອງປະຊຸມໄດ້ພ້ອມກັນສຸມໃສ່ປະກອບຄຳຄິດເຫັນໃສ່ບາງເນື້ອໃນທີ່ສໍາຄັນຂອງຮ່າງກົດໝາຍວ່າດ້ວຍການສຳຫຼວດວັດແທກ ແລະ ສ້າງແຜນທີ່ ແລະ ຮ່າງກົດໝາຍວ່າດ້ວຍຊາຍແດນແຫ່ງຊາດ.

ເພື່ອຮັບປະກັນໃຫ້ເນື້ອໃນຂອງກົດໝາຍສອງ ສະບັບຂອງຝ່າຍລາວ ພວກເຮົາໄດ້ ມີເນື້ອໃນທີ່ຄົບຖ້ວນ, ຮັດກຸມ ແລະ ສາມາດພິຈາລະນາຮັບຮອງເອົາໄດ້ໃນກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX ນີ້.

ຂ່າວ: ພ ບົວທອງ

Leave a Reply

Your email address will not be published. Required fields are marked *

You may have missed