Vieng Chanh News

ແຂວງວຽງຈັນອອນລາຍ

ຄະນະສະເພາະກິດເມືອງແກ້ວອຸດົມ ຄົ້ນຄ້ວາປຶກສາຫາລືເພີ່ມມາດຕະການວຽກງານຕ້ານ ແລະ ສະກັດກັ້ນການແຜ່ລະບາດຂອງ ພະຍາດ ໂຄວິດ – 19

1 min read

ວັນທີ 18 ຕຸລາ 2021 ຄະນະພັກ-ອົງການປົກຄອງເມືອງກໍ່ຄືຄະນະສະເພາະກິດຂັ້ນເມືອງ,ພ້ອມກັນຄົ້ນຄ້ວາປຶກສາຫາລືໃນຫຼາຍບັນຫາຕໍ່ກັບການຈັດຕັ້ງປະຕິບັດມາດຕະການເພີ້ມເຕີມໃຫ້ເຂັ້ມງວດກ່ວາເກົ່າ,ພ້ອມນັ້ນ ກອງປະຊຸມກໍ່ໄດ້ຜັດປຽ່ນກັນຂື້ນມີຄຳເຫັນຢ່າງກົງໄປກົງມາ ແລະ ໄດ້ຕົກລົງມີຄວາມເປັນເອກະພາບຕໍ່ກັບການຈັດຕັ້ງປະຕິບັດເພີ້ມມາດຕະການຂອງວຽກງານຕ້ານ-ສະກັດກັ້ນການແຜ່ລະບາດຂອງພະຍາດ ໂຄວິດ – 19 ໂດຍສະເພາະການຈັດຕັ້ງປະຕິບັດຜັນຂະຫຍາຍບັນດາຄໍາສັ່ງແຈ້ງການຂອງຂັ້ນເທິງລົງເຜີຍແຜ່ຢູ່ແຕ່ລະກຸ່ມບ້ານຢ່າງທົ່ວເຖິງ,ລົງໂຄສະນາເຜີຍແຜ່ນິຕິກຳ ແລະ ມາດຕະການໃນການປ້ອງກັນ,ສະກັດກັ້ນພະຍາດໂຄວິດ-19,ເຂັ້ມງວດຈຸດກວດກາຄົນເຂົ້າ – ອອກຕາມຊາຍແດນ,ເມືອງຕໍ່ເມືອງ,ບ້ານຕໍ່ບ້ານ ແລະ ບ້ານທີ່ໄດ້ກຳນົດເປັນເຂດພື້ນທີ່ບ້ານສີແດງຢ່າງເຂັ້ມງວດ.

ເມືອງແກ້ວອຸດົມ ໄດ້ກຳນົດເອົາ 11 ບ້ານເປັນເຂດພື້ນທີ່ສະແດງ,ໃນນັ້ນມີ: ບ້ານທ່າລາດ,ບ້ານຖີ່ນແກ້ວ,ບ້ານແສງສະຫວ່າງ,ບ້ານພູເຂົາຄຳ,ບ້ານນາປູນ,ບ້ານທ່າຊັນ,ບ້ານສາມັກຄີໄຊ,ບ້ານໂພນມ່ວງ,ບ້ານໂພນຄຳ,ບ້ານແກ້ວກູ່ ແລະ ໂພນແຍງ ແລະ ມີ 3 ບ້ານເປັນເຂດສີເຫຼືອງ.


ປະຈຸບັນໄດ້ພົບຜູ້ຕິດເຊື້ອໃໝ່ໃນຊຸມຊົນຈຳນວນ 2 ຄົນ,ຍີງ 0 ຄົນ,ຕິດເຊື້ອສະສົມທັງໝົດ 261 ຄົນ,ຍີງ 128 ຄົນ,ປີ່ນປົວຫາຍດີແລ້ວ 4 ຄົນ,ຍີງ 2 ຄົນ,ກຳລັງປິ່ນປົວ 257 ຄົນ,ຍີງ 126 ຄົນ,ໃນນັ້ນເຂົ້າປີ່ນປົວຢູ່ສູນໂພນໂຮງຈຳນວນ 53ຄົນ,ເຂົ້າປີ່ນປົວຢູ່ສູນໂຮງຮຽນພະຍາບານຈຳນວນ 113 ຄົນ,ເຂົ້າປີ່ນປົວຢູ່ສູນເມືອງແກ້ວອຸດົມຈຳນວນ 35 ຄົນ ແລະ ປີ່ນປົວຢູ່ຫ້ອງຄຸມຂັງຈຳນວນ 14 ຄົນ,ໄດ້ເກັບຕົວຢ່າງເພື່ອກວດວິເຄາະຫາເຊື້ອພະຍາດເຮັດໃຫ້ມີຕົວເລກສະສົມທັງໝົດຈຳນວນ 1.210 ຄົນ,ຍີງ 580 ຄົນ,ຕິດຕາມແຮງງານທີ່ມາຈາກເຂດສຽ່ງທັງພາຍໃນ ແລະ ຕ່າງປະເທດມີຕົວເລກສະສົມທັງໝົດຈຳນວນ 1.097 ຄົນ,ຍີງ 517 ຄົນ ແລະ ກຸ່ມສຽ່ງທີ່ໄດ້ສຳພັດໃກ້ຊິດກັບຜູ້ຕິດເຊື້ອທີ່ກຳລັງຕິດຕາມອາການ C1 ຈຳນວນ 605 ຄົນ,ຍີງ 272 ຄົນ.


ປະຈຸບັນຫ້ອງການສາທາລະນະສຸກເມືອງ ຍັງໄດ້ສຸມໃສ່ສັກຢາວັກຊີນໃນເຂັມທີ 1 ຈຳນວນ 11.105 ຄົນ,ເທົ່າກັບ 54% ແລະ ເຂັມທີ 2 ຈຳນວນ 3.335 ຄົນ,ໄດ້ກຳນົດເອົາໂຮງຮຽນອານຸບານໄຟຟ້າ ຢູ່ບ້ານແສງສະຫວ່າງ ເປັນສູນປີ່ນປົວຂອງເມືອງ,ຢູ່ພາຍໃນສູນມີຕຽງນອນຄົນເຈັບຈຳນວນ 31 ຕຽງ,ມີເຄື່ອງອຸປະກອນການແພດຈຳນວນໜື່ງ,ມີຄະນະປ້ອງກັນ 1 ທ່ານ,ມີແພດປີ່ນປົວ 1 ທ່ານ,ພະຍາບານ 2 ທ່ານ,ປະຈຸບັນເມືອງແກ້ວອຸດົມມີສູນກັກກັນຈຳນວນ 7 ສູນ,ໃນນັ້ນມີສູນ ໂຮງຮຽນໂພນສະຫວັນ,ສູນໂຮງຮຽນທ່າລາດ,ສູນໂຮງຮຽນພູເຂົາຄຳ,ສູນໂຮງຮຽນແສງສະຫວ່າງ,ສູນໂຮງຮຽນທ່າຊັນ,ສູນໂຮງຮຽນຫາດເດື່ອ ແລະ ມີ 1 ສູນກັກກັນຂອງເມືອງ.


ໃນໂອກາດດັ່ງກາ່ວ ທ່ານ ສີສະຫວາດ ແສງ ພະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆແກ້ວອຸດົມ ໄດ້ມີຄໍາເຫັນຊີ້ນໍາ ກ່ອນອື່ນທ່ານ ໄດ້ກ່າວຍ້ອງຍໍຊົມເຊີຍຕໍ່ຄະນະສະເພາະກິດເມືອງທີ່ໄດ້ເອົາໃຈໃສ່ຕໍ່ກັບວຽກງານຕ້ານ-ສະກັດກັ້ນພະຍາດໂຄວິດ – 19,ແຕ່ເຖິງຢ່າງໃດກໍ່ຕາມຂໍໃຫ້ບັນດາຄະນະສະເພາະກິດເມືອງຈົ່ງສືບຕໍ່ເອົໃຈໃສ່ຍົກລະດັບປ້ອງກັນ,ເຝົ້າລະວັງຂຶ້ນຕື່ມ,ມອບຄວາມຮັບຜິດຊອບໃຫ້ ປກຊ – ປກສ ເມືອງ ແລະ ປກຊ-ປກສໃນແຕ່ລະບ້ານເຝົ້າລະວັງຕິດຕາມຄົນເຂົ້າ – ອອກຢ່າງເຂັ້ມງວດ.

ມອບໃຫ້ຄະນະຮັບຜິດຊອບຈໍາກັດການເດີນທາງເຂົ້າ- ອອກບ້ານ,ເມືອງຂອງປະຊາຊົນທີ່ບໍ່ມີຄວາມຈໍາເປັນ, ການຊຸມແຊວ ແລະ ງານປະເພນີຕ່າງໆໃຫ້ປະຕິບັດມາດຕະການຂອງຄະນະສະເພາະກິດວາງອອກຢ່າງເຂັ້ມງວດ.
ໂດຍເປັນກຽດເຂົ້າຮ່ວມມີບັນດາຄະນະສະເພາະກິດເມືອງແກ້ວອຸດົມເຂົ້າຮ່ວມຢ່າງພ້ອມພຽງ.

ຂ່າວ: ດາວເພັດ ແກ້ວປະເສິດ

Leave a Reply

Your email address will not be published. Required fields are marked *

You may have missed