Vieng Chanh News

ແຂວງວຽງຈັນອອນລາຍ

ບໍລິສັດພັດທະນາຫີນກາວ ວຽງຈັນ ຈຳກັດ ຊຸກຍູ້ວຽກງານ ປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ 19 ຢູ່ເມືອງໝື່ນ

1 min read

ຕອນບ່າຍວັນທີ 23 ພະຈິກ 2021 ນີ້ ທີ່ຫ້ອງວ່າການເມືອງໝື່ນ ແຂວງວຽງຈັນ ບໍລິສັດພັດທະນາຫີນກາວວຽງຈັນ ຈຳກັດ ໄດ້ນຳເອົາເຄື່ອງອຸປະໂພກ-ບໍລິໂພກ, ແລະອຸປະກອນປ້ອງກັນພະຍາດໂຄວິດ-19 ມາມອບໃຫ້ເມືອງໝື່ນ ເປັນກຽດມອບໂດຍ ທ່ານ ປີ່ ສີຫາລາດ ປະທານບໍລິສັດ ພັດທະນາຫີນກາວວຽງຈັນ ຈຳກັດ ພ້ອມດ້ວຍຄະນະ ແລະຕາງໜ້າຮັບໂດຍທ່ານ ນາງ ບຸນມາ ວົງຂຸນສີ ຫົວໜ້າຫ້ອງວ່າການເມືອງໝື່ນ ໂດຍຊ່ອງໜ້າຄະນະສະເພາະກິດເມືອງໝື່ນ.


ເຄື່ອງທີ່ນຳມາມອບໃນເທື່ອນີ້ ປະກອບມີ ເຂົ້າສານ 120 ກິໂລ, ປາກະປ໋ອງ 2 ແກັດ, ໝີ່ໄວໄວ 3 ແກັດ., ເຈວລ້າງມື 2 ແກັດ, ນ້ຳເຫຼົ້າລ້າງມື 2 ຕຸກ ແລະຜ້າອັດປາກ-ດັງ 48 ກັບ ລວມມູນຄ່າທັງໝົດ 4.500.000 (ສີ່ລ້ານຫ້າແສນ) ກວ່າກີບ.


ໂອກາດດຽວກັນ ທ່ານ ນາງບຸນມາ ວົງຂຸນສີ ຍັງໄດ້ມອບໃບກຽດຕິຄຸນ ໃຫ້ກັບບໍລິສັດດັ່ງກ່າວ ພ້ອມທັງກ່າວຂອບໃຈ ທີ່ບໍລິສັດໄດ້ປະກອບສ່ວນຊ່ວຍເຫຼືອເມືອງໝື່ນໃນຄັ້ງນີ້ ແລະຫວັງວ່າຍັງຄົງຈະໄດ້ຮັບການຊ່ວຍເຫຼືອຕື່ມອີກໃນອະນາຄົດ ທ່ານນາງບຸນມາວົງຂຸນສີຍັງກ່າວຕື່ມວ່າ ເຄື່ອງຈຳນວນນີ້ ຈະນຳໃຊ້ເຂົ້າໃນວຽກງານປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ຢູ່ເມືອງໝື່ນ ໃຫ້ເກີດຜົນປະໂຫຍດສງສຸດ..

ພາບ, ຂ່າວ: ແໜງໜໍ່ຄຳ

Leave a Reply

Your email address will not be published. Required fields are marked *

You may have missed