Vieng Chanh News

ແຂວງວຽງຈັນອອນລາຍ

ອົງການກາແດງ ແຂວງວຽງຈັນເປີດກອງປະຊຸມ ປຸກລະດົມຂົນຂວາຍບໍລິຈາກເລືອດ ແລະຄຸ້ມຄອງ ບໍລິຈາກເລືອດປອດໄພຂັ້ນເມືອງ

1 min read

ຕອນເຊົ້າ ຂອງວັນທີ 23 ພະຈິກ 2021 ອົງການກາແດງ ແຂວງວຽງຈັນ ໄດ້ເປີດກອງປະຊຸມ ປຸກລະດົມຂົນຂວາຍ ບໍລິຈາກເລືອດ ແລະຄຸ້ມຄອງບໍລິຈາກເລືອດປອດໄພຂັ້ນເມືອງ ຢູ່ທີ່ຫ້ອງປະຊຸມໃຫຍ່ ຂອງເມືອງຊະນະຄາມ.

 

ໂດຍການເປັນກຽດເຂົ້າຮ່ວມ ຂອງທ່ານ ພູວົງ ບຸນຊູ ກຳມະການພັກແຂວງ, ຮອງເຈົ້າແຂວງໆວຽງຈັນ ປະທານຄະນະກຳມະການ ປຸກລະດົມຂົນຂວາຍບໍລິຈາກເລືອດ ແລະຄຸ້ມຄອງບໍລິການເລືອດປອດໄພ ຂັ້ນແຂວງ, ມີຄະນະກຳມະການປຸກລະດົມຂົນຂວາຍບໍລິຈາກເລືອດ ຂັ້ນເມືອງ ພ້ອມດ້ວຍພະນັກງານອົງການກາແດງຂັ້ນແຂວງກໍເປັນກຽດເຂົ້າຮ່ວມ ຈຳນວນ 30 ຄົນ, ຍິງ 09 ຄົນ.


ໃນວາລະດຳເນີນກອງປະຊຸມ ໄດ້ຜ່ານຂໍ້ຕົກລົງ ຂອງທ່ານ ເຈົ້າແຂວງໆວຽກຈັນ ສະບັບເລກທີ 915/ຈຂ.ວຈ ລົງວັນທີ 1 ກັນຍາ 2021 ວ່າດ້ວຍ: ການອະນຸມັດໃຫ້ ອົງການການແດງແຂວງວຽງຈັນ ເປີດກອງປະຊຸມ ຄະນະກຳມະການ ປຸກລະດົມຂົນຂວາຍການບໍລິຈາກເລືອດ ແລະຜ່ານຂໍ້ຕົກລົງເລກທີ 421/ ຈຂ.ວຈ ລົງວັນທີ 7 ພຶດສະພາ 2021 ວ່າດ້ວຍ: ການແຕ່ງຕັ້ງຄະນະກຳມະການປຸກລະດົມຂົນຂວາຍບໍລິຈາດເລືອດ ແລະຄຸ້ມ ຄອງບໍລິການເລືອດປອດໄພຂົ້ນແຂວງ ໃນກອງປະຊຸມຍັງໄດ້ກຳນົດຕົວເລກຄາດໝາຍ ສູ້ຊົນຜູ້ບໍລິຈາກເລືອດ ໃຫ້ບັນດາອົງການປົກຄອງເມືອງ, ກອງບັນຊາການ ປກສ – ປກຊ ເມືອງ, ໂຮງຮຽນ, ໂຮງໝໍ, ບໍລິສັດ, ລັດວິສາຫະກິດ ໃນປີ 2021-2025.
ຈຸດປະສົງ ຂອງກອງປະຊຸມ.

ເພື່ອປຶກສາຫາລື ການຈັດຕັ້ງປະຕິບັດ ແຜນພັດທະນາວຽກງານປຸກລະດົມ ຂົນຂວາຍບໍລິຈາກເລືອດ ແລະຄຸ້ມຄອງບໍລິການເລືອດປອດໄພ ອົງການກາແດງ ແຂວງວຽງຈັນ ໃຫ້ບັນລຸຕາມແຜນການທີ່ກຳນົດໄວ້ ພ້ອມທັງຮັບປະກັນຂອດການຈັດຕັ້ງປະຕິບັດ ແລະເຂົ້າເຖິງເປົ້າໝາຍຜູ້ບໍລິຈາກເລືອດໃຫ້ນັບມື້ນັບກ້ວາງຂວາງ.


ໃນກອງປະຊຸມທີ່ມີຄວາມໝາຍ ຄວາມສໍາຄັນ ທ່ານ ພູວົງ ບຸນຊູ ຮອງເຈົ້າແຂວງ ແຂວງວຽງຈັນ ໄດ້ຊີ້ໃຫ້ເຫັນ ເຖິງຄວາມໝາຍຄວາມສຳຄັນ ຕໍ່ກັບວຽກງານອົງການກາແດງ ແລະການປຸກລະດົມຂົນຂວາຍບໍລິຈາກເລືອດ ພ້ອມທັງຮຽກຮ້ອງມາຍັງຜູ້ແທນທີ່ເຂົ້າຮ່ວມກອງປະຊຸມ ຈົ່ງພ້ອມກັນອອກແຮງປຸກລະດົມຂົນຂວາຍຜູ້ບໍລິຈາກເລືອດແບບສະໝັກໃຈ ບໍຮຽກຮ້ອງສິ່ງຕອບແທນ ເພື່ອບັນລຸກຄາດໝາຍທີ່ວາງໄວ້.


ຕອນທ້າຍ ຂອງກອງປະຊຸມ ບັນດາສໍານັກງານ ອົງການ ແລະຜູ່ແທນທີ່ເຂົ້າຮ່ວມກອງປະຊຸມ ຍັງໄດ້ບໍລິຈາກເລືອກ ຈຳນວນ 15 ຄົນ, ຍິງ 2 ຄົນ, ພ້ອມທັງມອບ-ຮັບ ໃບຊົມເຊີຍ ຂອງອົງການກາແດງ ຂວງວຽງຈັນ ໃຫ້ຜູ້ທີ່ບໍລິຈາກເລືອດ ຢ່າງສົມກຽດ.

ຂ່າວ: ເມືອງຊະນະຄາມ

Leave a Reply

Your email address will not be published. Required fields are marked *

You may have missed