Vieng Chanh News

ແຂວງວຽງຈັນອອນລາຍ

ເຊື່ອມຊືມເອກະສານຂອງກົມການເມືອງສູນກາງພັກ ແລະເອກະສານທີ່ສຳຄັນ ຕ່າງໆຂອງພັກ

1 min read

ວັນທີ 24 ພະຈີກ 2021 ນີ໊ ຢູ່ທີ່ສະໂມສອນເມືອງເຟືອງ ໄດ້ຈັດກອງປະຊຸມເຊື່ອມຊືມ ເອກະສານຂອງກົມການເມືອງ ສູນກາງພັກ ແລະບັນດາເອກະສານທີ່ສຳຄັນອີກຈຳນວນໜຶ່ງ ໃຫ້ແກ່ພະນັກງານຫຼັງແຫຼ່ງ, ພະນັກງານນຳພາ ຢູ່ພາຍໃນເມືອງເຟືອງ.

ໂດຍການເປັນປະທານຂອງ ສະຫາຍ ນາງ ຄຳເມີງ ແພງວິຈິດ ຮອງເລຂາພັກເມືອງ ຜູ້ຊີ້ນຳວຽກງານການເມືອງ-ແນວຄິດ ວຽກພັກ-ພະນັກງານ ຂັ້ນເມືອງ, ມີບັນດາຄະນະປະຈຳ, ກຳມະການພັກ, ເລຂາໜ່ວຍພັກ ເລຂາຄະນະພັກຮາກຖານ ໄດ້ພ້ອມກັນເຂົ້າຮ່ວມ.


ຜູ້ເຂົ້າຮ່ວມໄດ້ຮັບເຊື່ອມຊືມເອກະສານທີ່ສຳຄັນຄື: ຄຳສັ່ງເລກທີ 01/ກມສພ ວ່າດ້ວຍການເພີ່ມທະວີການນຳພາຊີ້ນຳຂອງຄະນະພັກແຕ່ລະຂັ້ນ ໃນການຈັດຕັ້ງປະຕິບັດມາດຕະການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ, ເອກສານຄຳສັ່ງ ເລກທີ 02 ຂອງກົມການເມືອງສູນກາງພັກ ວ່າດ້ວຍການເພີ່ມທະວີການນຳພາຊີ້ນຳຂອງຄະນະພັກແຕ່ລະຂັ້ນ

ຕໍ່ກັບການສະກັດກັ້ນແລະແກ້ໄຂບັນຫາຢາເສບຕິດ, ມະຕິວ່າດ້ວຍການຍົກສູງຄຸນນະພາບວຽກງານການເມືອງແນວຄິດໃນໄລຍະໃໝ່ ແລະວຽກງານໂຄສະນາອົບຮົມການເມືອງ-ແນວຄິດ ກ່ຽວກັບການຈັດຕັ້ງປະຕິບັດ ມາດຕະການປ້ອງກັນ, ຄວບຄຸມ ສະກັດກັ້ນ ການແຜ່ລະບາດຂອງພະຍາດໂຄວິດຫ-19 ເຊິ່ງປະທານ ແລະຄະນະພັກໄດ້ຜັດປ່ຽນກັນຂື້ນສະເໜີ.

ຫຼັງຈາກສີ້ນສຸດການເຜີຍແຜ່ເອກະສານທີ່ສຳຄັນທັງໝົດ ເພຶ່ອເຮັດໃຫ້ ຄຳສັ່ງຂອງກົມການເມືອງສູນກາງພັກ ແລະເອກະສານທີ່ສຳຄັນຂອງຄະນະພັກຂັ້ນເທິງ.

ໄດ້ຈັດຕັ້ງເຜີຍແຜ່ເຊື່ອມຊືມ ແລະຜັນຂະຫຍາຍຢ່າງກວາງຂວາງ, ເລິກເຊິ່ງ ທົ່ວເຖິງ ກຸ່ມເປົ້າໝາຍ ໃຫ້ເກີດຜົນຕົວຈິງ ແລະມີປະສິດທິພາບສູງ ຄະນະໂຄສະນາອົບຮົມ ເມືອງເຟືອງກໍ່ໄດ້ມີແຜນການ ແບ່ງຄວາມຮັບຜິດຊອບ ລົງເຜີຍແຜ່ ເຊື່ອມຊືມ ໃຫ້ແກ່ຄະນະພັກຢູ່ແ່ຕ່ລະຂັ້ນ ເປັນຕົ້ນແມ່ນ ຢູ່ສຳນັກງານອົງການ, ຢູ່ແຕ່ລະກຸ່ມບ້ານ ໃຫ້ທົ່ວເຖິງ ບັນດາກຸ່ມເປົ້າໝາຍ ຈຳນວນ 23 ຈຸດ.

ໃນທົ່ວເມືອງ ໃນການຈັດຕັ້ງເປັນຫຼາຍຈຸດກໍ່ເພຶ່ອເປັນການປະຕິບັດ ມາດຕະການປ້ອງກັນ ຄວບຄຸມ ການແຜ່ລະບາດຂອງພະຍາດໂຄວິດ19 ເປັນຕົ້ນການຮັກສາໄລຍະຫ່າງ, ໃສ່ຜ້າ ອັດປາກ-ດັງ ແລະມີເຈວລ້າງມື ຢູ່ແຕ່ລະຈຸດ.

ສຳລັບແຜນການລົງເຜີຍແຜ່ເຊື່ອມຊຶມເອກະສານຄາດວ່າຈະໃຫ້ສຳເລັດພາຍໃນເດືອນ ທັນວາ 2021 ນີ້ .

ຂ່າວ: ຄຳລຸນ

Leave a Reply

Your email address will not be published. Required fields are marked *

You may have missed