Vieng Chanh News

ແຂວງວຽງຈັນອອນລາຍ

ເມືອງແມດເຊື່ອມຊຶມເອກະສານວາລະແຫ່ງຊາດຂອງລັດຖະບານ

1 min read

ໃນວັນທີ່ 23 – 24 ພະຈິກ 2021 ນີ້, ຢູ່ທີ່ສະໂມສອນຂອງເມືອງແມດ ແຂວງວຽງຈັນ ໄດ້ມີກອງປະຊຸມເຊື່ອມຊຶມເອກະສານວາລະແຫ່ງຊາດຂອງລັດຖະບານ ໃຫ້ແກ່ກຳລັງປ້ອງກັນຊາດ – ປ້ອງກັນຄວາມສະຫງົບຂອງເມືອງ, ກອງປະຊຸມດັ່ງກ່າວໂດຍ.

ເປັນປະທານຂອງທ່ານ ຄຳປ່ຽນ ແສງສະຫວັດ ກຳມະການພັກແຂວງ ເລຂາພັກເມືອງ ເຈົ້າເມືອງໆແມດ ແລະ ທ່ານ ເຄນ ໄຕຄຳ ຮອງເລຂາພັກເມືອງ ຜູ້ຊີ້ນຳວຽກງານການເມືອງ – ແນວຄິດ, ມີຄະນະປະຈຳພັກເມືອງ, ກຳມະການພັກເມືອງ, ຄະນະພັກ, ຄະນະບັນຊາ ແລະ ພ້ອມດ້ວຍພະນັກງານໃນກຳລັງປ້ອງກັນຊາດ – ປ້ອງກັນຄວາມສະຫງົບເຂົ້າຮ່ວມ, ກອງປະຊຸມໃນຄັ້ງນີ້ໄດ້ຜ່ານເອກະສານທີ່ສຳຄັນຈຳນວນ 6 ເອກະສານຄື: ເອກະສານວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ( 2021 – 2023 ).

ເອກະສານສ້າງບາດກ້າວບຸກທະລຸໃຫ້ເປັນຈິງ 4 ດ້ານ, ເອກະສານການດຳລົງຊີວິດແບບປະຢັດ ແລະ ຕ້ານການຫຼີ້ນກິນຟຸມເຟືອຍທຸກຮູບແບບ, ເອກະສານວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ – ການເງິນ, ( 2021 – 2023 ) ເອກະສານເພີ່ມທະວີສະກັດກັ້ນ ແລະ ແກ້ໄຂປະກົດການຫຍໍ້ທໍ້ຕ່າງໆໃນສັງຄົມແມ່ນຄວາມຈຳເປັນພາວະວິໄສ ແລະ ເອກະສານສຶກສາອົບຮົມຊາວໜຸ່ມໃນຫົວຂໍ້ຢ່າປ່ອຍໃຫ້ຊີວິດໃນໄວໜຸ່ມໂດຍບໍ່ມີຄຸນຄ່າປະໂຫຍດອັນໃດໃຫ້ຄອບຄົວ, ສັງຄົມ ແລະ ປະເທດຊາດ.

ໃນໂອກາດຕອນທ້າຍ ທ່ານ ຄຳປ່ຽນ ແສງສະຫວັດ ກຳມະການພັກແຂວງ ເລຂາພັກເມືອງ ເຈົ້າເມືອງໆແມດ ກໍ່ໄດ້ມີຄຳເຫັນໂອ້ລົມຕໍ່ກອງປະຊຸມ, ເຊິ່ງກ່ອນອື່ນທ່ານກໍ່ໄດ້ເນັ້ນໃຫ້ກຳລັງປ້ອງກັນຊາດ – ປ້ອງກັນຄວາມສະຫງົບພ້ອມກັນເອົາໃຈໃສ່ຈັດຕັ້ງປະຕິບັດເນື້ອໃນເອກະສານວາລະແຫ່ງຊາດ.

ໂດຍສະເພາະກໍ່ແມ່ນບັນຫາຢາເສບຕິດທີ່ຈະຕ້ອງແກ້ໄຂໃຫ້ຮີບດ່ວນ, ຄວາມຫຍຸ້ງຍາກທາງດ້ານການເງິນ, ໃຫ້ເອົາໃຈໃສ່ຕ້ານປະກົດການຫຍໍ້ທໍ້ຕ່າງໆໃນສັງຄົມ, ເປັນຕົ້ນກໍ່ແມ່ນຂີ້ລັກງັດແງະ, ຫຼິ້ນການພະນັນ ແລະ ອື່ນໆ, ການມົ້ວສຸມບັນຫາຢາເສບຕິດຂອງຊາວໜຸ່ມ – ໄວໜຸ່ມ ເປັນບັນຫາທີ່ຈະຕ້ອງໄດ້ແກ້ໄຂໃຫ້ຮີບດ່ວນ ທີ່ກຳລັງເປັນໄພອັນຕະລາຍຕໍ່ສັງຄົມ ກໍ່ຄືປະເທດຊາດ ເວົ້າລວມ, ເວົ້າສະເພາະກໍ່ຄືເມືອງແມດຂອງພວກເຮົາ, ວຽກງານປ້ອງກັນຄວາມສະຫງົບ.

ໃຫ້ເອົາໃຈໃສ່ຕິດຕາມກວດກາສະກັດກັ້ນການຄ້າຂາຍຢາເສບຕິດ, ຕ້ອງເຂັ້ມງວດ ແລະ ເດັດຂາດຕໍກັບບັນຫາດັ່ງກ່າວ, ເຮັດໃຫ້ອົງການຈັດຕັ້ງບ້ານ ແລະ ປະຊາຊົນບັນດາເຜົ່າມີຄວາມເຊື່ອໝັ້ນ, ໄວ້ວາງໃຈ ແລະ ທີ່ເປັນທີ່ເພິ່ງຂອງປະຊາຊົນ, ນອກຈາກຈາກຈະເຊື່ອມຊຶມເອກະສານວາລະແຫ່ງຊາດຂອງລັດຖະບານໃຫ້ແກ່ກຳລັງປ້ອງກັນຊາດ – ປ້ອງກັນຄວາມສະຫງົບແລ້ວ, ຄະນະຮັບຜິດຊອບຍັງຈະໄດ້ສືບຕໍ່ເຊື່ອມຊຶມວາລະແຫ່ງຊາດໃຫ້ແກ່ພະນັກງານ – ລັດຖະກອນສຳນັກງານຫ້ອງການອ້ອມຂ້າງເມືອງ ແລະ ໂຮງຮຽນ, ໂຮງໝໍ, ຊາວໜຸ່ມ – ໄວໜຸ່ມ, ນັກນັກສາ ແລະ ເຍົາວະຊົນ, ຊາວໜຸ່ມບ້ານພາຍໃນເມືອງແມດ, ຄາດວ່າຈະໃຫ້ສຳເລັດໃນກາງເດືອນທັນວາ 2021 ນີ້.


ຂ່າວ: ບຸນລ້ອມ

Leave a Reply

Your email address will not be published. Required fields are marked *

You may have missed