Vieng Chanh News

ແຂວງວຽງຈັນອອນລາຍ

ແຂວງວຽງຈັນ ປະກາດແຕ່ງຕັ້ງຫົວໜ້າພະແນກແຜນການ ແລະ ການລົງທຶນແຂວງຜູ້ໃຫມ່

1 min read

ພິທີປະກາດແຕ່ງຕັ້ງຫົວໜ້າພະແນກແຜນການແລະການລົງທຶນແຂວງຜູ້ໃຫມ່ໄດ້ຈັດຂຶ້ນໃນວັນທີ1ທັນວາ2021 ທີ່ຫ້ອງປະຊຸມຂອງພະແນກດັ່ງກ່າວ.

ໃຫ້ກຽດເຂົ້າຮ່ວມເປັນປະທານຂອງ ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງວຽງຈັນ, ມີທ່ານ ເຕັ່ງເມັ່ງ ຢ່າງລືໄຊ ຜູ້ວ່າການຫົວໜ້າພະແນກແຜນການແລະການລົງທຶນແຂວງວຽງຈັນ ພ້ອມຄະນະ, ອ້າຍນ້ອງພະນັກງານພາຍໃນພະແນກ ແລະ ແຂກຖືກເຊີນເຂົ້າຮ່ວມ.

ທ່ານ ສອນໄຊ ຫລວງອາໄພ ຮອງຫົວຫນ້າຄະນະຈັດຕັ້ງແຂວງວຽງຈັນໄດ້ຂຶ້ນຜ່ານຂໍ້ຕົກລົງວ່າດ້ວຍການແຕ່ງຕັ້ງ ທ່ານ ເຕັງເມັ່ງ ຢ່າງລືໄຊ ຜູ້ວ່າການຫົວໜ້າພະແນກ ແຜນການ ແລະ ການລົງ ທຶນແຂວງ ເປັນ ຫົວໜ້າພະແນກ ແຜນການ ແລະ ການລົງ ທຶນແຂວງວຽງຈັນຜູ້ໃຫມ່ທັງນີ້ກໍເພື່ອອີງໃສ່ທາງດ້ານຫນ້າທີ່ວຽກງານໃຫ້ມີການຂະຫຍາຍຕົວຢ່າງຕໍ່ເນື່ອງ.

ພ້ອມນີ້ຍັງໄດ້ມອບຂໍ້ຕົກລົງຂອງທ່ານເຈົ້າແຂວງໆວຽງຈັນວ່າດ້ວຍການແຕ່ງຕັ້ງຫົວຫນ້າພະແນກແຜນການແລະການລົງແຂວງວຽງຈັນຕື່ມອີກ ເປັນກຽດມອບໂດຍ ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງວຽງຈັນ ແລະ ຮັບ ໂດຍ ທ່ານ ເຕັ່ງເມັ່ງ ຢ່າງລືໄຊ ຫົວໜ້າພະແນກແຜນການແລະການລົງທຶນແຂວງວຽງຈັນຜູ້ໃຫມ່.


ໂອກາດດັ່ງກ່າວ ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງວຽງຈັນ,ຍັງໄດ້ເນັ້ນຫນັກໃຫ້ຜູ້ທີ່ໄດ່ຮັບຫນ້າທີ່ໃຫມ່ໃນເທື່ອນີ້ໃຫ້ສືບຕໍ່ຊີ້ນຳ-ນຳພາຈັດຕັ້ງປະຕິບັດຫນ້າທີ່ວຽກງານໃຫ້ເກີດຫມາກອອກຜົນດີກວ່າເກົ່າ,ສືບຕໍ່ນຳພາເຕົ້າໂຮມຄວາມສາມັກຄີອ້າຍນ້ອງທັງພາຍໃນແລະພາຍນອກໃຫ້ມີຄວາມສາມັກຄີເປັນປຶກແຜ່ນ,ຊອກຮູ້ຮ່ຳຮຽນບັນດາກົດຫມາຍທີ່ກ່ຽວຂ້ອງກັບຫນ້າທີ່ວຽກງານ.

ເພື່ອພ້ອມກັນຈັດຕັ້ງປະຕິບັດວຽກງານຕາມຄວາມຮັບຜິດຊອບ ແລະ ສອດຄ່ອງຕາມລະບຽບກົດຫມາຍຂອງພັກ ແລະ ລັດຖະບາຍໄດ້ວາງອອກ ອີກຢ່າງຫນຶ່ງເພື່ອເນັ້ນໃສ່ສ້າງພະນັກງານສືບທຶນປ່ຽນແທນທີ່ເປັນຮຸ່ນນຸ່ມເພື່ອຮັບໃຊ້ຫນ້າທີ່ການເມືອງຂອງພັກເຮົາໃນໄລຍະໃຫມ່.

ຂ່າວ: ຄຳຂຽນ

Leave a Reply

Your email address will not be published. Required fields are marked *

You may have missed