Vieng Chanh News

ແຂວງວຽງຈັນອອນລາຍ

ເມືອງແກ້ວອຸດົມເຊື່ອມຊືມບົດແນະນຳເລກທີ 017/ຄປພ.ວຈ ລົງວັນທີ 10 ຕຸລາ 2021.

1 min read

ໃນວັນທີ 3 ທັນວາ 2021 ຜ່ານມີນີ້ເມືອງແກ້ວອຸດົມໄດ້ຈັດກອງປະຊຸມເຊື່ອມຊືມບົດແນະນຳເລກທີ 017/ຄປພ.ວຈ ລົງວັນທີ 10 ຕຸລາ 2021ຂື້ນຢູ່ທີ່ສະໂມສອນໃຫຍ່ເມືອງແກ້ວອຸດົມ ແຂວງວຽງຈັນ.

ທ່ານ ສີສະຫວາດ ແສງພະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆແກ້ວອຸດົມໄດ້ກ່າວໃນບົດແນະນຳເລກທີ 017/ຄປພ.ວຈ ລົງວັນທີ 10 ຕຸລາ 2021 ໃຫ້ຮູ້ວ່າ: ເພື່ອຮັບປະກັນໃຫ້ແກ່ການຈັດຕັ່ງປະຕິບັດ ມະຕິຂອງຄະນະປະຈຳພັກແຂວງສະບັບເລກທີ 168/ຄປພ.ວຈ,ລົງວັນທີ 05 ສິງຫາ 2021 ກຽວກັບການສືບຕໍ່ຫັນລົງກໍ່ສ້າງຮາກຖານການເມືອງ,ພັດທະນາຊົນນະບົດຮອດດ້ານ ຕິດພັນກັບວຽກງານ 3 ສ້າງແຕ່ນີ້ຮອດກອງປະຊຸມໃຫຍ່ຄັ້ງທີ Vll ຂອງອົງຄະນະພັກແຂວງວຽງຈັນ.

ເຊີ່ງເນື້ອໃນແທ້ແມ່ນເປັນການກວດກາ,ຕີລາຄາຄືນການຈັດຕັ້ງຜັນຂະຫຍາຍມະຕິ Xl ຂອງພັກ,ມະຕິ Vl ຂອງອົງຄະນະພັກແຂວງວຽງຈັນ,ແຜນພັດທະນາເສດຖະກິດ-ສັງຄົມຂອງແຂວງ ຂອງເມືອງທີ່ວາງໄວ້ ອັນໃດແມ່ນມີຜົນສຳເລັດ ແລະ ເປັນບົດຮຽນດ້ານຕັ້ງໜ້າ,ບັນຫາໃດທີ່ຍັງຄົງຄ້າງທີ່ຈະຕ້ອງໄດ້ເອົາໃຈໃສ່ຊອກຫາທາງອອກ ແລະ ວິທີແກ້ໄຂຮ່ວມກັນຢ່າງກົມກຽວ.

ໂດຍພື້ນຖານແລ້ວແມ່ນເປັນການສ້າງຂະບວນການແຂ່ງຂັນຮັກຊາດພັດທະນາ ແລະ ແກ້ໄຂ 2 ວາລະແຫ່ງຊາດທີ່ກອງປະຊຸມຄົບຄະນະພັກແຂວງໄດ້ກຳນົດໄວ້,ກວດກາຄືນການກຳນົດຈຸດສຸມກຸ່ມບ້ານ,ການກຳນົດມາດຕະຖານສ້າງກຸ່ມພັດທະນາເສດຖະກິດ-ສັງຄົມ ແລະ ການສ້າງບ້ານໃຈກາງຂອງກຸ່ມບ້ານໃຫ້ກາຍເປັນບ້ານພັດທະນາຮອດດ້ານ,ສຸມໃສ່ສ້າງບ້ານປ້ອມໜັ້ນສູ້ຮົບ ແລະ ກຸ່ມບ້ານສູ້ຮົບຕິດລຽນຢູ່ເຂດຈຸດສຸມ,ກຸ່ມບ້ານ ແລະ ບ້ານຕາມແນວຊາຍແດນເຊີ່ງເນື້ອໃນຕົ້ນຕໍແມ່ນສຸມໃສ່ບັນດາໜ້າວຽກ,ເອົາໃຈໃສ່ວຽກງານວັດທະນະທຳ-ສັງຄົມໃຫ້ມີການຂະຫຍາຍຕົວ ແລະ ແຂງແຮງກ່ວາເກົ່າ,ສືບຕໍ່ຊຸກຍູ້ການພັດທະນາເສດຖະກິດ-ສັງຄົມໃຫ້ຂະຫຍາຍຕົວຢ່າງຕໍ່ເນື່ອງ,ສຸມໃສ່ແກ້ໄຂຄວາມທຸກຍາກຂອງປະຊາຊົນໃຫ້ໄດ້ຕາມມະຕິຂອງພັກ ແລະ ແຜນການທີ່ວາງໄວ້.


ຈາກນັ້ນທ່ານ ສີທອນ ອ່ອນວົງຄຳສຸກ ກຳມະການພັກເມືອງ ຫົວໜ້າຄະນະຈັດຕັ້ງ ເມືອງແກ້ວອຸດົມ ໃຫ້ກຽດຂື້ນຜ່ານຂໍ້ຕົກລົງເລກທີ 192/ຈມ.ກດ ລົງວັນທີ 26 ຕຸລາ 2021 ວ່າດ້ວຍ ການໂຍກຍ້າຍບ່ອນປະຈຳການພະນັກງານ-ລັດຖະກອນ ແລະ ຂໍ້ຕົກລົງເລກທີ 213/ຈມ.ກດລົງວັນທີ 22 ພະຈິກ 2021 ວ່າດ້ວຍ ການແຕ່ງຕັ້ງຫົວໜ້າ,ຮອງຫົວໜ້າຫ້ອງການ ເມືອງແກ້ວອຸດົມ.

ໃນໂອກາດດັ່ງກ່າວທ່ານ ສີສະຫວາດ ແສງພະຈັນ ເລຂາພັກເມືອງ ເຈົ້າເມືອງໆແກ້ວອຸດົມ ກໍ່ໄດ້ມີຄຳເຫັນໂອ້ລົມຕໍ່ກັບພະນັກງານທີ່ຖືກໂຍກຍ້າຍ ແລະ ຮັບແຕ່ງຕັ້ງໃໝ່ ກໍ່ໃຫ້ສືບຕໍ່ຮັກແພງສາມັກຄີກັນ,ພົວພັນປະສານງານປຶກສາຫາລືວຽກງານສືບຕໍ່ຊ່ວຍເພື່ອເຊີ່ງກັນ ແລະ ກັນເພື່ອເຮັດໃຫ້ວຽກງານມີຄວາມຄ່ອງຕົວ ແລະ ຂະຫຍາຍຕົວດ້ວຍປະສິດທິຜົນດີຂື້ນເປັນກ້າວໆ,ສືບຕໍ່ຮັກສາມູນເຊື້ອອັນດີງາມ,ບົດຮຽນດ້ານຕັ້ງໜ້າ,ດ້ານດີ,ຍົກລະດັບປັບປຸງ ແລະ ພັດທະຍາຕົນເອງໃຫ້ກາຍເປັນພະນັກງານສືບທອດທີ່ດີໃນອານາຄົດ.

ກອງປະຊຸມໃນຄັ້ງນີ້ໂດຍເປັນກຽດເຂົ້າຮ່ວມມີຄະນະປະຈຳພັກເມືອງ,ກຳມະການພັກເມືອງ,ຫົວໜ້າ,ຮອງຫົວໜ້າຫ້ອງການ ແລະ ກົມກອງອ້ອມຂ້າງເມືອງແກ້ວອຸດົມເຂົ້າຮ່ວມຢ່າງພ້ອມພຽງ.

ຂ່າວ: ດາວເພັດ ແກ້ວປະເສິດ.

Leave a Reply

Your email address will not be published. Required fields are marked *

You may have missed