Vieng Chanh News

ແຂວງວຽງຈັນອອນລາຍ

ຫ້ອງການ ຖວທ ເມືອງກາສີ ແຂວງວຽງຈັນ ທາບທາມ ກໍານົດພະນັກງານນຳພາ-ຄຸ້ມຄອງ

1 min read

ໃນວັນທີ 01 ທັນວາ 2021 ນີ້, ຢູ່ທີ່ຫ້ອງການ ຖວທ ເມືອງກາສີ ແຂວງວຽງຈັນ ໄດ້ມີເປີດກອງປະຊຸມຄັດເລືອກທາບທາມພະນັກງານນຳພາ-ຄຸ້ມຄອງພາຍໃນຫ້ອງການ ຖວທ ຂື້ນຢ່າງເປັນທາງການ.

ໂດຍເປັນປະທານຂອງ ທ່ານ ອຳໄພ ໂສລັດຕະນະວົງ ຮອງເລຂາພັກເມືອງ, ເຂົ້າຮ່ວມມີທ່ານ ແຫຼວທອງ ແສງສຸລິຍາ ກຳມະການພັກເມືອງ ຫົວໜ້າຫ້ອງການ ຖວທ ເມືອງກາສີ, ມີບັນດາຄະນະຮັບຜິດຊອບຂັ້ນເມືອງ ພ້ອມດ້ວຍພະນັກງານພາຍໃນຫ້ອງການ ຖວທ ເຂົ້າຮ່ວມທັງໝົດ 14 ທ່ານ, ຍິງ 4 ທ່ານ

ໃນໂອກາດນີ້ ທ່ານ ອຳໄພ ໂສລັດຕະນະວົງ ໄດ້ມີຄຳເຫັນເຊີ່ງທ່ານໄດ້ກ່າວວ່າ: ການກຳນົດຄັດເລືອກທາບທາມພະນັກງານນຳພາ – ຄຸ້ມຄອງ ແມ່ນຄາດຄະເນເປົ້າໝາຍເຂົ້າໃນຕຳແໜ່ງນຳພາ-ຄຸ້ມຄອງຂັ້ນເມືອງ ກໍ່ຄືໃນຫ້ອງການ ຖວທ ເມືອງເພື່ອແນ່ໃສ່ຮັບປະກັນລັກສະນະສືບທອດປ່ຽນແທນຢ່າງຕໍ່ເນື່ອງໃນສະເພາະໜ້າ ແລະ ຍາວນານ, ເປັນການກະກຽມບຸກຄະລາກອນລັກສະນະເປີດກ້ວາງ ເພື່ອໃຫ້ມີແຫຼ່ງເລືອກເຟັ້ນພະນັກງານນຳພາ-ຄຸ້ມຄອງ ທີ່ສາມາດຕອບສະໜອງທາງດ້ານຈຳນວນ ແລະ ຄຸນນະພາບ ຕາມໂຄງປະກອບບຸກຄະລາກອນໃຫ້ຄົບຊຸດຕາມຄວາມຮຽກຮ້ອງຕ້ອງການຂອງບັນດາຕຳແໜ່ງງານນຳພາ-ຄຸ້ມຄອງ ຢູ່ພາຍໃນຫ້ອງການ ຖວທ ເມືອງກາສີ. ພ້ອມນັ້ນທ່ານຍັງໄດ້ອະທິບາຍຜ່ານມາດຖານ ແລະ ເງື່ອນໄຂຂອງຜູ້ທີ່ຈະເປັນພະນັກງານນໍາພາ-ຄຸ້ມຄອງ.

ສຳລັບເປົ້າໝາຍທາບທາມພະນັກງານນຳພາ-ຄຸ້ມຄອງໃນຄັ້ງນີ້ປະກອບມີ ຫົວໜ້າຫ້ອງການ, ຮອງຫ້ອງການ, ຫົວໜ້າ-ຮອງຫົວໜ້າໜ່ວຍງານ ທັງຜູ້ເກົ່າ ແລະ ຜູ້ໃໝ່. ຕໍ່ຈາກນັ້ນກໍ່ໄດ້ດໍາເນີນການທາບທາມ ຈໍານວນ 3 ຮອບຄື: ເຂົ້າຮ່ວມທາບທາມຮອບທີ່ 1: ແມ່ນມີພະນັກທັງໝົດພາຍໃນຫ້ອງການ ຖວທ.

ເຂົ້າຮ່ວມທາບທາມຮອບທີ່ 2: ມີຫົວໜ້າຫ້ອງການ, ຮອງຫົວໜ້າຫ້ອງການ, ຫົວໜ້າໜ່ວຍງານ ແລະ ຮອງຫົວໜ້າໜ່ວຍງານ, ເຂົ້າຮ່ວມທາບທາມຮອບທີ່ 3: ມີຫົວໜ້າຫ້ອງການ, ຮອງຫົວໜ້າຫ້ອງການ ແລະ ຫົວໜ້າໜ່ວຍງານ

( ຂ່າວ: ຫ້ອງການ ຖວທ ເມືອງກາສີ )

Leave a Reply

Your email address will not be published. Required fields are marked *

You may have missed