Vieng Chanh News

ແຂວງວຽງຈັນອອນລາຍ

ລົງສຳຫຼວດ,ເກັບກຳຂໍ້ມູນເບື້ອງຕົ້ນເພຶ່ອສ້າງແຜນພັດທະນາການທ່ອງທ່ຽວ ຢູ່ເມືອງເຟືອງ ສຳລັບປີ 2022-2030

1 min read

ໄລຍະ ວັນທີ 4-5 ທັນວາ 2021 ຜ່ານມານີ້ ນຳໂດຍ ທ່ານ ນາງ ແພງຈັນ ແພງເມືອງ ຫົວໜ້າກົມ ແຜນການ ແລະການຮ່ວມມືສາກົນ, ທ່ານ ນາງ ພອນມະລີ ອິນທະພົມ ຫົວໜ້າກົມພັດທະນາການທ່ອງທ່ຽວ ກະຊວງ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ພ້ອມດ້ວຍທີມງານ 6 ທ່ານ ສົມທົບກັບ ຫົວໜ້າພະແນກ ຖວທ ແຂວງວຽງຈັນ ໄດ້ລົງມາສຳຫຼວດ ແລະເກັບກຳຂໍ້ມູນເບື້ອງຕົ້ນ ເພື່ອສ້າງແຜນພັດທະນາການທ່ອງທ່ຽວ ຂອງເມືອງເຟືອງ ແຂວງວຽງຈັນ ສຳລັບ ປີ 2022-2030.


ເມືອທີມງານມາເຖິງກໍ່ຖືກຕ້ອນຮັບຈາກ ທ່ານ ທະວີສັກ ວົງສະຫວ່າງ ຮອງເຈົ້າເມືອງໆເຟືອງ ແລະຄະນະຫ້ອງການ ຖວທ ເມືອງເຟືອງດ້ວຍຄວາມອົບອຸ່ນ ພ້ອມທັງໄດ້ຮັບຟັງການລາຍງານ ສະພາບການພັດທະນາແຫຼ່ງທ່ອງທ່ຽວຢູ່ພາຍໃນເມືອງ ເຊິ່ງໄດ້ຍົກໃຫ້ເຫັນສະຖານທີ່ທ່ອງທ່ຽວ ທາງທຳມະຊາດຫຼາຍແຫ່ງເປັນຕົ້ນແມ່ນລຽບສາຍນຳ້ລີກ ເປັນທີ່ສົນໃສໃຫ້ແກ່ຜູ້ມາລົງທຶນ.

ປະຈຸບັນກໍ່ມີບາງແຫ່ງໄດ້ຮັບການພັດທະນາ ແລະສາມາດດຶງດູດນັກທ່ອງທ່ຽວ ທັງພາຍໃນ ແລະຕ່າງປະເທດ ໄດ້ຫຼັ່ງໄຫຼເຂົ້າມາເມືອງເຟືອງ ນອກຈາກນີ້ກໍ່ມີສະຖານທີ່ທາງປະຫວັດສາດ ແລະວັດທະນະທຳ ອີກຈຳນວນໜຶ່ງ ທີ່ກຳລັງຖືກບູລະນະ, ປັບປຸງຄືນໃໝ່ ໃຫ້ເປັນທີ່ທ່ຽວຊົມ ແລະສຶກສາຫາຄວາມຮູ້.


ຈາກນັ້ນທີມງານກໍ່ໄດ້ສືບຕໍ່ລົງເກັບກຳຂໍ້ມູນຢູ່ໜ້າເຂື່ອນນ້ຳລີິກ 1-2 ເຊິ່ງມີຮ້ານອາຫານ, ບ່ອນບໍລິການຊື້-ຂາຍປາ, ກ້ອງເຂື່ອນໄຟຟ້າຈຸດປ່ອຍເຮືອ, ແພ, ກົງເບັງຂອງນັກທ່ອງທ່ຽວ, ດອນກາງລຽບຕາມສາຍນ້ຳລີກເປົ້າໝາຍຈະສ້າງເປັນແຫຼ່ງທ່ອງທ່ຽວໃນອະນາຄົດ, ຈາກນັ້ນໄດ້ໄປເບິ່ງເສັ້ນທາງຈຸດບ້ານນາບອນ-ວັງວຽງເຊິ່ງເປັນເສັ້ນທາງເຊື່ອມຕໍ່ເມືອງ ມີໄລຍະທາງ 38 ກິໂລແມັດ.

ໃນອານາຄົດເສັ້ນທາງນີ້ຈະອຳນວຍຄວາມສະດວກ ແກ່ນັກທ່ອງທ່ຽວຈະເດີນທາງຈາກວັງວຽງຫາເມືອງເຟືອງ, ແລະ ສຳຫຼວດ ເກັບກຳຂໍ້ມູນຢູ່ສະຖານທີ່ ຫໍສີລາ ກົກແຕ້ ຈາລຶກຄວາມແຄ້ນຂອງຊາວເມືອງເຟືອງ ທີ່ລູກແຫຼ້ງ ຕີນມືຈັກກະພັດຜູ້ຂາຍຊາດນຳເອົານັກປະຕິວັດຜູ້ຮັກຊາດ ມາເຂັນຂ້າ ທຸບຕີ ທໍລະມານ ປະຫານຊີວິດ ຈຳນວນ 17 ທ່ານ.

ນອກນີ້ຍັງໄດ້ໄປທ່ຽວຊົມນຳ້ລີກວິວກາເດັັນ ລີສອດ, ຫາດດອນກາງເມືອງເຟືອງ, ເຮືອນລາວເມືອງເຟືອງ, ໄປເບິ່ງສິມເກົ່າອາຍຸ 200 ກ່ວາປີ ວັດສາມໝື່ນ, ວັດສິນໄຊຍະຣາມ, ຜາຫຼວງ, ຜາດິນຈີ່ ວັດຜາສັງ ຕຳນານ ນິທານສັງສິນໄຊ, ອ່າງເກັບນຳ້ຫວຍເດື່ອ ຫ່າງຈາກສຳນັກງານ 20 ກ່ວາກິໂລແມັດ. ໂດຍການນຳພາຂອງຄະນະຫ້ອງການຖະແຫຼງຂ່າວ ວັດທະນະທຳ ແລະທ່ອງທ່ຽວ ເມືອງເຟືອງ.

#ຂ່າວ:ຄຳລຸນ ສົມວົງໄຊ

Leave a Reply

Your email address will not be published. Required fields are marked *

You may have missed