Vieng Chanh News

ແຂວງວຽງຈັນອອນລາຍ

ສະຫະພັນກຳມະບານເມືອງກາສີ ມອບເງີນທານຸເຄາະ ໃຫ້ສະມາຊິກກອງທຶນເສຍຊີວິດ

1 min read

ໃນວັນທີ 03 ທັນວາ 2021ນີ້, ສະຫະພັນກໍາມະບານເມືອງກາສີ ໄດ້ຈັດພິທີມອບເງີນກອງທຶນທະນຸເຄາະ ຈຳນວນ 36.345.000 ກີບ ໃຫ້ຄອບຄົວສະມາຊິກກອງທືນທີ່ເສຍຊີວິດ ຄື: ທ້າວ ມອກ ສຸມັງຄະລະ, ພະນັກງານບໍານານ ສັງກັດຢູ່ໜ່ວຍຮາກຖານໂຮງຮຽນ ມສ ກາສີ ເມືອງກາສີ, ເຊີ່ງໄດ້ເຂົ້າເປັນສະມາຊິກກອງທຶນມາແຕ່ວັນທີ່ 30 ພະຈິກ 2005, ປື້ມບັດເລກທີ 763, ຜ່ານມາຜູ້ກ່ຽວໄດ້ສະສົມເງີນໄວ້ກອງທຶນ ຈໍານວນ 3.188.000 ກີບ, ຜູ້ກ່ຽວໄດ້ເສຍຊີວິດໃນວັນທີ 20 ພະຈິກ 2021.

ເຊີ່ງໃຫ້ກຽດກ່າວມອບເງີນທານຸເຄາະໃນຄັ້ງນີ້ໂດຍແມ່ນ ທ່ານ ສຸກສະຫວາດ ຈັນວັນເພັງ ຮອງປະທານສະຫະພັນກຳມະບານເມືອງກາສີ ທັງເປັນປະທານກອງທຶນ ແລະ ກ່າວຮັບໂດຍແມ່ນຄອບຄົວຂອງຜູ້ເສຍຊິວິດ.

ໂດຍການໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ບຸນມີ ບົວລິວັນ ຄະນະປະຈຳພັກເມືອງ ປະທານແນວລາວສ້າງຊາດເມືອງ, ມີບັນດາພະນັກງານທີ່ກ່ຽວຂ້ອງ ພ້ອມດ້ວຍຄອບຄົວ ແລະ ຍາດຕິພີ່ນ້ອງຂອງຜູ້ເສຍຊີວິດເຂົ້າຮ່ວມຢ່າງພ້ອມພຽງ. ໃນໂອກາດດັ່ງກ່າວ ທ່ານ ສຸກສະຫວາດ ຈັນວັນເພັງ ໄດ້ມີຄຳເຫັນອະທິບາຍຊີ້ແຈງກ່ຽວກັບກົດລະບຽບ ແລະ ນະໂຍບາຍທີ່ມີຕໍ່ສະມາຊິກກອງທຶນທີ່ເສຍຊີວິດ ເພື່ອເຮັດໃຫ້ຄອບຄົວ ຍາດຕິພີ່ນ້ອງຂອງສະມາຊິກທີ່ເສຍຊີວິດໄດ້ຮັບຮູ້ເຂົ້າຢ່າງເລິກເຊີ່ງ ແລະ ການມອບເງີນໃນຄັ້ງນີ້ ກໍປະຕິບັດຕາມກົດລະບຽບກອງທຶນ ກຊກ ຂອງສະຫະພັນກຳມພບານແຂວງວຽງຈັນ ສະບັບເລກທີ 925/ສກບ.ຂຈ ລົງວັນທີ 25 ທັນວາ 2019 ວ່າດ້ວຍ ການປະຕິບັດນະໂຍບາຍຕໍ່ຜູ້ເສຍຊີວິດ ແລະ ຂໍ້ຕົກລົງຂອງສະຫະພັນກຳມະບານແຂວງວຽງຈັນ ສະບັບເລກທີ 618 /ສບຂ.ວຈ ລົງວັນທີ 3 ພະຈິກ 2021 ວ່າດ້ວຍການມອບເງີນທະນຸເຄາະໃຫ້ສະມາຊິກກອງທຶນທີ່ເສຍຊີວິດ.

ເຊີ່ງມາຮອດປະຈຸບັນ ທົ່ວແຂວງວຽງຈັນ ມີສະມາຊິກກອງທືນ ທັງໝົດ ຈຳນວນ 15.144 ສະຫາຍ. ໃນໂອກາດນີ້ ທ່ານ ບຸນມີ ບົວລິວັນ ຍັງມີຄໍາເຫັນໂອ້ລົມ ເຊີ່ງກ່ອນອື່ນ ທ່ານໄດ້ກ່າວສະແດງຄວາມຍ້ອງຍໍຊົມເຊີມມາຍັງຄະນະພັກ ຄະນະຫ້ອງການກຳມະບານເມືອງ ກໍຄືຄະນະຮັບຜິດຊອບກອງທຶນຂັ້ນເມືອງ ທີ່ໄດ້ເອົາໃຈໃສ່ຄົ້ນຄວ້ານໍາສະເໜີຂັ້ນເທີງ.

ເພື່ອໃຫ້ໄດ້ເງີນຈຳນວນດັ່ງກ່າວມາມອບໃຫ້ຄອບຄົວ ຂອງຜູ້ເສຍຊີວິດໄດ້ທ່ວງທັນກັບໄລຍະເວລາ. ພ້ອມນັ້ນ ທ່ານ ຍັງໄດ້ເນັ້ນໜັກໃຫ້ຄອບຄົວຂອງຜູ້ເສຍຊີວິດ ຈົ່ງນຳໃຊ້ເງີນທີ່ໄດ້ຮັບໃນຄັ້ງນີ້ ໃຫ້ຖືກເປົ້າ ແລະ ເກີດຜົນປະໂຫຍດສູງສຸດ.

(ຂ່າວ: ເມືອງກາສີ)

Leave a Reply

Your email address will not be published. Required fields are marked *

You may have missed