Vieng Chanh News

ແຂວງວຽງຈັນອອນລາຍ

ເມືອງແກ້ວອຸດົມປາຖະກະຖາ 4 ວັນປະຫວັດສາດ

1 min read

ໃນຕອນເຊົ້າ ຂອງວັນທີ 17 ທັນວາ 2021ຜ່ານມານີ້ ເມືອງແກ້ວອຸດົມ ແຂວງວຽງຈັນ ໄດ້ຈັດພິທິປາຖະກະຖາ 4 ວັນປະຫວັດສາດຂອງຊາດຄື: ວັນຊາດທີ 2 ທັນວາ ຄົບຮອບ 46 ປີ ( 02 ທັນວາ 1975-02 ທັນວາ 2021), ວັນຄ້າຍວັນເກິີດ ຂອງປະທານ ໄກສອນ ພົມວິຫານ ຄົບຮອບ 101 ປີ (13 ທັນວາ 1920-13 ທັນວາ 2021),40 ປີແຫ່ງການເຕີບໃຫຍ່ຈະຫຍາບຕົວຢ່າງຮອດບ້ານຂອງແຂວງວຽງຈັນ( 13 ສິງຫາ 1981-13 ສິງຫາ 2021 ) ແລະ ເອກະສານເປີດນຳໄຊ້ເສັ້ນທາງລົດໄຟລາວ-ຈີນຢ່າງເປັນທາງການ.


ໂດຍພາຍໄຕ້ການເປັນປະທານຂອງທ່ານ ເທບພະໄທ ແກ້ວເຂັມເພັດ ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນ,ມີທ່ານ ສີສະຫວາດ ແສງພະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆແກ້ວອຸດົມ,ມີຄະນະປະຈຳພັກເມືອງ,ກຳມະການພັກເມືອງ, ຫົວໜ້າ,ຮອງຫົວໜ້າຫ້ອງການ,ກົມກອງ,ພະນັກງານບໍານານ,ພະສົງ ແລະ ເລຂາພັກບ້ານ ນາຍບ້ານທົ່ວເມືອງແກ້ວອູດົມເຂົ້າຮ່ວມຮັບຟັງ.


ໃນໂອກາດນີ້ ທ່ານ ເທບພະໄທ ແກ້ວເຂັມເພັດ ປະທານແນວລາວສ້າງຊາດ ແຂວງວຽງຈັນກໍ່ໄດ້ໃຫ້ຮູ້ວ່າ: ການປາຖະກະຖາໃນຄັ້ງນີ້ ກໍເພື່ອທົບທວນຫວນຄືນມູນເຊີື້ອໃຊ້ຊະນະປະຫວັດສາດ, ໃນພາລະກິດແຫ່ງການຕໍ່ສູ້ປົດປ່ອຍຊາດ ໃນເມື່ອກ່ອນ ແລະຜົນສຳເລັດໃນການປົກປັກຮັກສາ, ພັດທະນາປະເທດຊາດພາຍໃຕ້ການຊີ້ນຳ ຂອງພັກປະຊາຊົນປະຕິວັດລາວ.

ເປັນການເພີ່ມທະວີສຶກສາອົບຮົມ ການເມືອງ-ເມືອງຄິດ ໃຫ້ພະນັກງານ, ສະມາຊິກພັກ, ທະຫານ, ຕໍ່າຫຼວດ, ນັກຮຽນ, ນັກສຶກສາ ແລະປະຊາຊົນບັນດາເຜົ່າພາຍໃນເມືອງ ກຳແໜ້ນເນື້ອໃນມູນເຊື້ອສາມັກຄີປອງດອງ ຂອງປະຊາຊົນບັນດາເຜົ່າ ແລະຊັ້ນຄົນ, ນໍ້າໃຈອັນອົງອາດກ້າຫານ ຂອງກອງທັບ ແລະປະຊາຊົນລາວເຮົານອກຈາກນີ້ ກໍເພື່ອຄົ້ນຄ້ວາຮໍ່າຮຽນ ເອົາມູນເຊຶ້ອປະຕິວັດ, ຄຸນທາດການເມືອງ, ຄຸນສົມບັດສິນທຳປະຕິວັດ ແບບແຜນວິທີເຮັດວຽກ ການດຳລົງຊີວິດ ຄວາມເປັນແບບຢ່າງນໍາໜ້າ ຂອງປະທານ ໄກສອນ ພົມວິຫານ ເປັນທິດນຳໃນການຈັດຕັ້ງ ປັບປຸງ ເຄື່ອນໄຫວ ວຽກງານຕົວຈິງຢູ່ໃນແຕ່ລະຂົງເຂດວຽກງານ ທີ່ຕົນຮັບຜິດຊອບ.

ໃນພາລະກິດປ່ຽນແປງໃໝ່ຄື: ການປົກປັກຮັກສາ ແລະສ້າງສາພັດທະນາປະເທດຊາດ ເຊິ່ງຕະຫຼວດຊີວິດ ຂອງເພິ່ນໄດ້ເສຍສະຫຼະທຸກສິ່ງຢ່າງ ທຸມເທໃຫ້ແກ່ພາລະກິດປະຕິວັດ ເພື່ອຄວາມເປັນເອກະພາບ, ຄວາມເປັນເອກະລາດແຫ່ງຊາດ ຄວາມມັ່ງຄັ່ງເຂັ້ມແຂງ ຂອງປະເທດຊາດ ແລະຄວາມສົມບູນພູນສຸກ ຂອງປະຊາຊົນລາວບັນດາເຜົ່າຢ່າງແທ້ຈິງ.
ຈາກນັ້ນທ່ານກໍ່ໄດ້ປາຖະກະຖາເນື້ອໃນເອກະສານທີ່ສຳຄັນຕ່າງໆໃຫ້ສຳເລັດເປັນກ້າວໆ.

ຂ່າວ: ດາວເພັດ ແກ້ວປະເສິດ

Leave a Reply

Your email address will not be published.

ສະຫງວນລິຂະສິດ