Vieng Chanh News

ແຂວງວຽງຈັນອອນລາຍ

ພະແນກຍຸຕິທຳແຂວງວຽງຈັນໄດ້ຈັດພິທີປະກາດການຈັດຕັ້ງແລະການເຜີຍແຜ່ເຊື່ອມຊືມຄຳສັ່ງ,ຄຳແນະນຳຂອງກົມການເມືອງສູນກາງພັກແລະເລົ່າມູນເຊື້ອວັນສຳຄັນຂອງຊາດ

1 min read

ພະແນກຍຸຕິທຳແຂວງວຽງຈັນໄດ້ຈັດພິທີປະກາດການຈັດຕັ້ງແລະການເຜີຍແຜ່ເຊື່ອມຊືມຄຳສັ່ງ,ຄຳແນະນຳຂອງກົມການເມືອງສູນກາງພັກແລະເລົ່າມູນເຊື້ອວັນສຳຄັນຂອງຊາດ.


ຕອນເຊົ້າຂອງວັນທີ27ທັນວາ2021ທີ່ຜ່ານມາໄດ້ຈັດພິທີປະກາດແຕ່ງຕັ້ງຫົວຫນ້າຂະແໜງຂຶ້ນຢູ່ຫ້ອງປະຊຸມຂອງພະແນກຍຸຕິທຳແຂວງວຽງຈັນໂດຍການເປັນປະທານຂອງທ່ານຄຳພັນ ຊະນະໄພ ເລຂາໜ່ວຍພັກຫົວໜ້າພະແນກຍຸຕິທຳແຂວງວຽງຈັນ,ມີຮອງເລຂາ,ຮອງຫົວຫນ້າພະແນກ,ຫົວໜ້າຂະແໜງ,ຮອງຂະແໜງແລະພະນັກງານວິຊາການເຂົ້າຮ່ວມຢ່າງພ້ອມພຽງ.


ໃນພິທີທ່ານ ສຸລິນຸ່ຍ ດວງປະດິດ ຫົວໜ້າຂະແໜງຈັດຕັ້ງພະນັກງານແລະກວດກາໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າແຂວງໆວຽງຈັນລະບັບເລກທີ1343/ຈຂ.ວຈ ລົງວັນທີ16ທັນວາ2021ວ່າດ້ວຍການແຕ່ງຕັ້ງຫົວໜ້າຂະແໜງຂອງພະແນກຍຸຕິທຳແຂວງວຽງຈັນໂດຍແຕ່ງຕັ້ງທ່ານນາງ ເຄືອຄຳ ຫລວງລາດ ຮອງຫົວໜ້າຂະແໜງທະບຽນສານ ຂຶ້ນເປັນຫົວໜ້າຂະແໜງທະບຽນສານແລະ ແຕ່ງຕັ້ງທ່ານ ອຸໃດ ດວງວິໄລ ຮັກສາການຫົວໜ້າຂະແໜງຈັ້ງຕັ້ງປະຕິບັດຄຳຕັດສິນຂອງສານຂຶ້ນເປັນຫົວໜ້າຂະແໜງຈັດຕັ້ດຕັ້ງປະຕິບັດຄຳຕັດສິນຂອງສານຕາມຂໍ້ຕົກລົງຂອງທ່ານເຈົ້າແຂວງໆວຽງຈັນ.

ຫຼັງຈາກນັ້ນທ່ານຄຳພັນ ຊະນະໄພ ເລຂາໜ່ວຍພັກຫົວໜ້າພະແນກຍຸຕິທຳແຂວງວຽງຈັນກໍ່ໄດ້ມີຄຳເຫັນໂອ້ລົມຕໍ່ຜູ້ທີ່ໄດ້ຮັບການແຕ່ງຕັ້ງໃນຄັ້ງນີ້ໂດຍໄດ້ເນັ້ນໜັກໃຫ້ເອົາໃຫ້ເອົາໃຈໃສ່ຝຶກຝົນຫຼໍ່ຫຼອມຕົນເອງທາງດ້ານແນວຄິດ,ທິດສະດີ,ການຈັດຕັ້ງແລະປະຕິບັດວຽກງານວິຊາສະເພາະ,ຕ້ອງເປັນແບບຢ່າງນຳໜ້າ,ຍົກສູງນ້ຳໃຈສ້າງຄວາມສາມັກຄີ,ເຊື້ອໝັ້ນຕໍ່ການນຳພາຂອງພັກ-ລັດ ມີຄວາມສັດຊື່ບໍລິສຸດ,ມີນ້ຳໃຈປະຢັດ,ຕ້ານການຫຼິ້ນກິນຟູມເຟືອຍ,ມີຄວາມອົດທົນແລະເສີມຂະຈຸດດີ,ແກ້ໄຂຈຸດອ່ອນແລະຂໍ້ຄົງຄ້າງຕາມສິດແລະພາລະບົດບາດທີ່ກຳນົດໄວ້ຢ່າງເຂັ້ມງວດແລະໃຫ້ມີຜົນສຳເລັດຕາມລະດັບຂາດໝາຍ.


ໃນຕອນທ້າຍພິທີທັງ2ທ່ານທີ່ຖືກແຕ່ງຕັ້ງເປັນຫົວໜ້າຂະແໜງທະບຽນສານແລະຫົວໜ້າຂະແໜງຈັດຕັ້ງປະຕິບັດຄຳຕັດສິນຂອງສານກໍ່ໄດ້ຂຶ້ນຜ່ານຄຳປະຕິຍານຕົນເອງວ່າຈະຊື່ສັດບໍລິສຸດຕໍ່ໜ້າທີ່ຕຳແໜງທີ່ຕົນເອງໄດ້ຖືກມອບໝາຍ,ຈະຖືຜົນປະໂຫຍດສ່ວນລວມຫຼາຍກ່ອນສ່ວນຕົວ,ຈະຝຶກຝົນຫຼໍ່ຫຼອມຕົນເອງໃຫ້ເປັນພະນັກງານທີ່ດີເດັ່ນແລະຈະເປັນແບບຢ່າງທີ່ດີໃຫ້ແກ່ອ້າຍນ້ອງພະນັກງານພາຍໃນພະແນກຍຸຕິທຳແຂວງວຽງຈັນ.


ພາຍຫຼັງພິທີປະກາດການຈັດຕັ້ງຫົວໜ້າຂະແໜງສຳເລັດແລ້ວ ຄະນະປະທານ ທ່ານຄຳພັນ ຊະນະໄພເລຂາໜ່ວຍພັກຫົວໜ້າພະແນກຍຸຕິທຳ,ທ່ານ ນາງ ຈັນສອນ ກົງດາລາ ຮອງເລຂາໜ່ວຍພັກຮອງຫົວໜ້າພະແນກຍຸຕິທຳ,ທ່ານ ພອນສິນ ທິລະກຸນ ຮອງຫົວໜ້າພະແນກຍຸຕິທຳ ກໍ່ຖືເອົາໂອກາດອັນສຳຄັນນີ້ເຜີຍແຜ່ເຊືອມຊືມຄຳສັ່ງເລກທີ01/ກມສພແລະຄຳສັ່ງແນະນຳເລກທີ291/ກມສພ ກ່ຽວກັບການຈັດຕັ້ງປະຕິບັດຄຳສັ່ງຂອງກົມການເມືອງສູນກາງພັກວ່າດ້ວຍການເພີ່ມທະວີການສ້າງໜ່ວຍພັກປອດໃສເຂັ້ມແຂງໜັກແໜ້ນເພື່ອເປັນບ່ອນອີງໃຫ້ພະນັກງານໃນການດຳເນີນຊີວິດການເມືອງ.

ສືບຕໍ່ເສີມຂະຫຍາຍມູນເຊື້ອອັນດີງາມ,ຜົນງານທີໂດດເດັ່ນແລະດ້ານດີ,ເດັດດ່ຽວປັບປຸ່ງ,ແກ້ໄຂຈຸດອ່ອນ,ຂໍ້ຄົງຄ້າງ ແລະ ສິ່ງທ້າທາຍທົດສອບທີ່ເປັນໄພອັນຕະລາຍຕໍ່ພັກເຮົາແນ່ໃສ່ເຊີດຊູບົດບາດຄວາມສາມາດນຳພາຂອງພັກແລະຍົກສູງຄວາມເປັນແບບຢ່າງນຳໜ້າຂອງຖັນແຖວ,ສະມາຊິກພັກຮັບປະກັນໃຫ້ພັກເຮົາມີຄວາມປອດໃສ,ເຂັ້ມແຂງ,ໜັກແໜ້ນ,ເຮັດໃຫ້ການຈັດຕັ້ງປະຕິບັດສອດຄ່ອງແລະເປັນເອກະພາບໃນທົ່ວພັກ.ນອກຈາກນັ້ນທ່ານຄຳພັນຊະນະໄພຫົວໜ້າພະແນກຍຸຕິທຳຍັງໄດ້ແນະນຳໃຫ້ບັນດາສະມາຊິກພັກໄດ້ຂຽນໃບສຳຫຼວດຕົນເອງເພື່ອຕີລາຄາຕົນເອງແລະສົ່ງຂ່າວຕຳນິຕິຊົມສະມາຊິກພາຍໃນໜ່ວຍແລະກໍ່ສ້າງຊ່ວຍເຫຼືອເຊິ່ງກັນແລະກັນ.


ທ່ານນາງ ຈັນສອນ ກົງດາລາ ຮອງເລຂາໜ່ວຍພັກ ຮອງຫົວໜ້າພະແນກຍຸຕິທຳກໍ່ໄດ້ເຜີຍແຜ່ເຊືອມຊືມເອກະສານວັນສະຖາປະນາ ສປປລາວຄົບຮອບ46ປີ(ວັນທີ2ທັນວາ1975-2ທັນວາ2021)ແລະເອກະສານຜົນສຳເລັດໃນການກໍ່ສ້າງໂຄງການເສັ້ນທາງລົດໄຟລາວ-ຈີນເຊິ່ງທ່ານໄດ້ຍົກໃຫ້ເຫັນເຖິງເຫດການສຳຄັນທີ່ເກີດຂຶ້ນໃນວັນທີ2ທັນວາ1975ຊຶ່ງແມ່ນວັນແຫ່ງໄຊຊະນະອັນຍິ່ງໃຫ່ຍໃນປະຫວັດສາດຂອງຊາດລາວ,ຄຽງຄູ່ກັບການປົກປັກຮັກສາແລະສ້າງສາພັດທະນາປະເທດຊາດ,ການຟື້ນຟູເສດຖະກິດ,ວັດທະນະທຳ-ສັງຄົມ.ພ້ອມນັ້ນທ່ານຍັງຍົກໃຫ້ເຫັນເຖິງຜົນສຳເລັດຂອງໂຄງການກໍ່ສ້າງເສັ້ນທາງລົດໄຟລາວ-ຈີນຊຶ່ງເປັນເສັ້ນທາງຄົມມະນາຄົມຂົນສົ່ງທີ່ສຳຄັນຂອງການຜະລິດ,ການເຂື່ອນເໜັງເສດຖະກິດແຫ່ງຊາດແລະອື່ນໆ.


ທ່ານພອນສິນ ທິລະກຸນ ຮອງຫົວໜ້າພະແນກຍຸຕິທຳ ໄດ້ເຜີຍແຜ່ເອກະສານວັນຄ້າຍວັນເກີດຂອງປະທານ ໄກສອນ ພົມວິຫານຄົບຮອບ101ປີ(ວັນທີ13ທັນວາ1920-13ທັວວາ2021)ທ່ານໄດ້ເລົ່ງເຖິງມູນເຊື້ອອັນດີງາມແລະລ້ຳຄ່າຂອງປະທານ ໄກສອນ ພົມວິຫານ ຊຶ່ງເປັນຜູ້ນຳສູງສຸດຂອງການປະຕິວັດລາວ,ທີ່ມີຄວາມປີຊາສາມາດ,ສະຫຼາດຫຼັກແຫຼມ,ມີໄຫວພິບອັນແຫຼມຄົມ,ມີນ້ຳໃຈຕໍ່ສູ້ອັນເດັດດ່ຽວໜຽວແໜ້ນ,ເປັນຜູ້ນຳທີແສນເຄົາລົບຮັກຂອງພັກປະຊາຊົນ ປະຕິວັດລາວ,ເປັນວິລະບູລຸດຂອງຊາດລາວເຮົາຕະຫຼອດໄປ.ສະນັ້ນຈຶ່ງມີຄວາມຈຳເປັນແລະສຳຄັນຢ່າງພາວະວິໄສທີສະມາຊິກພັກ-ພະນັກງານຕ້ອງໄດ້ເອົາໃຈໃສ່ກຳແໜ້ນ,ຮຽນຮູ້ເອົາແບບຢ່າງທີ່ດີ,ຄຸນສົມບັດສິນທຳປະຕິວັດ ຂອງປະທານໄກສອນ ພົມວິຫານ ໃນໄລຍະໃຫ່ມ ແຫ່ງການພັດທະນາເພື່ອປົກປັກຮັກສາ ແລະ ສ້າງສາພັດທະນາປະເທດຊາດກ້າວເຂົ້າສູ່ຈຸດໝາຍສັງຄົມນິຍົມເທື່ອລະກ້າວ.

ຂ່າວ:ພະແນກຍຸຕິທໍາແຂວງວຽງຈັນ

More Stories

Leave a Reply

Your email address will not be published.

You may have missed

ສະຫງວນລິຂະສິດ