Vieng Chanh News

ແຂວງວຽງຈັນອອນລາຍ

ບໍລິສັດ ເດິວິນເນີສະຕ່າ ມອບເຄື່ອງຊ່ວຍເຫລືອເມືອງກາສີ ມູນຄ່າ 5 ລ້ານກີບ

1 min read

ໃນວັນທີ 11 ມັງກອນ 2022 ນີ້, ທີມງານບໍສິສັດ ເດິວິນເນີສະຕ່າ ໄດ້ນຳເອົາຜ້າຫົ່ມ ຈຳນວນ 100 ຜືນ ມູນຄ່າ 5 .000.000 ກີບ(ຫ້າລ້ານກີບ) ມາມອບໃຫ້ການນຳເມືອງກາສີ ເພື່ອໄປມອບຕໍ່ໃຫ້ພໍ່ແມ່ປະຊາຊົນຢູ່ເຂດຫ່າງໄກສອກຫລີກ ໂດຍສະເພາະກໍແມ່ນຄອບຄົວທຸກຈົນຢູ່ພາຍໃນເມືອງ.

ໃຫ້ກຽດກ່າວມອບເຄື່ອງໃນຄັ້ງນີ້ໂດຍແມ່ນ ທ່ານ ນາງ ເພັດມະນີ ໄຊຊະນະ ແລະ ນາງ ປູນາ ຕາງຫນ້າໃຫ້ບໍລິສັດ ເດິວິນເນີສະຕ່າ ໃຫ້ກຽດກ່າວຮັບໂດຍແມ່ນ ທ່ານ ຄຳອ້ວນ ສຸວັນທອງ ກຳມະການພັກເມືອງ ຮອງເຈົ້າເມືອງໆກາສີ ໂດຍຊ້ອງຫນ້າທ່ານ ອຳໄພ ໂສລັດຕະນະວົງ ຮອງເລຂາພັກເມືອງ ພ້ອມດ້ວຍຫົວຫນ້າຫ້ອງການ, ພະນັກງານທີ່ກ່ຽວຂ້ອງເຂົ້ຮ່ວມເປັນສັກຂີພິຍານ.

ໃນໂອກາດດັ່ງກ່າວທ່ານຮອງເຈົ້າເມືອງໆກາສີ ຍັງໄດ້ມອບໃບກຽດຕິຄຸນຂອງທ່ານເຈົ້າເມືອງໆກາສີ ໃຫ້ບໍສິສັດ ເດິວິນເນີສະຕ່າ ເພື່ອເປັນການຈາລຶກບຸນຄຸນ ແລະ ຄຸນງາມຄວາມດີ ພ້ອມທັງກ່າວສະແດງຄວາມຂອບອົກຂອບໃຈຍ້ອງຍໍຊົມເຊີຍຕໍ່ບໍລິສັດເດິວິນເນີສະຕ່າ ໂດຍສະເພາະກໍແມ່ນທ່ານ ນາງ ເພັດມະນີ ໄຊຊະນະ ແລະ ທ່ານ ນາງ ປູນາ ທີ່ໄດ້ເປັນຜູ້ຕິດຕໍ່ປະສານງານໃຫ້ການສະຫນັບສະຫນູນຊ່ວຍເຫລືອພໍ່ແມ່ປະຊາຊົນຊາວເມືອງກາສີ.

ໂອໂອກາດໃນຕໍ່ຫນ້າກໍຂໍໃຫ້ສືບຕໍ່ໃຫ້ການຊ່ວຍເຫລືອເມືອງກາສີຕື່ມອີກ ໃນວັນດຽວກັນນັ້ນການນຳເມືອງ ແລະ ທີມງານບໍສິສັດຍັງໄດ້ນຳເອົາຜ້າຫົ່ມໄປມອບໃຫ້ພໍ່ແມ່ປະຊາຊົນຢູ່ບ້ານ ນ້ຳພົດ ແລະ ບ້ານ ນາສັງທອງ ອີກດ້ວຍ.

( ຂ່າວ: ອຳພອນ; ພາບ: ຄຸ້ມ)

Leave a Reply

Your email address will not be published.

ສະຫງວນລິຂະສິດ