Vieng Chanh News

ແຂວງວຽງຈັນອອນລາຍ

ກອງບັນຊາການ ປກສ ເມືອງແກ້ວອຸດົມປາຖະກະຖາ 2 ວັນປະຫວັດສາດ.

1 min read

ວັນທີ 12 ພືດສະພາ 2022 ນີ້ຢູ່ທີ່ສະໂມສອນກອງບັນຊາການ ປກສ ເມືອງແກ້ວອຸດົມໄດ້ຈັດພິທີປາຖະກະຖາ 2 ວັນປະຫວັດສາດຄື: ວັນສາຍພົວພັນລາວ-ຫວຽດນາມຄົບຮອບ 60 (05/09/1962-05/09/2022) ແລະ ປະຫວັດຄວາມເປັນມາຂອງຕົ້ນແຕ້ຈາລືກແຫ່ງຄວາມແຄ້ນຂອງປະຊາຊົນຊາວເມືອງເຟືອງ.

ໂດຍພາຍໃຕ້ການເປັນປະທານຂອງທ່ານ ພັນໂທ ສອນເພັດ ກາສີອຸດົມ ກຳມະການພັກເມືອງ ຫົວໜ້າກອງບັນຊາການ ປກສ ເມືອງແກ້ວອຸດົມ ໂດຍເປັນກຽດເຂົ້າຮ່ວມມີ ຄະນະພັກ,ບັນດານາຍ ແລະ ພົນຕໍ່າຫຼວດ ປກສ ເມືອງແກ້ວອຸດົມເຂົ້າຮ່ວມຢ່າງພ້ອມພຽງ.


ໃນພິທີ ທ່ານ ພັນໂທ ສອນເພັດ ກາສີອຸດົມ ຫົວໜ້າກອງບັນຊາການ ປກສ ເມືອງແກ້ວອຸດົມກໍ່ໄດ້ໃຫ້ກຽດຂື້ນປະຖາກະຖາເຫຼົ່າມູນເຊື່ອວັນສ້າງຕັ້ງສາຍພົວພັນການທູດລາວຫວຽດນາມຄົບຮອບ 60 ປີ (05/09/1962-05/09/2022) ແລະ ປະຫວັດຄວາມເປັນມາຂອງຕົ້ນແຕ້ຈາລືກແຫ່ງຄວາມແຄ້ນຂອງປະຊາຊົນຊາວເມືອງເຟືອງໃຫ້ຮູ້ວ່າ: ກົກແຕ້ຈາລືກຄວາມແຄ້ນແມ່ນຍ້ອນພວກລາເມືອງຂື້ນແບບໃໝ່ ແລະ ລູກແລ້ງຕີນມືຂອງພວກມັນໄດ້ຈັບເອົານັກປະຕິວັດຜູ້ອົງອາດກ້າຫານ, ວິລະຊົນ ແລະ ປະຊາຊົນບັນດາເຜົ່າຊາວເມືອງເຟືອງຜູ້ທີມີນໍ້າໃຈຮັກຊາດມາທຸບຕີທໍລະມານ ແລະ ຂ້າແຂວນຄໍຢູ່ກົກແຕ້ແຫ່ງນີ້ເປັນຈຳນວນ 17 ສົບ.

ເຊີງລ້ວນແລ້ວແຕ່ແມ່ນຜູ້ຕໍ່ສູ້ເພື່ອບ້ານເພື່ອເມືອງໃຫ້ຢູ່ເຢັນເປັນສຸກ.ຍ້ອນມີຄວາມຄຽດແຄ້ນມີນໍ້າໃຈຮັກຊາດຮັກບ້ານເກີດເມືອງນອນຢ່າງສູງສົ່ງຢາກເຫັນປະເທດຊາດມີຄວາມສະຫງົບ,ມີສັນຕິພາບ,ບ້ານເມືອງມີການພັດທະນາຈະເລີນກ້າວໜ້າບໍ່ຢາກເຫັນຄົນຊາດອື່ນມາບັງຄັບບັນຊາເຂັນຂ້າປະຊາຊົນລາວເພື່ອຮັບໃຊ້ຜົນປະ ໂຫຍດຂອງພວກມັນ.

ພໍ່ແມ່ປະຊາຊົນຊາວເມືອງເຟືອງຫຼາຍຄອບຄົວໄດ້ສະຫຼະລູກຫຼານ,ຜົວເຂົ້າເປັນເປັນກຳລັງກອງໜູນ,ເປັນທະຫານ,ເປັນກອງຫຼອນ,ເປັນສາຍລັບ, ເປັນນາຍບ້ານເພື່ອເຄືອນໄຫວຕ້ານກັບພວກຈັກກະພັດຂາຍຊາດບ້ານເມືອງ.

ພາບ-ຂ່າວ: ສຸກັນ

Leave a Reply

Your email address will not be published.

ສະຫງວນລິຂະສິດ