Vieng Chanh News

ແຂວງວຽງຈັນອອນລາຍ

ເມືອງວັງວຽງ ປາຖະກະຖາວັນກໍາມະກອນສາກົນ ຄົບຮອບ 136 ປີ

1 min read

ວັນທີ 11 ພຶດສະພາ 2022ນີ້ ເມືອງວັງວຽງ ແຂວງວຽງຈັນຈັດກອງປະຊຸມ ປາຖະກະຖາວັນກໍາມະກອນສາກົນ ຄົບຮອບ 136 ປີ (1 ພຶດສະພາ1886 – 1 ພຶດສະພາ 2022) ຂຶ້ນທີ່ສະໂມສອນຂອງເມືອງ.

ໂດຍການເປັນປະທານ ພ້ອມທັງໃຫ້ກຽດປະຖະກະຖາຂອງທ່ານ ສີສຸພັນ ວັດທະນາວົງ ຄະນະປະຈຳພັກເມືອງ ປະທານແນວລາວສ້າງຊາດເມືອງ, ເຂົ້າຮ່ວມຮັບຟັງມີທ່ານ ນາງຄຳຮຸງ ທິບພະວົງ ຮອງເລຂາພັກເມືອງ, ມີກຳມະການພັກເມືອງ,ມີບັນດາຫົວໜ້າຮອງຫົວໜ້າຫ້ອງການ, ປະທານໜ່ວຍຮາກຖານກໍາມະບານພ້ອມດ້ວຍສະມະຊິກກຳມະບານເຂົ້າຮ່ວມ.

ໃນພິທີ, ທ່ານ ສີສຸພັນ ວັດທະນາວົງ ຄະນະປະຈຳພັກເມືອງ ໄດ້ຍົກໃຫ້ເຫັນປະຫວັດຄວາມເປັນມາຂອງວັນກໍາມະກອນສາກົນ, ຂະບວນວິວັດແຫ່ງການເຕີບໃຫຍ່ຂະຫຍາຍຕົວຂອງຊົນຊັ້ນຊາວຜູ້ອອກແຮງງານໃນທົ່ວໂລກ ເຊິ່ງໄດ້ຜ່ານຂະບວນການຕໍ່ສູ້ອັນລະອິດລະອ້ຽວ ເພື່ອທວງເອົາສິດຜົນປະໂຫຍດຂອງຕົນເອງ ພ້ອມນີ້ ທ່ານຍັງຍົກໃຫ້ເຫັນຂະບວນວິວັດແຫ່ງການເຕີບໃຫຍ່ຂະຫຍາຍຕົວຂອງຊົນຊັ້ນກໍາມະກອນ ແລະ ຊາວຜູ້ອອກແຮງງານລາວ.

ໃນແຕ່ລະໄລຍະ ໂດຍຍົກໃຫ້ເຫັນເຖິງສະພາບແຫ່ງຄວາມເປັນຈິງຂອງກໍາມະກອນ ແລະ ຊາວຜູ້ອອກແຮງງານລາວໃນສະພາບການຮຸກຮານ ແລະ ປົກຄອງຂອງຈັກກະພັດຕ່າງດ້າວໃນເມື່ອກ່ອນ ເຊິ່ງມີການກົດຂີ່ຂູດຮີດແຮງງານ, ຊີວິດການເປັນຢູ່ຂອງກໍາມະກອນບໍ່ໄດ້ຮັບການດູແລເບິ່ງແຍງທີ່ເໝາະສົມ ພາຍໃຕ້ການຊີ້ນໍາໆພາຂອງພັກກອມມູນິດອິນດູຈີນ ກໍຄື ພັກປະຊາຊົນ ປະຕິວັດລາວ ໃນໄລຍະຕໍ່ມາ ໄດ້ເຮັດໃຫ້ຂະບວນການຕໍ່ສູ້ຂອງກໍາມະກອນ ແລະ ຊາວຜູ້ອອກແຮງງານລາວ ນັບມື້ເຕີບໃຫຍ່ເຂັ້ມແຂງພ້ອມທັງປະກອບສ່ວນຢ່າງແຂງແຮງ.

ເຂົ້າໃນການປະຕິບັດພາລະກິດປະຕິວັດຊາດ ປະຊາ ທິປະໄຕ ກໍ່ຄື ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ແລະ ເສີມຂະຫຍາຍມູນເຊື້ອອັນດີງາມຂອງຊົນຊັ້ນກໍາມະກອນລາວ ຕິດພັນກັບມູນເຊື້ອກໍາມະກອນສາກົນໃຫ້ ສອດຄ່ອງກັບສະພາບຄວາມເປັນຈິງຢູ່ປະເທດລາວເຮົາ.

#ພາບ-ຂ່າວ : ໝອນແກ້ວ

Leave a Reply

Your email address will not be published.

ສະຫງວນລິຂະສິດ