Vieng Chanh News

ແຂວງວຽງຈັນອອນລາຍ

ເມືອງແມດເຜີຍແຜ່ເອກະສານການພັດທະນາໄຟຟ້າຢູ່ໃນ ສ ປ ປ ລາວ

1 min read

ວັນທີ່ 11 ພຶດສະພາ 2022 ນີ້, ຢູ່ທີ່ສະໂມສອນຂອງເມືອງແມດ ແຂວງວຽງຈັນ ໄດ້ຈັດກອງປະຊຸມໂຄສະນາເຜີຍແຜ່ເອກະສານກ່ຽວກັບວຽກງານຈັດຕັ້ງຜັນຂະຫຍາຍ ແລະ ການພັດທະນາໄຟຟ້າຢູ່ໃນ ສ ປ ປ ລາວ.

ໂດຍເປັນປະທານຂອງທ່ານ ແກ້ວ ສຸພາສິນ ຮອງຫົວໜ້າສູນບໍລິການໄຟຟ້າເມືອງແມດ ແລະ ເປັນກຽດເຂົ້າຮ່ວມຂອງ ທ່ານ ອອ່ນຕາ ທຳມະວົງສາ ຮອງເລຂາພັກເມືອງ ປະທານກວດກາພັກ – ລັດເມືອງແມດ, ທັງເປັນສະມາຊິກສະພາປະຊາຊົນແຂວງວຽງຈັນ ປະທານສະພາປະຊາຊົນປະຈຳເຂດເລືອກຕັ້ງເມືອງແມດ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າຮອງຫົວໜ້າຫ້ອງການ ແລະ ພະນັກງານສູນບໍລິການໄຟຟ້າເຂົ້າຮ່ວມທັງໝົດ ທ່ານ, ຍິງ ທ່ານ, ກອງປະຊຸມທ່ານ ແກ້ວ ສຸພາສິນ ຮອງຫົວໜ້າສູນບໍລິການໄຟຟ້າເມືອງແມດ.

ກໍ່ໄດ້ເປັນກຽດຂື້ນເຜີຍແຜ່ເອກະສານກ່ຽວກັບວຽກງານຈັດຕັ້ງຜັນຂະຫຍາຍ ແລະ ພັດທະນາໄຟຟ້າຢູ່ໃນ ສ ປ ປ ລາວ, ເຊິ່ງທ່ານໄດ້ກ່າວວ່າ: ໃນລະຫວ່າງປີ 1961 – 1980 ທົ່ວປະເທດມີເຂື່ອນໄຟຟ້າທັງໝົດ 4 ແຫ່ງ, ລວມກຳລັງຕິດຕັ້ງ 33, 4 MW ມີໂຮງຈັກຜະລິດໄຟຟ້າດ້ວຍນ້ຳມັນທີ່ມີລະບົບຕາຂ່າຍສະໜອງໄຟຟ້າຢູ່ 5 ຕົວເມືອງໃຫຍ່ ລວມກຳລັງຕິດຕັ້ງ 18.500 KW ສາມາດສະໜອງໄຟຟ້າໄດ້ 20,000 ຄົວເຮືອນ ກວມເອົາສັດສ່ວນ 3 % ຂອງຈຳນວນຄົວເຮືອນໃນທົ່ວປະເທດ, ທ້າຍຊຸມປີ 1980 ລັດຖະບານເລີ່ມມີນະໂຍບາຍກ່ຽວກັບການເປີດໃຫ້ນັກລົງທຶນຕ່າງປະເທດເຂົ້າມາລົງທຶນພັດທະນາແຫຼ່ງຜະລິດໄຟຟ້າຢູ່ ສ ປ ປ ລາວ.

ໃນຮູບແບສັນຍາສຳປະທານ ( B O T ) ມາຮອດປີ 2000 ທົ່ວປະເທດມີເຂື່ອນໄຟຟ້າທັງມົດ 7 ແຫ່ງ ທີ່ສະໜອງໄຟຟ້າ, ລວມກຳລັງຕິດຕັ້ງທັງໝົດ 267,5 MW ມີສະຖານີຈ່າຍໄຟຟ້າ 13 ແຫ່ງ, ມີລະບົບສາຍສົ່ງ 115 ກວ, ຍາວຫຼາຍກ່ວາ 600 Km ວົງຈອນ, ມີລະບົບຕາຂ່າຍຈຳໜ່າຍໄຟຟ້າແຮງດັນກາງ ແລະ ແຮງດັນຕ່ຳ ຍາວປະມານ 11,000 Km ວົງຈອນ, ສາມາດສະນອງໄຟຟ້າໄດ້ 36 % ຂອງຈຳນວນຄົວເຮືອນທົ່ວປະເທດ, ປີ 2010.

ທົ່ວປະເທດມີເຂື່ອນໄຟຟ້າທັງມົດ 12 ແຫ່ງ, ທີ່ສະໜອງໄຟຟ້າໃຫ້ ຟ ຟ ລ ລວມກຳລັງຕິດຕັ້ງທັງໝົດ 484,8 MW, ມີສະຖານີຈ່າຍໄຟຟ້າ 39 ແຫ່ງ, ມີລະບົບສາຍ 115 ກວ, ຍາວຫຼາຍກ່ວາ 2.800 Km ວົງຈອນ, ມີລະບົບຈຳໜ່າຍຕາຂ່າຍໄຟຟ້າແຮງດັນກາງ ແລະ ແຮງດັນຕ່ຳຍາວປະມານ 28.000 Km ວົງຈອນ, ສາມາດສະໜອງໄຟຟ້າໄດ້ 70% ຂອງຈຳນວນຄົວເຮືອນທົ່ວປະເທດ, ໃນປີ 2010 ສະພາບຂອງ ຟຟລ ເລີ່ມມີບັນຫາ ( ຂາດທຶນ) ໃນປີ 2011 ໄດ້ສ້າງຕັ້ງບໍລິສັດຜະລິດໄຟຟ້າມະຫາຊົນ ( ຜ- ຟຟ ລ ).

ໂດຍໂອນເຂື່ອນໄຟຟ້າທັງໝົດ ຂອງ ຟຟລ ໄປໃຫ້ ຜ – ຟຟລ ຄຸ້ມຄອງ ເພື່ອເຂົ້າສູ່ຕະຫຼາດຮຸ້ນລາວ ແລະ ເພື່ອລຸດຜ່ອນພາລະໜີ້ສິນການລົງທຶນ, ໃນປະຈຸບັນທົ່ວປະເທດມີແຫຼ່ງຜະລິດໄຟຟ້າທັງໝົດ 89 ແຫ່ງທີ່ສະໜອງໄຟຟ້າ ຟຟລ ລວມກຳລັງຕິດຕັ້ງທັງໝົດ 4.537 MW ມີສະຖານີໄຟຟ້າແຮງສູງ 75 ແຫ່ງ, ລະບົບສາຍສົ່ງໄຟຟ້າແຮງສູງ 155 ກວ, ແລະ 230 ກວ, ຍາວປະມານ 9.974 Km ວົງຈອນ, ກຳລັງຕິດຕັ້ງໝໍ້ແປງຫຼາຍກ່ວາ 6.000 MVA, ມີລະບົບຕາຂ່າຍຈຳໜ່າຍໄຟຟ້າພາກແຮງດັນກາງ ແລະ ແຮງດັນຕ່ຳ ຍາວປະມານ 55.600 Km ວົງຈອນ, ມີໝໍ້ແປງຢູ່ລະບົບ 33.898 ໜວ່ຍ, ລວມກຳລັງຕິດຕັ້ງຫຼາຍກ່ວາ 5. 600 MVA ສະເພາະຢູ່ແຂວງວຽງັນມີ 424 ບ້ານ, ມີໄຟຟ້າໃຊ້ແລ້ວ 100 % ມີ 86.993 ຄົວເຮືອນ, ມີໄຟຟ້າໃຊ້ແລ້ວ 99, 3 % ທັງໝົດ, ລັດວິສາຫະກິດໄຟຟ້າລາວ.

ປະກອບມີພະນັກງານທັງໝົດ 5.991 ຄົນ, ເຮັດວຽກບໍລິການ, ສ້ອມແປງ ແລະ ຄຸ້ມຄອງລະບົບໄຟຟ້າກວມເອົາ 70 % ຂອງພະນັກງານທັງໝົດ, ມີ 19 ສາຂາແຂວງ, ມີສູນບໍລິການລູກຄ້າ 149 ສູນ, ສູນບັນຊາລະບົບໄຟຟ້າແຫ່ງຊາດ ( NCC ) ສູນຄວບຄຸມຍ່ອຍປະຈຳພາກ ( RCC ) ແລະ ພາກພະແນກສົ່ງປະຈຳພາກເຮັດວຽກສ້ອມແປງບຳລຸງຮັກສາ, ສູນບໍລິການ caII Center, ລະບົບຄຸ້ມຄອງໃບບິນ, ລະບົບສື່ສານ ແລະ ໜ່ວຍງງານສະໜັບສະໜູນ, ພ້ອມດຽວກັນນັ້ນກອງປະຊຸມຍັງໄດ້ພ້ອມກັນຄົ້ນຄ້ວາປະກອບຄຳຄິດຄຳເຫັນ.

ເພື່ອໃຫ້ມີຄວາມກະຈາງແຈ້ງ ແລະ ເຂົ້າໃຈຢ່າງເລິກເຊິ່ງກ່ຽວກັບການນຳໃຊ້ໄຟຟ້າເຂົ້າໃນຄົວເຮືອນ ແລະ ນຳໃຊ້ໄຟເຂົ້າວຽກງານອຸດສາຫະກຳ ແລະ ອື່ນໆ, ເວົ້າລວມ ເວົ້າສະເພາະ ສູນບໍລິການໄຟຟ້າເມືອງແມດແຫຼ່ງຊື້ພະລັງງານ 22 KV ໄດ້ມາຈາກສະຖານີກາສີແຫຼງດຽວທີ່ໃຊ້ຮ່ວມກັບເຂດເມືອງກາສີຈຳນວນ 24 ບ້ານ ເປັນວົງຈອນດຽວ, ເມືອງແມດມີ 33 ບ້ານ, ມີ 4,919 ຄອບຄົວ, ໄດ້ຊົມໃຊ້ໄຟຟ້າທັງໝົດ 4,808 ຄອບຄົວ, ເປັນເປີເຊັນ 97,7 % ໃນໂອກາດດຽວກັນນີ້ທ່ານ ອ່ອນຕາ ທຳມະວົງສາ ຮອງເລຂາພັກເມືອງ ປະທານກວດກາພັກ – ລັດເມືອງ, ທັງເປັນສະມາຊິກສະພາປະຊາຊົນແຂວງວຽງຈັນ ປະທານສະພາປະຊາຊົນປະຈຳເຂເລືອກຕັ້ງເມືອງແມດ, ໃນນາມເປັນຕົວແທນຂອງປະຊາຊົນ, ກ່ອນອື່ນທ່ານໄດ້ຍົກໃຫ້ເຫັນຄວາມໝາຍ, ຄວາມສຳຄັນຂອງລັດວິສາຫະກິດໄຟຟ້າລາວ.

ໂດຍສະເພາະກໍ່ແມ່ນການນຳໃຊ້ໄຟຟ້າ ແລະ ສົ່ງກະແສໄຟຟ້າ, ຕົ້ນທຶນການສ້າງກະແສໄຟຟ້າ ແລະ ການສຳລະໜີ້ສິນ ແລະ ມີຄຳເຫັນແນະນຳມາຍັງທາງບໍລິສັດລັດວິສາຫະກິດໄຟຟ້າລາວເອົາໃຈໃສ່ຕື່ມອີກ ເປັນຕົ້ນກໍ່ແມ່ນ ການສຳຫຼວດ, ກວດກາ, ການຊົມໃຊ້ໄຟຟ້າໃນຄວເຮືອນ ແລະ ການກຳນົດລາຄາໄຟຟ້າ, ພ້ອມທັງການບໍລິການຂອງພະນັກງານຈົດຕົວເລກໃຫ້ມັນຊັດເຈນ ແລະ ທ່ຽງທຳ, ໃຫ້ເອົາໃຈໃສ່ຕື່ມກ່ຽວກັບບັນຫາກົງເຕີໄຟທີ່ມີການເປ່ເພ ແລະ ຮຽກຮ້ອງມາຍັງຜູ້ຊົມໃຊ້ໄຟຟ້າຈົ່ງພ້ອມກັນເອົາໃຈໃສ່ປະຍັດໄຟຟ້າ ແລະ ປົກປັກຮັກສາ, ພັດທະນາໄຟຟ້າໄວ້ໃຫ້ໝັ້ນຄົງ ແລະ ຍາວນານຕະຫຼອດໄປ.

ຂ່າວ: ບຸນລ້ອມ

Leave a Reply

Your email address will not be published.

ສະຫງວນລິຂະສິດ