Vieng Chanh News

ແຂວງວຽງຈັນອອນລາຍ

ພິທີມອບລົດກູ້ໄພສຸກເສີນ ໃຫ້ເມືອງວັງວຽງ ແລະ ເມືອງ ຊະນະຄາມ.

1 min read

ໃນວັນທີ 11 ພຶດສະພາ 2022 ນີ້, ຫ້ອງວ່າການ ແຂວງ ວຽງຈັນໄດ້ຈັດພິທີມອບລົດກູ້ໄພສຸກເສີນ ໃຫ້ເມືອງວັງວຽງ ແລະ ເມືອງ ຊະນະຄາມ.

ໃຫ້ກຽດມອບໃນຄັ້ງນີ້ໂດຍ ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງໆວຽງຈັນ ແລະ ຂຶ້ນຮັບໂດຍທ່ານ ບຸນຈັນ ມາລາວົງ ກຳມະການພັກແຂວງ ເລຂາພັກເມືອງ ເຈົ້າເມືອງໆວັງວຽງ ແລະ ທ່ານ ສະຫມານ ວິເສດຍະພົງ ກຳມະການພັກແຂວງ ເລຂາພັກເມືອງ ເຈົ້າເມືອງໆຊະນະຄາມ.

ເຊິ່ງລົດທີ່ນຳມາມອບໃນເທື່ອນີ້ມີຈຳນວນ2ຄັນລວມມູນຄ່າ400.000.000 ກີບ ເຊິ່ງໄດ້ຮັບການຊ່ວຍເຫລືອຈາກບໍລິສັດ ໂຄລາວ.ລົດທີ່ນຳມາມອບໃນຄັ້ງນີ້ແມ່ນຈະໄດ້ນຳໃຊ້ເຂົ້າໃນວຽກງານວິຊາສະເພາະກໍຄືວຽກງານສາທາລະນະສຸກຂອງເມືອງວັງວຽງ ແລະ ເມືອງຊະນະຄາມເພື່ອເຮັດໃຫ້ວຽກງານດັ່ງກ່າວມີຄວາມສະດວກແລະສາມາດຕອບສະຫນອງໃຫ້ກັບສັງຄົມ.

ໂດຍສະເພາະກໍແມ່ນວຽກງານການຕ້ານແລະສະກັດກັ້ນພະຍາດໂຄວິດ19ໃນທົ່ວເມືອງເວົ້າສະເພາະເວົ້າລວມກໍ່ຄືແຂວງວຽງຈັນໃຫ້ຄ່ອຍຫມົດໄປ.

ຂ່າວ: ແຂວງວຽງຈັນ

Leave a Reply

Your email address will not be published.

ສະຫງວນລິຂະສິດ