Vieng Chanh News

ແຂວງວຽງຈັນອອນລາຍ

ພະແນກເຕັກໂນໂລຊີ ແລະ ການສື່ສານແຂວງວຽງຈັນ,ໄດ້ເປິດຮັບຮອງໜ່ວຍຮາກຖານຊາວໜຸ່ມພະແນກເຕັກໂນໂລຊີ ແລະ ການສື່ສານ ເປັນໜ່ວຍ 4 ບຸກຮອບ II .

1 min read

ໃນເຊົ້າຂອງວັນທີ 12 ພຶດສະພາ 2022 ນີ້ ຢູ່ທີ່ຫ້ອງປະຊຸມພະແນກເຕັກໂນໂລຊີ ແລະ ການສື່ສານແຂວງວຽງຈັນ,ໄດ້ເປິດຮັບຮອງໜ່ວຍຮາກຖານຊາວໜຸ່ມພະແນກເຕັກໂນໂລຊີ ແລະ ການສື່ສານແຂວງວຽງຈັນເປັນໜ່ວຍ 4 ບຸກຮອບ II ຂື້ນຢ່າງເປັນທາງການ.

ໂດຍພາຍໄຕ້ການເປັນປະທານ ຂອງສະຫາຍ ບັນດິດ ດວງຈັນ ເລຂາໜ່ວຍຮາກຖານຊາວໜຸ່ມພະແນກເຕັກໂນໂລຊີ ແລະ ການສື່ສານແຂວງວຽງຈັນ,ໂດຍການເປັນກຽດເຂົ້າຮ່ວມສະຫາຍ ດາວສະຫັວນ ລາຊະວົງສ ຄະນະພັກ ຮອງເລຂາຄະນະບໍລິຫານງານຊາວໜຸ່ມ ປປລ ແຂວງວຽງຈັນ, ສະຫາຍ ພົມມາລາ ນັນທະວົງ ເລຂາໜ່ວຍພັກ ຮອງຫົວໜ້າພະແນກເຕັກໂນໂລຊີ ແລະ ການສື່ສານແຂວງວຽງຈັນ, ມີເລຂາຊາວໜຸ່ມພະແນກການອ້ອມຂ້າງ ພ້ອມດ້ວຍສະມາຊີກຊາວໜຸ່ມເຂົ້າຮ່ວມທັງໝົດ 17 ສະຫາຍ ຍີງ 6 ສະຫາຍ.


ໃນພິທີສະຫາຍ ບັນດິດ ດວງຈັນ ເລຂາໜ່ວຍຮາກຖານຊາວໜຸ່ມພະແນກເຕັກໂນໂລຊີ ແລະ ການສື່ສານ ແຂວງວຽງຈັນ ໄດ້ຂື້ນຜ່ານບົດປະເມີນການຈັກຕັ້ງປະຕິບັດຂໍ້ແຂ່ງຂັນ 4 ບຸກ ທີ່ປະຕິບັດໄດ້ໃນແຕ່ລະດ້ານຄື:
1. ບຸກດ້ານການເມືອງແນວຄິດ ປະຕິບັດໄດ້ 87%
2. ບຸກດ້ານການຝືກຝົນຫຼໍ່ຫຼອມຮໍ່າຮຽນ ປະຕິບັດໄດ້ 87%
3. ບຸກດ້ານການຈັດຕັ້ງປະຕິບັດໄດ້ 91%
4. ບຸກດ້ານ ວິຊາຊີບ – ວຽກເຮັດງານທຳ ປະຕິບັດໄດ້ 92%.


ຄຽງຄູ່ກັບວຽກງານຂໍ້ແຂ່ງຂັ້ນ 4 ບຸກ ຂອງໜ່ວຍຮາກຖານຊາວໜຸ່ມພະແນກເຕັກໂນໂລຊີ ແລະ ການສື່ສານ ແຂວງວຽງຈັນ ໄດ້ເອົາໃຈໃສ່ປຸກລະດົມແນວຄິດ – ການເມືອງໃຫ້ແກ່ສະມາຊີກຊາວໜຸ່ມ, ດ້ວຍຫຼາຍຮູບການ, ຫຼາຍສີສັນ ເປັນຕົ້ນເຕົ້າໂຮມຄວາມສາມັກຄີຊາວໜຸ່ມ – ໄວໜຸ່ມຫັນສູ່ກົດລະບຽບຂອງຊາວໜຸ່ມວາງອອກ.

ເພື່ອຕີຖອຍປະກົດການຫຍໍ້ທໍ້ຕ່າງໆໃນຖັນແຖວຊາວໜຸ່ມນອກຈາກນີ້ສະມາຊີກຊາວໜຸ່ມ – ໄວໜຸ່ມຍັງໄດ້ເອົາໃຈໃສ່ຕັ້ງໜ້າສ້າງວິຊາຊີບວຽກເຮັດງານທຳ, ດ້ວຍການປຸກຝັງ, ລ້ຽງສັດ ເປັນສີນຄາສ້າງລາຍຮັບເຂົ້າສູ່ຄອບຄົວຈົນກາຍເປັນຊາວໜຸ່ມຕົວແບບເຊັ່ນ:

ຄອບຄົວສະຫາຍ, ສຸພີນ ໄຊຍະເພັດ ເດັ່ນດ້ານການ – ລ້ຽງສັດປີກ ສາມາດສ້າງລາຍຮັບໃຫ້ຄອບຄົວ 12.000.000 ກີບຕໍ່ປີ, ຜ່ານການປະເມີນຕີລາຄາຂໍ້ແຂ່ງຂັນ 4 ບຸກຂອງຊາວໜຸ່ມສາມາດຮັບຮອງເປັນໜ່ວຍຮາກຖານຊາວໜຸ່ມ 4 ບຸກ, ສະມາຊີກໄດ້ຮັບການຢັ້ງຢື້ນເປັນສະມາຊີກດີເດັ່ນ 100%.


ໃນພິທີ ດາວສະຫັວນ ລາຊະວົງສ ຄະນະພັກ ຮອງເລຂາຄະນະບໍລິຫານງານຊາວໜຸ່ມ ປປລ ແຂວງວຽງຈັນ ແລະ ສະຫາຍ ພົມມາລາ ນັນທະວົງ ເລຂາໜ່ວຍພັກ ຮອງຫົວໜ້າພະແນກເຕັກໂນໂລຊີ ແລະ ການສື່ສານແຂວງວຽງຈັນ,ໄດ້ຜັດປ່ຽນກັນຂື້ນມອບໃບຍ້ອງຍໍບຸກຄົນດີເດັ່ນ ແລະ ໃບຢັ້ງຢືນເປັນໜ່ວຍ 4 ບຸກ,ໃນຕ້ອນທ້າຍພິທີ ສະຫາຍ ດາວສະຫັວນ ລາຊະວົງສ ຄະນະພັກ ຮອງເລຂາຄະນະບໍລິຫານງານຊາວໜຸ່ມ ປປລ ແຂວງວຽງຈັນໄດ້ໃຫ້ກຽດໂອລົມ.

ຂ່າວ: ວິໄລພອນ

Leave a Reply

Your email address will not be published.

ສະຫງວນລິຂະສິດ