Vieng Chanh News

ແຂວງວຽງຈັນອອນລາຍ

ພິທີປິດຊຸດອົບຮົມ-ຫັດແອບການເມືອງ-ການທະຫານ ໃຫ້ກຳລັງກອງຫຼອນກອງຮ້ອຍ 24 ກຸ່ມບ້ານນາມອນເມືອງວັງວຽງ ປະຈຳປີ2022

1 min read

ໃນວັນທີ 11 ພຶດສະພາ 2022 ທີ່ຜ່ານມາ, ຢູ່ທີ່ກຸ່ມບ້ານນາມອນ ເມືອງວັງວຽງ ແຂວງວຽງຈັນ. ກອງບັນຊາການທະຫານເມືອງວັງວຽງ ໄດ້ປິດຊຸດອົບຮົມ-ຫັດແອບ,ການເມືອງ-ການທະຫານ ໃຫ້ກຳລັງກອງຫຼອນກອງຮ້ອຍ 24 ກຸ່ມບ້ານນາມອນ.

ໂດຍພາຍໃຕ້ການເປັນປະທານ ຂອງສະຫາຍ ສຸວຽງທອງ ວົງຈຳປາ ຮອງເລຂາພັກເມືອງວັງວຽງ, ມີທ່ານ ພັທ ວັນຄຳ ຫລວງພັນນາ ກຳມະການພັກເມືອງ ຫົວຫນ້າກອງບັນຊາການທະຫານເມືອງ, ມີບັນດາທ່ານຄະນະປະພັກເມືອງ, ກຳມະການພັກເມືອງ, ຫົວຫນ້າຫ້ອງການ, ເລຂາພັກບ້ານ-ນາຍບ້ານ ແລະ ກຳລັງກອງຫຼອນ 13 ໝູ່ບ້ານຂອງກຸ່ມນາມອນເຂົ້າຮ່ວມ.

ໃນພິທີ ສະຫາຍ ພັຕ ສຸດໃຈ ຂັນທະລາ ຮອງພະແນກເສນາທິການ ຜູ້ຊີ້ນໍາວຽກງານ ອົບຮົມ – ສູ້ຮົບ ກອງບັນຊາການທະຫານເມືອງວັງວຽງ ໄດ້ຂື້ນຜ່ານໄລຍະຄູຝຶກຂື້ນຫ້ອງອົບຮົມ – ຫັດແອບ ເຫັນວ່າ ອ້າຍນ້ອງກອງຫຼອນ ກໍ່ມີຄວາມເຂົ້າໃຈຕໍ່ເນື້ອໃນເອກະສານ,ບົດສອນ, ຖືກຕາມຈຸດປະສົງ ແລະ ຮັບປະກັນໄດ້ທາງດ້ານເວລາທີ່ໄດ້ກຳນົດ.

ກຳລັງກອງຫຼອນແຕ່ລະສະຫາຍ ກໍມີຄວາມເຂົ້າໃຈຕໍ່ກັບການອົບຮົມ – ຫັດແອບ ໄດ້ຄົ້ນຄວ້າບົດຮຽນຕາມການສິດສອນຂອງຄູ ມີການແລກປ່ຽນສົນທະນາບົດຮຽນເຊິ່ງກັນແລະກັນໂດຍຖືເອົາພືດຕິກຳຕົວຈີງ,ການຂຶ້ນຫ້ອງຮຽນກໍ່ໄດ້ເປັນຂະບວນຟົດຟື້ນ,ບໍ່ມີຄວາມເຄັ່ງຕືງ ມີລັກສະນະສ້າງສັນ ແລະ ຮັບປະກັນໄດ້ ທາງດ້ານຈຳນວນພົນ.

ເຂົ້າຮ່ວມມີນາຍບ້ານ 12 ສະຫາຍ, ກຳລັງກອງຫຼອນ 31 ສະຫາຍ ລວມທັງໝົດ 44 ສະຫາຍ ແລະນຳໃຊ້ເວລາຢູ່ 6 ວັນເຕັມ. ວິຊາທີ່ນໍາມາຝຶກໃນຄັ້ງນີ້ປະກອບມີ: ວິຊາການເມືອງ 1 ວັນ ເກັ່ງ 18 ສະຫາຍ = 40. 9 %, ກາງ 26 ສະຫາຍ = 59. 9 %, ສີນລະປະຍຸດ 2 ວັນ ເກັ່ງ 12 ສະຫາຍ = 27.27% ກາງ 20 ສະຫາຍ = 45, 45%, ຍຸດທະວິທີ 2 ວັນ ເກັ່ງ 15 ສະຫາຍ = 34.99%, ກາງ 23 ສະຫາຍ = 52.27%, ພາກປະຕິບັດຍີງລູປືນແທ້ 1 ວັນ ເກັ່ງ 15 ສະຫາຍ=34,09% ກາງ 18 ສະຫາຍ 40.90% ເຊິ່ງສາມາດບັນລຸໄດ້ຕາມລະດັບ ຄາດໝາຍທີ່ວາງໄວ.


ໂອກາດນີ້, ທ່ານ ສຸວຽງທອງ ວົງຈຳປາ ຮອງເລຂາພັກເມືອງວັງວຽງ ໄດ້ໃຫ້ກຽດ ກ່າວປິດ ແລະມີຄໍາເຫັນໂອ້ລົມ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຄະນະຮັບຜິດຊອບ ແລະ ກຳລັງກອງຫຼອນ 13 ໝູ່ບ້ານຂອງກຸ່ມນາມອນທີ່ໄດ້ພ້ອມກັນສໍາເລັດຊຸດອົບຮົມໃນຄັ້ງນີ້ ແລະ ຮຽກຮ້ອງໃຫ້ ທຸກສະຫາຍຈົ່ງເພີ່ມທະວີຄວາມສາມັກຄີເປັນປຶກແຜ່ນ ເຊື່ອໝັ້ນ ຕໍ່ການນຳພາຂອງພັກ, ກຳໄດ້ທິດສະດີຫຼັກການ ແລະ ນຳເອົາບົດຮຽນທີ່ຮຽນມາ ເພື່ອປະກອບສ່ວນເຂົ້າໃນການປະຕິບັດໜ້າທີ່ໃຫ້ປາກົດຜົນເປັນຈິງ.

ຂ່າວ: ເມືອງວັງວຽງ

Leave a Reply

Your email address will not be published.

ສະຫງວນລິຂະສິດ