Vieng Chanh News

ແຂວງວຽງຈັນອອນລາຍ

ຜົນສຳເລັດກອງປະຊຸມສາມັນຄົບຄະນະແນວລາວສ້າງຊາດເມືອງແກ້ວອຸດົມຄັ້ງທີ 2 ສະໄໝ່ທີ VI ຂອງຕົນ.

1 min read

ໃນຕອນເຊົ້າຂອງວັນທີ 13 ພຶດສະພາ 2022 ນີ້ຢູ່ທີ່ສະໂມສອນເມືອງແກ້ວອຸດົມ ແຂວງວຽງຈັນ.ແນວລາວສ້າງຊາດເມືອງແກ້ວອຸດົມໄດ້ເປີດກອງປະຊຸມຄົບຄະນະຄັ້ງທີ 2 ສະໄໝ່ທີ VI ໂດຍພາຍໃຕ້ການເປັນປະທານຂອງທ່ານ ນາງ ດາວວອນ ສີວົງໄຊ ຄະນະປະຈຳພັກເມືອງ ປະທານແນວລາວສ້າງຊາດເມືອງແກ້ວອຸດົມ.

ໂດຍເປັນກຽດເຂົ້າຮວມເປັນປະທານຂອງ ທ່ານ ເທບພະໄທ ແກ້ວເຂັມເພັດ ກຳມະການສູນກາງແນວລາວສ້າງຊາດ,ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນ, ທ່ານ ສີສະຫວາດ ແສງພະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆແກ້ວອຸດົມ,ເຂົ້າຮ່ວມມີບັນດາທ່ານຄະນະກຳມະການແນວລາວສ້າງສ້າງຊາດເມືອງ,ແນວລາວສ້າງຊາດບ້ານ ,ພະສົງ ແລະ ແຂກທີຖືກເຊີນເຂົ້າຮ່ວມຢ່າງພ້ອມພຽງ.


ກອງປະຊຸມ ທ່ານ ນາງ ສົມພອນ ເພັດພົງສານ ຮອງປະທານແນວລາວສ້າງຊາດເມືອງແກ້ວອຸດົມ ໄດ້ຂື້ນຜ່ານບົດສະຫຼູບປະຈຳປີ 2021 ແລະ ທີດທາງແຜນການ 2022 ໃຫ້ຮູ້ວ່າ: ເມືອງແກ້ວອຸດົມປະກອບມີ 26 ບ້ານ ມີຜົນລະເມືອງທັງໝົດ 19,679 ຄົນ,ຍິງ 10,072 ຄົນ,ມິ 8 ຊົນເຜົ່າປະຊາຊົນສ່ວນຫຼາຍແມ່ນຖືສາດສະໜາພຸດ,ມີຄະນະກຳມະການແນວລາວສ້າງຊາດທັງໝົດ 21 ທ່ານ ເປັນຍິງ 6 ທ່ານ ແລະ ພະສົງ 1 ອົງ,ມີຄະນະກຳມະການແນວລາວສ້າງຊາດຂັ້ນບ້ານທັງໝົດ 338 ທ່ານ,ຍິງ 93 ທ່ານ ພະສົງ 26 ອົງ.


ເຊີງໃນໄລຍະ 1 ປີຜ່ານມາຄະນະກຳມະການແນວລາວສ້າງຊາດເມືອງໄດ້ປະສານສົມທົບກັບວົງການພາຄີລົງຊຸກຍູ້ວຽກງານຢູ່ຂັ້ນຮາກຖານບ້ານໃນການນຳເອົາແນວທາງນະໂຍບາຍຂອງພັກລັດລົງເຜີຍແຜ່ເຊື່ອມຊື່ມສ້າງຄວາມຮັບຮູ້ ເຂົ້າໃຈ ແລະ ເຊື່ອໝັ້ນຕໍ່ການນຳພັກລັດມີນຳໃຈຮັກຊາດຮັກລະບອບໃໝ່ມີສະຕິຕໍ່ກົນອຸບາຍຂອງຄົນບໍ່ຫວັງດີພ້ອມທັງຕື່ນຕົວເຂົ້າຮ່ວມພາລະກິດປົກປັກຮັກສາປະເທດຊາດເສີຍຂະຫຍາຍສິດເປັນເຈົ້າ ແລະ ປົກປັກຮັກສາຮີດຄອງປະເພນີອັນດີງານຂອງຊາດລາວ,ເອົາໃຈໃສ່ສ້າງບ້ານສາມັກຄີປອງດອງຕາມມາດຖານເງືອນໄຂ.


ໃນ 1 ປີຜ່ານມາເມືອງແກ້ວອຸດົມສາມາດປະກາດຮັບຮອງບ້ານສາມັກຄີປອງດອງໄດ້ທັງໝົດ 26 ບ້ານ ມີ 3,584 ຄອບຄົວເປັນຮອບທີ 1 ພ້ອມທັງສະເໜີຂັ້ນເທີງເພື່ອກະກຽມປະກາດຮັບຮອງຮອບເອົາຈຳນວນ 26 ບ້ານ 3,617 ເປັນຮອບ 2 ຂອງເມືອງ.
ພ້ອມນີ້ກອງປະຊຸມຍັງໄດ້ຜ່ານແຜນພັດທະນາຂອງຄະນະກຳມະການແນວລາວສ້າງຊາດ 5 ປີ ແລະ ໂຄງການດຳເນີນງານປີ 2021-2025 ແລະ ມະຕິຕົກລົງວ່າດ້ວຍການແບ່ງຄວາມຮັບຜິດຊອບໃຫ້ຄະນະກຳມະການແນວລາວສ້າງສະໄໝ VI ,ຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບຂະບວນການສ້າງຕັ້ງຄອບຄົວ ແລະ ບ້ານສາມັກຄີປອງດອງ ແລະ ໃຫ້ຄະນະກຳມະການແນວລາວສ້າງຊາດຂັ້ນບ້ານຂື້ນຈັບມື້ຮັບຮອງຂໍ້ແຂ່ງຂັ້ນ.


ໃນໂອກາດດຽວກັນນີ້ທີ່ປະຊຸມຍັງໄດ້ຮັບຟັງການໂອ້ລົມຂອງທ່ານ ເທບພະໄທ ແກ້ວເຂັມເພັດ ກຳມະການສູນກາງແນວລາວສ້າງຊາດ,ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນຕື່ມອີກ.

ພາບ-ຂ່າວ: ສຸກັນ

Leave a Reply

Your email address will not be published.

ສະຫງວນລິຂະສິດ