Vieng Chanh News

ແຂວງວຽງຈັນອອນລາຍ

ປາຖະກະຖາ 2 ວັນປະຫວັດສາດ ຂອງພັກ ຂອງຊາດ

1 min read

ວັນທີ 27 ພິຶດສະພາ 2022 ເມືອງຊະນະຄາມ ໄດ້ປາຖະກະຖາ 2 ວັນປະຫວັດສາດ ຂອງຊາດ ຢູ່ຫ້ອງປະຊຸມ ຂອງເມືອງຊະນະຄາມ ແຂວງວຽງຈັນ.

ໂດຍການເຂົ້າຮ່ວາມ ຂອງທ່ານສະໝານ ວິເສດຍະພົງ ກຳມະການພັກແຂວງ ເລຂາພັກເມືອງ ເຈົ້າເມືອງໆຊະນະຄາມ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫົວໜ້າຫ້ອງການ, ພະນັກງານ ທະຫານ, ຕໍ່າຫຼວດ ນາຍບ້ານເທດສະບານເມືອງກໍເປັນກຽດເຂົ້າຮ່ວມຢ່າງພ້ອມພຽງ.

ການປາຖະກະຖາໃນຄັ້ງນີ້ ແມ່ນໄດ້ເລົ່າເຫດການສຳຄັນ ຂອງວິລະກຳໂຕນຄຸກຢ່າງມະຫັດສະຈັນ ຂອງບັນດາທ່ານ ຜູ້ນຳ ຂອງພັກ ແລະແນວລາວຮັກຊາດ ຄົບຮອບ 62 ປີ ( 24 ພຶດສະພາ 1960-24ພຶດສະພາ 2022) ທີ່ໄດ້ສະແດງເຖິງ ການໂຕນຄຸກແບບຮ່ວມໝູ່ ຂອງບັນດາທ່ານຜູ້ນຳ ຂອງພັກ ແລະແນວລາວ ຮັກຊາດ ຄັ້ງມະຫັດສະຈັນບໍມີໃຜຄາດຄິດວ່າຈະເປັນໄປໄດ້ ສາມາດກັບຄືນຖານທີ່ໝັ້ນຢ່າງປອດໄພ.

ນອກຈາກນີ້ກໍ່ຍັງໄດ້ປາຖະກະຖາວັນສຳຄັນໃນການຜ່າວົງປິດລ້ອມ ຂອງກອງພັນທີ 2 ວິລະຊົນທົ່ງໃຫ້ຫີນຊຽງຂວາງ ຄົບຮອບ 63 ປີ ( 18 ພຶດສະພາ 1959- 18 ພຶດສະພາ 2022) ທີ່ໄດ້ສະແດງເຖິງການຈັດຕັ້ງນຳພາ ການບັນຊາທີ່ໜັດແໜ້ນ ເດັດດ່ຽວຂ້ຽວຂາດ ເສີມຂະຫຍາຍຫົວຄິດປະດິດສ້າງ ຂອງໝົດທຸກຄົນ ກຳແໜ້ນກາລະໂອກາດທີ່ເໝາະສົມ ແລະມີວິທີຫຼອກລວງຢ່າງມີໄຫວພິບ ແລະໄດ້ຮັບການສະໜັບສະໜູນຊ່ວຍເຫຼືອ ຢ່າງໝົດຈິດໝົດໃຈຈາກກອງທັບ ແລະປະຊາຊົນຫວຽດນາມອ້າຍນ້ອງ.

ຈຸດປະສົງໃນການປາຖະກະຖາໃນຄັ້ງນີ້ກໍ່ເພື່ອເປັນການໂຄສະນາສຶກສາອົບຮົມ ການເມືອງແນວຄິດໃຫ້ແກ່ ບັນດາພະນັກງານ, ສະມາຊິກພັກ ທະຫານ ຕໍ່ຳຫຼວດ ໃຫ້ມີຄວາມຮັບຮູ້ ແລະເຂົ້າໃຈເຫັນໄດ້ປະຫວັດຄວາມເປັນມາ ຂອງມູນເຊຶື້ອຕໍ່ສູ້ອັນພິລະອາດຫານ ຂອງກອງທັບ ແລະປະຊາຊົນລາວ ເສີມຂະຫຍາຍມູນເຊື້ອນໍ້າໃຈຮັກຊາດ ຮັກບ້ານເກີດເມືອງນອນ ເປັນເຈົ້າການໃນການປົກປັກຮັກສາ ແລະສ້າງສາພັດທະນາປະເທດຊາດ ແລະເພື່ອເສີມຂະຫຍາຍມູນເຊື້ອອັນສະຫຼາດສ່ອງໃສ ແລະປີຊາສາມາດ ຂອງປະທານໄກສອນ ພົມວິຫານໃນການຊີ້ນຳໆພາແຕ່ລະໄລຍະ.

ພາບ-ຂ່າວ ເມືອງຊະນະຄາມ ແຂວງວຽງຈັນ

Leave a Reply

Your email address will not be published.

ສະຫງວນລິຂະສິດ