Vieng Chanh News

ແຂວງວຽງຈັນອອນລາຍ

ກອງບັນຊາການ ປກສ ແຂວງ ແລະ ປກສ ເມືອງແກ້ວອຸດົມ ລົງຊຸກຍູ້ວຽກງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຢາເສບຕິດໄລຍະທີ 2.

1 min read

ໃນວັນທີ 6 ກໍລະກົດ 2022 ຜ່ານມານີ້ຢູ່ທີ່ຫ້ອງການປົກຄອງບ້ານໆພູເຂົາຄຳ ເມືອງແກ້ວອຸດົມ ໄດ້ມີກອງປະຊຸມສະຫຼູບຕີລະຄາ ແລະ ຖອດຖອນບົດຮຽນການຈັດຕັ້ງປະຕິບັດຕາມວາລະແຫ່ງຊາດວ່າດ້ວຍການແກ້ໄຂຢາເສບຕິດໄລຍະທີ 2.

ໂດຍການເປັນກຽດເຂົ້າຮ່ວມຂອງທ່ານ ສີສະຫວາດ ແສງພະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆແກ້ວອຸດົມ, ມີທ່ານ ພັທ ສົມສັກ ໄຊປັນຍາ ຮອງເລຂາຄະນະພັກຮາຖານຫ້ອງຕໍ່າຫລວດ ກອງບັນຊາການ ປກສ ແຂວງວຽງຈັນ,ມີນາຍ ແລະ ພົນຕໍ່າຫຼອດ,ການນຳເມືອງ ອຳນາດການປົກຄອງບ້ານທົ່ວເມືອງ, ປກສ ,ປກຊ ບ້ານ ແລະ ຊາວໜຸ່ມຜູ້ທີ່ຢູ່ໃນກຸ່ມເປົ້າໜາຍພົວພັນກັບຢາເສບຕິດເຂົ້າຮ່ວມຢ່າງພ້ອມພຽງ.


ໃນພິທີທ່ານ ພັທ ສົມສັກ ໄຊປັນຍາ ຮອງເລຂາຄະນະພັກຮາກຖານຫ້ອງຕໍ່າຫຼວດ ກອງບັນຊາການ ປກສ ແຂວງວຽງຈັນ ໄດ້ໃຫ້ກຽດຂື້ນຜ່ານສະຫຼູບຕີລາຄາວຽກງານການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຢາເສບຕິດໄລຍະ 2 ໃຫ້ຮູ້ວ່າ: ສະພາບຄ້າຂາຍຢາເສບຕິດນັບມື້ມີຄວາມສັບສົນຫຼາຍຮູບແບບເລ້ລຽ່ມການຊື້ຂາຍມີການປຽ່ນແປງເລື້ອຍໆພວກເຂົາເຄຶ່ອນໃຫວຄ້າຂາຍຢາເສບຕິດຢ່າງມີການຈັດຕັ້ງ,ມີເຄື່ອຄ່າຍເກາະກ່າຍແຕ່ເໝືອຮອດໄຕ້ ແລະ ຢູ່ຕ່າງປະເທດ,ມີກຳລັງພົນ,ມີອາວຸດເສິກ.

ເພື່ອກຽມພ້ອມຕອບໂຕ້ກັບເຈົ້າໜ້າທີ່,ມີພາຫະນະ ແລະ ອຸປະກອນເຕັກນິກທີ່ທັນສະໄໝ,ມີທຸລະກິດເປັນສາກບັງໜ້າເພື່ອຟອກເງິນທີ່ໄດ້ມາຈາກການຄ້າຂາຍຢາເສບຕິດ ແລະ ມີການພົວພັນກັບຜູ້ທີ່ມີບົດບາດອິດທິພົນຢູ່ໃນສັງຄົມ,ມີຄວາມຕິດຕາມກວດກາການປະຕິບັດໜ້າທີ່ຂອງເຈົ້າໜ້າທີ່ຜູ້ທີ່ເປັນຫົວໂປ່ບົງການ,ໜ້ອຍທີ່ສຸດທີ່ຈະລົງມືຄ້າ-ຂາຍຢາເສບຕິດໂດຍກົງ ສ່ວນໃຫຍ່ຈະຢູ່ເບື້ອງຫຼັງເປັນຜູ້ສະໜອງເງິນຄຳ ແລະ ພາຫະນະວັດຖຸອຸປະກອນຕ່າງໆ.

ເພື່ອຄົນຂອງພວກເຂົາຖືກຈັບກໍ່ຈະມີຄົນວີ້ງເຕັ້ນຊື້ຈ້າງໃຫ້ສີນບົນກັບເຈົ້າໜ້າທີ່ເພື່ອບໍ່ໃຫ້ຄົນພວກເຂົາຖືກດຳເນີນຄະດີຕາມລະບຽບກົດໜາຍ,ເມື່ອພວກເຂົ້າວີ້ງເຕັ້ນຊື້ຈ້າງໃຫ້ສີນບົນບໍ່ໄດ້ພວກເຂົ້າກໍ່ຫາວິທີທຳລາຍເຈົ້າໜ້າທີ່ລັດເຊັ່ນ: ໄຊ້ຄວາມຮຸນແຮງ,ໃສ່ຮ້າຍປາຍສີ,ໂຄສະນາທັບຖົມໂຈມຕີ,ເຮັດທຸກສີ່ງທຸກຢ່າງເພື່ອທຳລາຍກຽດສັກສີເຮັດໃຫ້ສັງຄົມ ແລະ ການຈັດຕັ້ງລະແວງສົງໃສຕ່າງໆນາໆ.

ປະຈຸບັນຢາເສບຕິດມີຫຼາຍຊະນິດ,ມີຄວາມຮຸນແຮງແຕກຕ່າງກັນທາງດ້ານຄວາມເຂັ້ມແຕກຕ່າງກັນທາງດ້ານສີ,ກີ່ນ ແລະ ຮູບຮ່າງເບື້ອງນອກ ແຕ່ຢາເສບຕິດທຸກຊະນິດແລ້ວແຕ່ມີສານກະຕຸ້ນລະບົບປະສາດຊະນິດຢາເສບຕິດທີ່ພົບເຫັນໃນປະຈຸບັນມີ: ຢາຝີ່ນ,ກັນຊາ,ສານລະເຫີຍບັນຈຸຢາເສບຕິດ,ມອກຝີ່ນ,ຢາບ້າ,ຢາອີ,ເຮໂຣອີນ,ໂຄເຄນ ແລະ ຢາແກ້ຫວັດທີ່ມີສານເສບຕິດເຈືອປົນ.


ຫຼັງຈາກນັ້ນກອງປະຊຸມກໍ່ໄດ້ຮັບຟັງການມີຄຳເຫັນໂອ້ລົມຊີ້ນຳຈາກທ່ານ ສີສະຫວາດ ແສງພະຈັນ ກຳມະການພັກແຂວງ ເລຂາພັກເມືອງເຈົ້າເມືອງໆແກ້ວອຸດົມຕື່ມອີກດ້ວຍ.

ພາບຂ່າວ: ດາວເພັດ ແກ້ວປະເສິດ

Leave a Reply

Your email address will not be published.

You may have missed

ສະຫງວນລິຂະສິດ