Vieng Chanh News

ແຂວງວຽງຈັນອອນລາຍ

ເມືອງວັງວຽງ ແຕ່ງຕັ້ງຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ

1 min read

ພິທີປະກາດແຕ່ງຕັ້ງຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ໄດ້ຈັດຂຶ້ນ ໃນວັນທີ 30 ມິຖຸນາຜ່ານມານີ້ ທີ່ສະໂມສອນຂອງເມືອງວັງວຽງ ແຂວງວຽງຈັນ.

ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ພົວ ບຸນມາ ວົງດາແສນ ຄະນະປະຈໍາພັກແຂວງ, ເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງວຽງຈັນ.ມີບັນດາທ່ານຄະນະພັກເມືອງ, ຄະນະພັກ-ຄະນະບັນຊາ, ນາຍ ແລະ ພົນທະຫານ-ນາຍ ແລະ ພົນຕໍາຫຼວດ, ຫົວໜ້າ-ຮອງຫົວໜ້າຫ້ອງການ, ແລະ ບັນດາພະນັກງານຫຼັກແຫຼ່ງ ເຂົ້າຮ່ວມຢ່າງພ້ອມພຽງ.


ໃນພິທີ ສະຫາຍ ພັຕ ບົວສີ ແສນຈົງຮັກ ຫົວໜ້າພະແນກການທະຫານທ້ອງຖິ່ນ ກອງບັນຊາການທະຫານແຂວງວຽງຈັນ ໄດ້ຂຶ້ນຜ່ານຂໍ້ຕົກລົງ ເລກທີ 465 /ຈຂ.ວຈ ລົງວັນທີ 10/5/2022 ຊຶ່ງໄດ້ແຕ່ງຕັ້ງ ທ່ານ ບຸນຈັນ ມາລາວົງ ເຈົ້າເມືອງໆວັງວຽງ ເປັນປະທານ, ທ່ານ ພັ.ທ ວັນຄຳ ຫຼວງພັນນາ ຫົວໜ້າການທະຫານເມືອງກອງບັນຊາການທະຫານເມືອງ ເປັນຮອງ ທັງເປັນຜູ້ປະຈຳການຂອງຄະນະກຳມະການສຶກສາອົບຮົມປ້ອງກັນຊາດ – ປ້ອງກັນຄວາມສະຫງົບເມືອງ.

ທ່ານ ພັ.ທ ຄຳໝັ້ນ ແສນບຸດດີ ຫົວໜ້າກອງບັນຊາການ ປກສ ເມືອງ ເປັນຄະນະ, ທ່ານ ບຸນສີ ລັດດາວົງ ຫົວໜ້າຄະນະຈັດຕັ້ງເມືອງ ເປັນຄະນະ, ທ່ານ ສີສຸພັນ ລັດຕະນະວົງປະທານແນວລາວສ້າງຊາດເມືອງເປັນຄະນະ, ທ່ານ ບຸນ ປາລາມີ ຫົວໜ້າຫ້ອງການສຶກສາທິການ ແລະ ກິລາເມືອງ ເປັນຄະນະ, ທ່ານ ບຸນມີ ພົມມະວົງສາ ຫົວໜ້າຫ້ອງວ່າການເມືອງ ເປັນຄະນະ, ທ່ານ ອັດສະຍາໃສ ມະນີວັນ ຫົວໜ້າຫ້ອງການ ຖວທ ເມືອງ ເປັນຄະນະ, ທ່ານ ບຸນລ່ຽມ ເລືອງມະນີ ຫົວຫ້ອງການໆເງິນເມືອງ ເປັນຄະນະ, ທ່ານ ແອໂລ ສຸດທະລິດ ຫົວໜ້າຫ້ອງການໂຄສະນາອົບຮົມເມືອງ ເປັນຄະນະ, ທ່ານ ພັ.ຕ ວັນທອນ ຈັນທະວົງ ຫົວໜ້າພະແນກການເມືອງກອງບັນຊາການທະຫານເມືອງ ເປັນຄະນະ, ຂະແໜງການທະຫານທ້ອງຖິ່ນເມືອງເປັນກອງເລຂານຸການຂອງຄະນະກໍາມະການສຶກສາອົບຮົມວຽກ ງານປ້ອງກັນຊາດ-ປ້ອງກັນຄວາມສະຫງົບເມືອງ.


ໂອກາດນີີ້, ສະຫາຍ ພົນຈັດຕະວາ ບຸນມາ ວົງດາລາແສນ, ໄດ້ໃຫ້ກຽດມີຄໍາເຫັນໂອ້ລົມແລະ ໄດ້ຍົກໃຫ້ເຫັນ ຄວາມໝາຍ ຄວາມສໍາຄັນຂອງການ ແຕ່ງຕັ້ງຄະນະກໍາມະການສຶກສາອົບຮົມວຽກງານປ້ອງກັນຊາດ-ປ້ອງກັນຄວາມສະຫງົບເມືອງໃນຄັ້ງນີ້, ເຊິ່ງແມ່ນຄວາມຮຽກຮ້ອງຕ້ອງການ ຂອງໜ້າທີ່ການເມືອງໃນສະເພາະໜ້າ ແລະ ຍາວນານ.

ພ້ອມທັງເນັ້ນໜັກໃຫ້ບັນດາສະຫາຍທີ່ຖືກແຕ່ງຕັ້ງຈົ່ງພ້ອມກັນຍົກສູງຄວາມຮັບຜິດຊອບການເມືອງຂອງຕົນຕໍ່ໜ້າທີ່-ທີ່ໄດ້ຮັບການມອບໝາຍ, ເອົາໃຈໃສ່ເຄື່ອນໄຫວເຮັດໜ້າ ທີ່ວຽກງານຕາມພາລະບົດບາດ, ສິດ,ໜ້າທີ່, ເປັນເຈົ້າການຜັນຂະຫຍາຍແນວທາງປ້ອງກັນຊາດ-ປ້ອງກັນຄວາມສະຫງົບຂອງພັກລົງສູ່ຮາກຖານໃຫ້ທົ່ວເຖິງທຸກເປົ້າໝາຍ.

ຂ່າວ: ເມືອງວັງວຽງ

Leave a Reply

Your email address will not be published.

You may have missed

ສະຫງວນລິຂະສິດ