Vieng Chanh News

ແຂວງວຽງຈັນອອນລາຍ

ເມືອງໝື່ນ ຈັດພິທີຊົມເຊີຍ ວັນສ້າງຕັ້ງກອງທັບ ປະຊາຊົນລາວ ຄົບຮອບ 72 ປີ.

1 min read

ພິທີດັ່ງກ່າວ ຈັດຂື້ນ ໃນວັນທີ 21 ມັງກອນ 2021 ຢູ່ທີ່ສະໂມສອນຫ້ອງວ່າການປົກຄອງເມືອງໝື່ນ ແຂວງວຽງຈັນ ໃຫ້ກຽດເຂົ້າຮ່ວມເປັນປະທານໂດຍ ທ່ານ ພອນເທີດ ສຸຫວັດດີ ເມືອງ ເຈົ້າເມືອງ-ເມືອງໝື່ນ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ ແລະ ພະນັກງານຫຼັກ ແຫຼ່ງບັນດາຫ້ອງການເຂົ້າຮ່ວມ.

ໃນພິທີທ່ານ ພອນເທີດ ສຸຫວັດດີ ເຈົ້າເມືອງ-ເມືອງໝື່ນ ໃດ້ໃຫ້ກຽດເລົ່າຄື່ນກ່ຽວກັບປະຫວັດຄວາມເປັນມາຂອງວັນສ້າງຕັ້ງກອງທັບປະຊາຊົນລາວ ເຊີ່ງທ່ານໃດ້ຍົກໃຫ້ເຫັນຜົນງານອັນສະຫງ່າລາສີ ເປັນການຈາລຶກບຸນຄຸນເຖິງດວງວິນຍານ ຂອງພະນັກງານ-ນັກຮົບທີ່ເສຍສະຫຼະຊີວິດເພື່ອປະເທດຊາດໃນເມື່ອກ່ອນ ທີ່ມີຄວາມໝາຍອັນເລິກເຊີ່ງ.

ເພື່ອເປັນການສະແດງຄວາມເຄົາລົບ ແລະ ລະນຶກເຖິງຄຸນງາມຄວາມດີ,ຄວາມກະຕັນຍູ ຮູ້ບຸນຄຸນອັນສູງສົ່ງຕໍ່ທ່ານຜູ້ນຳການປະຕິວັດ ພ້ອມດ້ວຍປະຊາຊົນ ບັນດາເຜົ່າທີ່ເສຍສະຫຼະຊິວີດເລືອດເນື້ອອຸທິດໃຫ້ແກ່ປະເທດຊາດ ໃນພາລະກິດ ແຫ່ງການຕໍ່ສູ້ຢ່າງພິລາດອາດຫານກູ້ຊາດຍາດເອົາເອກະລາດ ແລະ ຜືນແຜນດິນອັນຄົບຖ້ວນມາໃຫ້ປະເທດຊາດຢູ່ເຢັນເປັນສຸກຈົນມາຮອດມາເຖິງທຸກວັນນີ້.

ເພື່ອເປັນການຈາລຶກບຸນຄຸນ ແລະ ຄຸນງາມຄວາມດີຂອງວັນສ້າງຕັ້ງກອງທັບປະຊາຊົນລາວຄົບຮອບ 72 ປີ ນັ້ນ ຄະນະການນຳເມືອງພ້ອມທັງ ແລະ ບັນດາອົງການຕ່າງໆພາຍໃນເມືອງ ກໍ່ໄດ້ພ້ອມພາກັນອວຍພອນວັນສຳຄັນດັ່ງກ່າວນີ້ດ້ວຍການມອບຂອງຂັວນ ແລະ ກະຕ່າຂອງຂວັນ ໃຫ້ແກ່ກອງບັນຊາການທະຫານ ເມືອງໝື່ນ ພ້ອມທັງກ່າວຮັບ ໂດຍທ່ານ ພັທ ສົມພອນຈ່າງ ຫົວໜ້າກອງບັນຊາການທະຫານເມືອງ.

ຂ່າວ: ນັກຂ່າວ ເມືອງ ໝື່ນ, ແຂວງ ວຽງຈັນ

Leave a Reply

Your email address will not be published. Required fields are marked *