ເມືອງກາສີ ປະຖະກະຖາຫວນຄືນມູນເຊື້ອ 4 ວັນປະຫວັດສາດ - Vieng Chanh News

Vieng Chanh News

ແຂວງວຽງຈັນອອນລາຍ

ເມືອງກາສີ ປະຖະກະຖາຫວນຄືນມູນເຊື້ອ 4 ວັນປະຫວັດສາດ

1 min read

ວັນທີ 17 ສິງຫາ 2022 ນີ້, ເມືອງກາສີຈັດພິທີປະຖະກະຖາ 4 ວັນປະຫວັດສາດຄື: ວັນຢຶດອຳນາດ 23 ສີງຫາຄົບຮອບ47ປີ(23/8/1975-23/8/2022), ວັນລັດຖະທຳມະນູນແຫ່ງ ສ ປ ປລາວຄົບຮອບ 31ປີ(15/8/1991-15/8/2022), ວັນສ້າງຕັ້ງແນວລາວສ້າງຊາດຄົບຮອບ72ປີ(13/8/1950-13/8/2022) ແລະ ວັນສ້າງຕັ້ງແຂວງວຽງຈັນ ຄົບຮອບ 41 ປີ(13/8/1981-13/8/2022)ຂຶ້ນຢ່າງເປັນທາງການຢູ່ທີ່ສະໂມສອນຂອງເມືອງກາສີ ແຂວງວຽງຈັນ.

ໂດຍການໃຫ້ກຽດເປັນປະທານຂອງທ່ານ ສີທົນ ແສງພະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆກາສີ, ເຂົ້ຮ່ວມມີບັນດາຄະນະປະຈຳພັກເມືອງ-ກຳມະການພັກເມືອງ, ຫົວໜ້າຫ້ອງການ-ຮອງຫົວໜ້າຫ້ອງການ ພ້ອມດ້ວຍພະນັກງານ-ລັດຖະກອນ ພາຍໃນເມືອງເຂົ້າຮ່ວມທັງໝົດ 112 ຄົນ, ຍິງ 28 ຄົນ.


ໃນພິທີທ່ານ ແພງຄໍາ ຈັນທະມຸງຄຸນ ຮອງເລຂາພັກເມືອງ ປະທານກວດກາພັກ-ລັດເມືອງ ກໍ່ໄດ້ໃຫ້ກຽດຂຶ້ນປະຖະກາຖາເລົ່າຄືນມູນເຊື້ອວັນຢຶດອຳນາດ 23 ສີງຫາ, ທ່ານ ອຳໄພ ໂສລັດຕະນະວົງ ໃຫ້ກຽດຂຶ້ນເລົ່າຄືນມູນເຊື້ອວັນສ້າງຕັ້ງລັດຖະທຳມະນູນແຫ່ງ ສ ປ ປລາວ, ທ່ານ ອຸດ ສຸລະມຸງຄຸນ ຮອງປະທານແນວລາວສ້າງຊາດເມືອງໃຫ້ກຽດຂຶ້ນເລົ່າຄືນກ່ຽວກັບວັນສ້າງຕັ້ງແນວລາວສ້າງຊາດ ແລະ ທ່ານ ສີທົນ ແສງພະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆກາສີ ກໍ່ໄດ້ໃຫ້ກຽດຂຶ້ນເລົ່າມູນເຊື້ອວັນສ້າງຕັ້ງແຂວງວຽງຈັນ.

ຈຸດປະສົງຂອງການເລົ່າຄືນມູນເຊື້ອ 4 ວັນປະຫວັດສາດໃນຄັ້ງນີ້ ກໍ່ເພື່ອເຮັດໃຫ້ບັນດາສະມາຊິກພັກ, ພະນັກງານ-ລັດຖະກອນ ຕະຫຼອດຮອດພໍ່ແມ່ປະຊາຊົນບັນດາເຜົ່າພາຍໃນເມືອງກາສີ ໄດ້ຮັບຮູ້ເຊື່ອມຊືມເຂົ້າໃຈຢ່າງຈະແຈ້ງ ແລະ ເລິກເຊີ່ງ ເຖີງປະຫວັດການກຳເນີດ ເຕີບໃຫຍ່ຂະຫຍາຍຕົວ ຄວາມໝາຍ ຄວາມສຳຄັນ ແລະ ມູນເຊື້ອອັນພິລະອາດຫານ ຂອງບັນພະບູລຸດ ໃນການຕໍ່ສູ້ກູ້ຊາດໃນແຕ່ລະຍຸກແຕ່ລະສະໄຫມ ຕະຫລອດຮອດຜົນງານໃນການປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະຜ່ານມາ ເວົ້າລວມ, ເວົ້າສະເພາະກໍ່ແມ່ນຜົນງານການພັດທະນາເຕີບໃຫຍ່ຂະຫຍາຍຕົວຂອງແຂວງວຽງຈັນ ຕະຫລອດໄລຍະເວລາ 41ປີ ທີ່ຜ່ານມາ.

ນອກນັ້ນຍັງເປັນການປູກຈິດສຳນຶກສຶກສາອົບຮົມ ໃຫ້ສະມາຊິກພັກ, ພະນັກງານ- ລັດຖະກອນ, ທະຫານ, ຕຳຫລວດ ກໍຄືພໍ່ແມ່ປະຊາຊົນລາວບັນດາເຜົ່າ ໃຫ້ເປັນເຈົ້າການຍົກສູງນ້ຳໃຈຮັກຊາດ ຮັກລະບອບໃໝ່, ເພີ່ມທະວີຄວາມສາມັກຄີທົ່ວປວງຊົນລາວທັງຊາດ, ເຊີດຊູບົດບາດເປັນເຈົ້າການ ໃນການປົກປັກຮັກສາ ແລະ ສ້າງສາພັດທະນາປະເທດຊາດ ຕາມແນວທາງປ່ຽນແປງໃໝ່ ແນ່ໃສ່ເຮັດໃຫ້ປະເທດຊາດ ມັ່ງຄັ້ງເຂັ້ມແຂງ ປະຊາຊົນມີຄວາມຜາສຸກ ສັງຄົມມີຄວາມສາມັກຄີປອງດອງ ມີປະຊາທິປະໄຕ ຍຸຕິທຳ ແລະ ຮຸ່ງເຮືອງສີວິໄລ ຂື້ນຢ່າງບໍ່ຢຸດຢັ້ງ

( ຂ່າວ ເມືອງກາສີ )

Leave a Reply

Your email address will not be published.

You may have missed

ສະຫງວນລິຂະສິດ