ໂຍທາທິການ ແລະ ຂົນສົ່ງແຂວງສົມທົບກັບໂຍທາທິການ ແລະ ຂົນສົ່ງເມືອງແກ້ວອຸດົມ ລົງສຳຫຼວດກວດກາສະພາບເສັ້ນທາງຈຸດທີ່ເປ່ເພພາຍໃນເມືອງແກ້ວອຸດົມ. - Vieng Chanh News

Vieng Chanh News

ແຂວງວຽງຈັນອອນລາຍ

ໂຍທາທິການ ແລະ ຂົນສົ່ງແຂວງສົມທົບກັບໂຍທາທິການ ແລະ ຂົນສົ່ງເມືອງແກ້ວອຸດົມ ລົງສຳຫຼວດກວດກາສະພາບເສັ້ນທາງຈຸດທີ່ເປ່ເພພາຍໃນເມືອງແກ້ວອຸດົມ.

1 min read

ວັນທີ່ 17 ສິງຫາ 2022 ນີ້, ພະແນກໂຍທາທິການ ແລະ ຂົນສົ່ງແຂວງວຽງຈັນ ນຳໂດຍທ່ານ ພູວອນ ບຸນວິໄລ ກຳມະການພັກແຂວງ ຫົວໜ້າພະແນກໂຍທາທິການ ແລະ ຂົນສົ່ງແຂວງວຽງຈັນພ້ອມທີມງານໄດ້ລົງສົມທົບກັບຫ້ອງການໂຍທາທິການ ແລະ ຂົນສົ່ງເມືອງແກ້ວອຸດົມ.

ນຳໂດຍ ທ່ານ ສີສະຫວາດ ແສງພະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆແກ້ວອຸດົມພ້ອມດ້ວຍຄະນະທີມງານ ແລະ ພາກສ່ວນທີ່ກ່ຽວຂ້ອງ ໄດ້ລົງສຳຫຼວດກວດກາສະພາບເສັ້ນທາງທີ່ມີການເປ່ເພຕາມຈຸດຕ່າງໆພາຍໃນເມືອງແກ້ວອຸດົມເຊີ່ງປະກອບມີ: ເສັ້ນທາງບ້ານຖີ່ນແກ້ວຫາເສັ້ນທາງບ້ານໂພນມ່ວງ ແລະ ແຕ່ເສັ້ນທາງບ້ານທ່າລາດຫາເສັ້ນທາງບ້ານທ່າຊັນ ທີ່ໄດ້ຮັບຜົນກະທົບຈາກໄພພິບັດທຳມະຊາດ.

ເຊີ່ງໃນປະຈຸບັນການນຳຂັ້ນແຂວງ ແລະ ຂັ້ນເມືອງ ກຳລັງດຳເນີນສຳຫຼວດກວດກາແກ້ໄຂສ້ອມແປງສຸກເສີນ ເພື່ອໃຫ້ການສັນຈອນໄປມາໃຫ້ມີຄວາມສະດວກສະບາຍ ແລະ ມີຄວາມປອດໄພ.

ພາບ-ຂ່າວ: ດາວເພັດ ແກ້ວປະເສີດ

Leave a Reply

Your email address will not be published.

ສະຫງວນລິຂະສິດ