ເຜີຍແຜ່-ແນະນຳການຫັນເຂົ້າສູ່ລະບົບອາກອນມູນຄ່າເພີ້ມ ແລະ ສິດ-ໜ້າທີ່ຂອງຜູ້ຢູ່ໃນລະບົບອາກອນມູນຄ່າເພີ້ມໃຫ້ຫົວໜ່ວຍທຸລະກິດເມືອງແກ້ວອຸດົມ - Vieng Chanh News

Vieng Chanh News

ແຂວງວຽງຈັນອອນລາຍ

ເຜີຍແຜ່-ແນະນຳການຫັນເຂົ້າສູ່ລະບົບອາກອນມູນຄ່າເພີ້ມ ແລະ ສິດ-ໜ້າທີ່ຂອງຜູ້ຢູ່ໃນລະບົບອາກອນມູນຄ່າເພີ້ມໃຫ້ຫົວໜ່ວຍທຸລະກິດເມືອງແກ້ວອຸດົມ

1 min read

ໃນວັນທີ 17 ສິງຫາ 2022 ຜ່ານມານີ້ຢູ່ທີ່ສະໂມສອນໃຫຍ່ຂອງເມືອງແກ້ວອຸດົມແຂວງວຽງຈັນໄດ້ມີກອງປະຊຸມເຜີຍແຜ່-ແນະນຳການຫັນເຂົ້າສູ່ລະບົບອາກອນມູນຄ່າເພີ້ມ ແລະ ສິດໜ້າທີ່ຂອງຜູ້ຢູ່ໃນລະບົບອາກອນມູນຄ່າເພີ່ມໃຫ້ຫົວໜ່ວຍທຸລະກິດເມືອງແກ້ວອຸດົມ.

ພາຍໃຕ້ການເປັນປະທານຂອງທ່ານ ສີງຄຳ ມະນີວັນ ກຳມະການພັກເມືອງ ຮອງເຈົ້າເມືອງໆແກ້ວອຸດົມ.
ໂດຍເປັນກຽດເຂົ້າຮ່ວມຂອງທ່ານ ຄຳເຫຼັກ ທອງສະຫວັນ ກຳມະການພັກແຂວງ ຫົວໜ້າພະແນກການເງິນແຂວງວຽງຈັນ,ມີທ່ານ ນາງ ຫວານໃຈ ສຸດທິເດດ ຫົວໜ້າຫ້ອງການການເງິນເມືອງແກ້ວອຸດົມ,ມີຫົວໜ້າຫ້ອງການທີ່ກ່ຽວຂ້ອງ,ບັນດານັກທຸລະກິດ ແລະ ພະນັກງານວິຊາການພາຍໃນຫ້ອງການດັ່ງກ່າວເຂົ້າຮ່ວມຢ່າງພ້ອມພຽງ.


ໃນກອງປະຊຸມທ່ານ ບຸນຖອງ ອອ່ນແສງຈັນ ຫົວໜ້າໜ່ວຍງານອາກອນເມືອງແກ້ວອຸດົມໄດ້ໃຫ້ກຽດຂື້ນຜ່ານບົດລາຍງານຫຍໍ້ການຈັດຕັ້ງປະຕິບັດວຽກງານຂະຫຍາຍຖານອາກອນມູນຄ່າເພີ້ມໃຫ້ຮູ້ວ່າ: ຂໍ້ມູນສະຖິຕິພື້ນຖານວິສາຫະກິດທົ່ວເມືອງແກ້ວອຸດົມມີທັງໝົດ 343 ຫົວໜ່ວຍ.

ໃນນັ້ນ ການຜະລິດມີ 55 ຫົວໜ່ວຍ,ການຄ້າມີ 195 ຫົວໜ່ວຍ,ການບໍລິການມີ 93 ຫົວໜ່ວຍ,ເມືອງຄຸ້ມຄອງມີທັງໝົດ 185 ຫົວໜ່ວຍ,ໃນນັ້ນ ການຜະລິດມີ 44 ຫົວໜ່ວຍ,ການຄ້າ 88 ຫົວໜ່ວຍ,ການບໍລິການ 53 ຫົວໜ່ວຍ,ບ້ານຄຸ້ມຄອງມີທັງໝົດ 158 ຫົວໜ່ວຍ,ໃນນັ້ນ ການຜະລິດ 11 ຫົວໜ່ວຍ,ການຄ້າ 107 ຫົວໜ່ວຍ,ການບໍລິການ 40 ຫົວໜ່ວຍ.


ຫົວໜ່ວຍວິສາຫະກິດທີ່ໄດ້ອອກບັດເລກປະຈຳຕົວ ແລະ ເອົາເຂົ້າໃນລະບົບ Taxris ນັບແຕ່ປີ 2020 ຈົນເຖີງປະຈຸບັນມີທັງໝົດ 197 ຫົວໜ່ວຍ,ໃນນັ້ນ ອົງການຈັດຕັ້ງຕ່າງໆມີ 42 ອົງການ,ຫົວໜ່ວຍວິສາຫະກິດມີ 155 ຫົວໜ່ວຍ,ສຳມະໂນພາສີທີ່ດີນທົ່ວເມືອງມີທັງໝົດ 7.780 ຕອນ,ເນື້ອທີ່ທັງໝົດ 47.439.167 ຕາແມັດ ເປັນເງິນ 357.645.645 ກີບ,ໜ່ວຍງານສ່ວຍສາອາກອນປະຈຳເມືອງແກ້ວອຸດົມ.

ໄດ້ຮັບແຜນແບ່ງຕົວເລກລາຍຮັບງົບປະມານປະຈຳປີ 2022 ທັງໝົດ 1.730.815.000 ກີບ,ຜ່ານການຈັດຕັ້ງປະຕິບັດເກັບລາຍຮັບໃນ 7 ເດືອນຕົ້ນປີສາມາດປະຕິບັດໄດ້ 1.153.094.621 ກີບ,ເທົ່າກັບ 66,62% ແລະ ຄາດຄະເນລາຍຮັບ 5 ເດືອນທ້າຍປີຈະສາມາດປະຕິບັດໄດ້ 411.720.379 ກີບ,ຄາດຄະເນລາຍຮັບໝົດປີ 2022 ຈະປະຕິບັດໄດ້ 1.564.815.000 ກີບ,ເທົ່າກັບ 90,40%(ລຸດແຜນການ).


ດ້ານວຽກງານຂະຫຍາຍຖານອາກອນມູນຄ່າເພີ້ມຫົວໜ່ວຍເປົ້າໝາຍເຂົ້າສູ່ລະບົບອາກອນມູນຄ່າເພີ້ມຕາມວາລະແຫ່ງຊາດມີທັງໝົດ 40 ຫົວໜ່ວຍ,ໃນນັ້ນ ການຜະລິດ 4 ຫົວໜ່ວຍ,ການຄ້າ 20 ຫົວໜ່ວຍ,ການບໍລິການ 16 ຫົວໜ່ວຍ ແລະ ຫົວໜ່ວຍທີ່ເຂົ້າສູ່ລະບົບອາກອນມູນຄ່າເພີ່ມສຳເລັດແລ້ວມີ 16 ຫົວໜ່ວຍ.

ໃນນັ້ນ ການຜະລິດ 3 ຫົວໜ່ວຍ,ການຄ້າ 9 ຫົວໜ່ວຍ,ການບໍລິການ 4 ຫົວໜ່ວຍ,ຫົວໜ່ວຍທີ່ມີເປົ້າໝາຍທີ່ຈະຂະຫຍາຍເຂົ້າຕື່ມມີ 16 ຫົວໜ່ວຍ,ສັງລວມແລ້ວຫົວໜ່ວຍທຸລະກິດທີ່ເຂົ້າສູ່ລະບົບອາກອນມູນຄ່າເພີ່ມສຳເລັດແລ້ວໃນທົ່ວເມືອງແກ້ວອຸດົມມີທັງໝົດ 16 ຫົວໜ່ວຍ ແລະ ໄດ້ຂະຫຍາຍເຂົ້າສູ່ລະບົບໃຫ້ໄດ້ເພີ່ມອີກ 16 ຫົວໜ່ວຍລວມທັງໝົດເປັນ 32 ຫົວໜ່ວຍ.


ຈາກນັ້ນກອງປະຊຸມໄດ້ຮັບຟັງການເຜີຍແຜ່ກຽ່ວກັບວຽກງານຂະຫຍາຍຖານອາກອນມູນຄ່າເພີ້ມທີ່ຕິດພັນກັບກົດໝາຍສະບັບເລກທີ 01/ສພຊ,ລົງວັນທີ 07 ສິງຫາ 2021ແລະ ເຜີຍແຜ່ກ່ຽວກັບວຽກງານນຳໄຊ້ລະບົບບັນຊີ ແລະ ການອອກໃບເກັບເງິນອາກອນມູນຄ່າເພີ່ມຜ່ານໂປຼແກຼມຂອງບໍລິສັດ TSD ຈຳກັດ ຈາກຂະແໜງຄຸ້ມຄອງອາກອນມູນຄ່າເພີ່ມ ແລະຂະແໜງຄຸ້ມຄອງບັນຊີ,ພ້ອມນັ້ນຜູ້ແທນເຂົ້າຮ່ວມກອງປະຊຸມກໍ່ໄດ້ຜັດປ່ຽນກັນຂື້ນມີຄຳເຫັນແລກປ່ຽນເຊີ່ງກັນ ແລະ ກັນຢ່າງກົງໄປກົງມາ,ຈາກນັ້ນຄະນະປະທານກອງປະຊຸມກໍ່ໄດ້ມີຄຳເຫັນຊີ້ນຳຕື່ມອີກດ້ວຍ.

ພາບ-ຂ່າວ: ດາວເພັດ ແກ້ວປະເສິດ

Leave a Reply

Your email address will not be published.

You may have missed

ສະຫງວນລິຂະສິດ