ກອງປະຊຸມຜູ້ບໍລິຫານການສຶກສາ ປະຈໍາປີ 2022 ແລະ ກອງປະຊຸມຄູ ທົ່ວເມືອງວຽງຄຳ - Vieng Chanh News

Vieng Chanh News

ແຂວງວຽງຈັນອອນລາຍ

ກອງປະຊຸມຜູ້ບໍລິຫານການສຶກສາ ປະຈໍາປີ 2022 ແລະ ກອງປະຊຸມຄູ ທົ່ວເມືອງວຽງຄຳ

1 min read

ໃນວັນທີ 16 -17 ປີ 2022 ຜ່ານມານີ້ ຢູ່ທີ່ໂຮງຮຽນ ມສ ປາກແຈ້ງ ເມືອງວຽງຄໍາ ແຂວງວຽງຈັນ ໄດ້ຈັດກອງປະຊຸມຜູ້ບໍລິຫານການສຶກສາ ປະຈໍາປີ 2022 ແລະ ກອງປະຊຸມຄູ ທົ່ວເມືອງວຽງຄໍາ ຂື້ນ.

ໂດຍການເປັນປະທານຂອງທ່ານ ນາງ ຂັນຄຳ ສຸດຊະນະຫົງ ກຳມະການພັກເມືອງ ຫົວໜ້າຫ້ອງການ ສຶກສາທິການ ແລະ ກິລາ ເມືອງວຽງຄໍາ , ເຂົ້າຮ່ວມມີບັນດາຫົວໜ້າໜ່ວຍງານສືກສາທັງໃນ ແລະ ນອກລະບົບ, ມີຜູ້ບໍລິຫານການສຶກສາຊັ້ນປະຖົມ, ຊັ້ນອະນຸບານ ແລະ ຄູ-ອາຈານ ພາຍໃນເມືອງວຽງຄໍາເຂົ້າຮ່ວມ.

ໃນກອງປະຊຸມທ່ານ ນາງ ບຸນລັບ ພົມມະຈັນ ຮອງຫົວໜ້າຫ້ອງການສຶກສາທິການ ແລະ ກິລາເມືອງວຽງຄໍາໄດ້ຂຶ້ນຜ່ານບົດສະຫຼູບການຈັດຕັ້ງປະຕິບັດແຜນພັດທະນາວຽກງານການສຶກສາປະຈໍາສົກຮຽນ 2021-2022 ແລະ ທິດທາງແຜນການ 2022-2023 ໄດ້ໃຫ້ຮູ້ວ່າ: ພາຍໃນເມືອງວຽງຄໍາມີພະນັກງານຄູທັງພາກລັດ ແລະ ເອກະຊົນທັງໝົດ 408 ຄົນ, ຍິງ 302 ຄົນ ແລະ ມີນັກຮຽນນັບແຕ່ຊັ້ນອະນຸບານລຽ້ງເດັກ, ປະຖົມ, ມັດທະຍົມຕົ້ນ ແລະ ມັດທະຍົມຕອນປາຍ.

ທັງພາກລັດ – ເອກະຊົນມີທັງໝົດ 5.265 ຄົນ, ຍິງ 2.587 ຄົນ, ມີພະນັກງານບໍລິຫານ ແລະ ຄູພາກລັດທັງໝົດ 330 ຄົນ,ຍິງ 236 ຄົນ, ມີໂຮງຮຽນລ້ຽງເດັກ-ອະນຸບານທັງພາກລັດ-ເອກະຊົນ 10 ແຫ່ງ, ມີຫ້ອງຮຽນ 44 ຫ້ອງ, ມີນັກຮຽນທັງໝົດ 1.014 ຄົນ,ຍິງ 500 ຄົນ, ມີໂຮງຮຽນຊັ້ນປະຖົມທັງພາກລັດ-ເອກະຊົນ 14 ແຫ່ງ, ມີ 84 ຫ້ອງຮຽນ, ມີຄູທັງໝົດ 108 ຄົນ,ຍິງ 94 ຄົນ, ມີນັກຮຽນທັງໝົດ 1.741 ຄົນ,ຍິງ 836 ຄົນ, ອັດຕາຈົບຊັ້ນ ປໍ5 100%ເປີເຊັນ ທຽບໃສ່ແຜນປີຜ່ານມາແມ່ນຄົງທີ່.

ອັດຕາຄ້າງຫ້ອງຊັ້ນປະຖົມ 0,2 ເປີເຊັນ ທຽບໃສ່ແຜນປີຜ່ານມາເພີ່ມຂຶ້ນ 1,1 ເປີເຊັນ, ອັດຕາລອດເຫຼືອຊັ້ນປະຖົມ 89,9 ເປີເຊັນ ທຽບໃສ່ແຜນປີຜ່ານມາຫຼຸດ 5,1 ເປີເຊັນ, ຊັ້ນມັດທະຍົມຕົ້ນລວມ 5 ແຫ່ງ, ໃນນີ້ມີໂຮງຮຽນເອກະຊົນ 1 ແຫ່ງ,ມີຫ້ອງຮຽນ 39 ຫ້ອງ,ມີຄູສອນທັງໝົດ 85 ຄົນ, ຍິງ 63 ຄົນ, ມີນັກຮຽນທັງໝົດ 1.322 ຄົນ,ຍິງງ 650 ຄົນ, ອັດຕາເຂົ້າຮຽນລວມຊັ້ນມັດທະຍົມຕົ້ນ 102,7 ເປີເຊັນ.

ທຽບໃສ່ປີຜ່ານມາເພີ່ມຂື້ນ 11,7 ເປີເຊັນ, ອັດຕາເຂົ້າຮຽນສຸດທິໄດ້ 100 ເປີເຊັນ ທຽບໃສ່ປີຜ່ານມາເພີ່ມຂຶ້ນ 11,7 ເປີເຊັນ ອັດຕາເລື່ອນຊັ້ນ – ຈົບຊັ້ນ 97,3 ເປີເຊັນ ທຽບໃສ່ປີຜ່ານມາ ຫຼຸດ 2,2 ເປີເຊັນ, ອັດຕາຈົບຊັ້ນ ມໍ4 ໄດ້100 ເປີເຊັນ ອັດຕາລອດເຫຼືອ 90,9 ເປີເຊັນ ທຽບໃສ່ປີຜ່ານມາຫຼຸດລົງ 6,1 ເປີເຊັນ, ອັດຕາຄ້າງຫ້ອງ 0,4 ເປີເຊັນທຽບໃສ່ປີຜ່ານມາຄົງທີ່, ຊັ້ນມັດທະຍົມປາຍມີໂຮງຮຽນ 4 ແຫ່ງ, ມີຫ້ອງຮຽນ 38 ຫ້ອງ,ມີຄູສອນທັງໝົດ 82 ຄົນ,ຍິງ 49 ຄົນ,ມີນັກຮຽນທັງໝົດ 1.188 ຄົນ, ຍິງ 60 ຄົນ,ອັດຕາເຂົ້າຮຽນລວມຊັ້ນມໍປາຍ 121,2 ເປີເຊັນ ທຽບໃສ່ແຜນປີຜ່ານມາລື່ນ 13,2 ເປີເຊັນ ອັດຕາເຂົ້າຮຽນ 100 ເປີເຊັນ ອັດຕາເລື່ອນຂັ້ນ-ຈົບຊັ້ນ 96,3 ເປີເຊັນ.

ທຽບໃສ່ແຜນປີຫຼຸດ2,5ເປີເຊັນ,ອັດຕາຈົບຊັ້ນມໍ7 98,90 ເປີເຊັນ ທຽບໃສ່ແຜນປີ ຫຼຸດ 1,1 ເປີເຊັນ,ອັດຕາປະລະ 3,2 ເປີເຊັນ ທຽບໃສ່ແຜນປີເພີ່ມຂື້ນ 0,1 ເປີເຊັນ, ອັດຕາລອດເຫຼືອ 90,9 ເປີເຊັນທຽບໃສ່ແຜນປີຫຼຸດ 7,1 ເປີເຊັນ. ພ້ອມດຽວກັນນີ້ຜູ້ເຂົ້າຮ່ວມກອງປະຊຸມກໍ່ໄດ້ພ້ອມກັນປະກອບຄໍາຄິດ-ຄໍາເຫັນເພື່ອມີວິທີແກ້ໄຂບັນຫາຂໍ້ຄົງຄ້າງຜ່ານມາແນໃສ່ປັບປຸງແກ້ໄຂໃນສົກຮຽນປີຕໍ່ໄປໃຫ້ດີຂຶ້ນກວ່າເກົ່າ.
ໃນຕອນທ້າຍກອງປະຊຸມ ທ່ານ ນາງ ຂັນຄໍາ ສຸດຊະນະຫົງ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງວຽງຄໍາໄດ້ມີຄໍາເຫັນໂອ້ລົມ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຄູ-ອາຈານທີ່ໄດ້ພ້ອມກັນຈັດຕັ້ງປະຕິບັດເຮັດໃຫ້ທຸກວຽກງານໄດ້ບັນລຸຕາມຄາດໝາຍທີ່ວາງໄວ້.

ພ້ອມນີ້ທ່ານຍັງໄດ້ຊີ້ທິດເຍື້ອງທາງໃຫ້ຜູ້ບໍລິຫານການສຶກສາຕະຫຼອດເຖິງຄູ-ອາຈານພາຍໃນເມືອງວຽງຄໍາຈົ່ງພ້ອມກັນເອົາໃຈໃສ່ສືບຕໍ່ຈັດຕັ້ງປະຕິບັດ ສາມລັກສະນະຂອງຊາດ ແລະ ປະຕິບັດຕາມຫ້າຫຼັກມູນຂອງກະຊວງສຶກສາທິການ ແລະ ກິລາ ວາງອອກໃຫ້ບັນລຸໄດ້ຕາມຄາດໝາຍ ແລະ ພ້ອມກັນຍາດໄດ້ຜົນງານທີ່ຍິ່ງໃຫຍ່ກວ່າເກົ່າ.

ຂ່າວ:ທອງເວີນ ທໍາມະວົງ

Leave a Reply

Your email address will not be published.

ສະຫງວນລິຂະສິດ