ໂຮງໝໍນ້ອຍບ້ານນາເມືອງ ເມືອງເຟືອງ ແຂວງວຽງຈັນໄດ້ຮັບການຊ່ວຍເຫຼືອອຸປະກອນຕ່າງໆ - Vieng Chanh News

Vieng Chanh News

ແຂວງວຽງຈັນອອນລາຍ

ໂຮງໝໍນ້ອຍບ້ານນາເມືອງ ເມືອງເຟືອງ ແຂວງວຽງຈັນໄດ້ຮັບການຊ່ວຍເຫຼືອອຸປະກອນຕ່າງໆ

1 min read

ໂຮງໝໍນ້ອຍບ້ານນາເມືອງ ເມືອງເຟືອງ ແຂວງວຽງຈັນໄດ້ຮັບການຊ່ວຍເຫຼືອອຸປະກອນຕ່າງໆ.

ວັນທີ 26 ສິງຫາ 2022 ນີ້ ທ່ານ ຮສ ດຣ ພູທອນ ເມືອງປາກ ປະທານ ອົງການກາແດງແຫ່ງຊາດລາວ ຮ່ວມກັບ ທ່ານ ພູວົງ ພະມີສິດ ໄດ້ນຳພາທີມງານມູນນິທິຮ່ວມໃຈ ພັດທະນາ ພ້ອມກັນສ້າງກິດຈະກຳ ຮ່ວມແຮງ ຮ່ວມໃຈ  ຊ່ວຍເຫຼືອອຸປະກອນການແພດ ໃຫ້ແກ່ໂຮງໝໍນ້ອຍ ບ້ານນາເມືອງ ເມືອງເຟືອງ ແຂວງວຽງຈັນ.

ໂດຍມີ ທ່ານ ວຽງຊຳ ກ້ວາງມະນີວັນ ຫົວໜ້າຈຸດສຸມພັດທະນາຜາສັງ, ປະທານອົງການກາແດງແຂວງວຽງຈັນ ຫົວໜ້າຫ້ອງການ, ອົງການປົກຄອງບ້ານ ແລະພະນັກງານ ແພດ-ໝໍ ໄດ້ພ້ອມກັນເຂົ້າຮ່ວມ.

        ອຸປະກອນການແພດທີ່ທີມງານໄດ້ນຳມາມອບໃນຄັ້ງນີ້ປະກອບມີ: ຫົວເກ+ບັ້ງອົຊີ, ເຄື່ອກວດຫູ, ຫຼັກເຊຣອມ, ຕູ້ອຸ່ນເດັກ, ເຄື່ອງກວດທາດນ້ຳຕານ+ໄຂມັນ+ປະດົງຂໍ້, ອົກຊີແມັກ, ຊຸດເກີດລູກ, ຜ້າອັດປາກ, ສະເປເຫຼົ້າຂ້າເຊື້ອ ແລະອຸປະກອນອື່ນໆອີກ ມູນຄ່າທັງໝົດ 33.820.625 ກີບ.

       ທ່ານ ຮສ ດຣ ພູທອນ ເມືອງປາກ ຕາງໜ້າໃຫ້ແກ່ທີມງານ ໄດ້ຂື້ນກ່າວຈຸດປະສົງໃນການນຳເອົາອຸປະກອນລົງມາຊ່ວຍເຫຼືອໃນຄັ້ງນີ້ ເພຶ່ອເປັນການຕອບສະໜອງ ກັບຄວາມຮຽກຮ້ອງຕ້ອງການ ທາງດ້ານອຸປະກອນທີ່ຈຳເປັນ ເພຶ່ອມາບໍລິການຮັບໃຊ້ພໍ່ແມ່ປະຊາຊົນ ທັງສະແດງເຖິງນ້ຳໃຈສາມັກຄີ ຮັກແພງ ສະນັ້ນ ຈຶ່ງໄດ້ຄົ້ນຄ້ວາໃນໝູ່ຄະນະ ສົມທົມກັບມູນນິທິຮ່ວມໃຈພັດທະນາ ສະຫຼະທຶນຮອນ ຊື້ອຸປະກອນທັງໝົດມາຊ່ວຍເຫຼືອໂຮງໝໍນ້ອຍແຫ່ງນີ້.

     ທ່ານ ດຣ ທອງວັນ ພົງພັກດີ ຫົວໜ້າຫ້ອງການສາທາລະນະສຸກ ໄດ້ໃຫ້ກຽດຂື້ນກ່າວຮັບ ພ້ອມທັງສະແດງຄວາມຂອບໃຈ ເປັນຢ່າງສູງ ຕໍ່ບັນດາທານທີ່ມີສ່ວນຮ່ວມ ໃນການປະກອບສ່ວນ ເປັນອຸປະກອນຕ່າງໆ ນຳມາຊ່ວຍເຫຼືອຄັ້ງນີ້.ແລະໄດ້ມອບຕໍ່ໃຫ້ພະນັກງານແພດໝໍຢູ່ໂຮງໝໍນ້ອຍບ້ານນາເມືອງ ໄດ້ນຳໃຊ້ເຂົ້າໃນວຽກງານສາທາລະນະສຸກ ເພຶ່ອບໍລິການພໍ່ແມ່ປະຊາຊົນ ໃນເຂດປົກຄຸມດັ່ງກ່າວນີ້ ມີສຸຂະພາບທີ່ດີ ພ້ອມທັງຈະຄຸ້ມຄອງ ຮັກສາອຸປະກອນໃຫ້ຄຸ້ມຄ່າ ແລະໃຊ້ໄດ້ດົນ.

ໃນໂອກາດນີ້ ເພຶ່ອເປັນການສະແດງຄວາມຮູ້ບຸນຄຸນ ແລະຄຸນງາມຄວາມດີ ຈາກທີມງານມາຊ່ວຍເຫຼືອຄັ້ງນີ້ ອົງການປົກຄອງເຟືອງຈຶ່ງໄດ້ຕົກລົງມອບໃບຍ້ອງຍໍ 1 ໃບ ແລະໃບກຽດຕິຄຸນ 1 ໃບ ໃຫ້ແກ່ຄະນະທີມງານທີມງານ ທີ່ມາມອບເຄື່ອງໃນຄັ້ງນີ້ຢ່າງສົມກຽດ.

ຂ່າວ: ຄຳລຸນ ສົມວົງໄຊ.

Leave a Reply

Your email address will not be published.

You may have missed

ສະຫງວນລິຂະສິດ