ເມືອງວຽງຄໍາ ຈັດພິທີປາຖະກະຖາວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວຄົບຮອບ 20 ປີ - Vieng Chanh News

Vieng Chanh News

ແຂວງວຽງຈັນອອນລາຍ

ເມືອງວຽງຄໍາ ຈັດພິທີປາຖະກະຖາວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວຄົບຮອບ 20 ປີ

1 min read

ເມືອງວຽງຄໍາ ຈັດພິທີປາຖະກະຖາວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວຄົບຮອບ 20 ປີພິທີດັ່ງກ່າວໄດ້ຈັດຂຶ້ນໃນວັນທີ 15 ກັນຍາ 2022 ຢູ່ທີ່ ສະໂມສອນຂອງສໍານັກງານປົກຄອງເມືອງວຽງຄໍາ ໂດຍການໃຫ້ກຽດຂຶ້ນປາຖະກະຖາຂອງທ່ານ ພັທ ພົມມີ ຈັນປະສົງ ຮອງປະທານສະຫະພັນນັກຮົບເກົ່າແຂວງວຽງຈັນ ແລະ ທ່ານ ພັທ ແສງເພັດ ແສນທະລາ ປະທານສະຫະພັນນັກຮົບເກົ່າເມືອງວຽງຄໍາ, ເຂົ້າຮ່ວມຮັບຟັງໃນຄັ້ງນີ້ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ພະນັກງານ-ລັດຖະກອນ, ທະຫານ, ຕໍາຫຼວດ ແລະ ສະມາຊິກສະຫະພັນນັກຮົບເກົ່າບ້ານເຂົ້າຮ່ວມ.

ໃນພິທີທ່ານ ພັທ ພົມມີ ຈັນປະສົງ ຮອງປະທານສະຫະພັນນັກຮົບເກົ່າແຂວງວຽງຈັນ ໄດ້ປາຖະກະຖາວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 20 ປີ ເຊິ່ງທ່ານໄດ້ຍົກໃຫ້ເຫັນຄວາມໝາຍ ຄວາມສໍາຄັນຂອງນັກຮົບເກົ່າແຫ່ງຊາດລາວ, ສະຫະພັນນັກຮົບເກົ່າແຫ່ງຊາດລາວເປັນອົງການຈັດຕັ້ງທາງການເມືອງຂອງພັກ, ເຊິ່ງນອນຢູ່ໃນລະບົບການເມືອງແຫ່ງລະບອບໃໝ່ຂອງ ສປປລາວ ຖືກສ້າງຕັ້ງຂຶ້ນຕາມພາລະບົດບາດ ແລະຄວາມຮຽກຮ້ອງຕ້ອງການຂອງສັງຄົມໃນໄລຍະໃໝ່ ເພື່ອຄຸ້ມຄອງ, ດູແລເບິ່ງແຍງ, ສຶກສາອົບຮົມ ແລະ ເຕົ້າໂຮມຄວາມສາມັກຄີໃນຖັນແຖວພະນັກງານນັກຮົບເກົ່າທີ່ອອກພັກຜ່ອນບໍານານ ແລະ ເປັນພົນລະເມືອງດີ.

ສ້າງເສດຖະກິດຄອບຄົວຕາມລະບຽບກົດໝາຍຂອງລັດວາງອອກ, ສະຫະພັນນັກຮົບເກົ່າມູນເຊື້ອຜົນງານທີ່ພົ້ນເດັ່ນໃນຕະຫຼອດໄລຍະ 20 ປີໃຕ້ຮົ່ມທຸງຂອງພັກຄືປະຕິບັດບົດບາດສຶກສາອົບຮົມໃຫ້ສະມາ ຊິກນັກຮົບເກົ່າປັກປັກຮັກສາ, ເສີມຂະຫຍາຍທາດແທ້ມູນເຊື້ອປະຕິວັດ ແລະ ສຶກສາອົບຮົມຄົນຮຸ້ນໝຸ່ມ, ເປັນຕົວແທນແຫ່ງສິດ ແລະ ຜົນປະໂຫຍດອັນຊອບທໍາຂອງນັກຮົບເກົ່າຕາມແນວທາງ, ແຜນນະໂຍບາຍຂອງພັກ-ລັດ, ປຸກລະດົມຖັນແຖວສະຫະພັນນັກຮົບເກົ່າປະກອບສ່ວນເຂົ້າໃນການຄຸ້ມຄອງລັດ-ຄຸ້ມຄອງສັງຄົມ, ປຸກລະດົມຂະບວນການຮັກຊາດ ແລະ ພັດທະ ນາ ຕິດພັນກັບຂະບວນການແຂ່ງຂັນສ້າງບຸກຄົນ ແລະ ອົງການນັກຮົບເກົ່າ 3 ດີ 6 ຮັກສາ ແລະ ປົກປັກຮັກສາມູນເຊື້ອນັກຮົບເກົ່າໄວ້ຄຽງຄູ່ກັບການປະຕິວັດໃຫ້ນານແສນນານ.

ສໍາລັບທິດທາງໃນຕໍ່ໜ້າສືບຕໍ່ເສີມຂະຫຍາຍທາດແທ້ມູນເຊື້ອຂອງນັກຮົບເກົ່າເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ, ສືບຕໍ່ປຸກລະດົມຂົນຂວາຍເຕົ້າໂຮມຄວາມສາມັກຄີນັກຮົບເກົ່າ ແລະ ປະຊາຊົນບັນດາເຜົ່າຊ່ວຍເຫຼືອເຊິ່ງກັນ ແລະ ກັນ, ປະກອບສ່ວນເຂົ້າໃນການຄຸ້ມຄອງລັດ-ຄຸ້ມຄອງສັງຄົມ, ປົກປັກຮັກສາ ແລະ ພັດທະນາປະເທດຊາດ.

ເອົາໃຈໃສ່ຈັດຕັ້ງຜັນຂະຫຍາຍເນື້ອໃນບຸທະລຸທາງດ້ານການແກ້ໄຂຊີວິດການເປັນຢູ່, ຫຼຸດຜ່ອນຄວາມທຸກຍາກ, ປຸກລະດົມຖັນແຖວນັກຮົບເກົ່າເສີມຂະຫຍາຍມູນເຊື້ອເພີ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງລັດໃຫ້ບັນລຸໝາກຜົນຕົວຈິງ.

ສືບຕໍ່ຫັນລົງກໍ່ສ້າງຮາກຖານຢ່າງແຂງແຮງ, ເຊີດຊູຄວາມຮັບຜິດຊອບໃນການພັດທະນາສະຫະພັນນັກຮົບເກົ່າຕິດພັນກັບວຽກງານສາມສ້າງ, ພ້ອມກັນສ້າງຂະບວນການແຂ່ງຂັນຮັກຊາດ ແລະ ພັດທະນາ ໄປຄຽງຄູ່ກັບການປະຕິບັດ 7 ແຜນງານ, 31 ໂຄງການ, ເນື້ອໃນຂໍ້ແຂ່ງຂັນ 3 ດີ 6 ຮັກສາຂອງສະຫະພັນນັກຮົບເກົ່າວາງອອກແຕ່ນີ້ຮອດປີ 2025 ໃຫ້ປະກົດຜົນເປັນຈິງ. ຈາກນັ້ນທ່ານ ພັທ ແສງເພັດ ແສນທະລາ ປະທານສະຫະພັນນັກຮົບເກົ່າເມືອງວຽງຄໍາ ກໍ່ໄດ້ເລົ່າມູນເຊື້ອແຫ່ງການສ້າງຕັ້ງ ແລະ ເຕີບໃຫຍ່ຂະຫຍາຍຕົວຂອງສະຫະພັນນັກຮົບເກົ່າເມືອງວຽງຄໍາ ຄົບຮອບ 19 ປີ.

ເຊິ່ງທ່ານໃຫ້ຮູ້ວ່າ: ສະຫະພັນນັກຮົບເກົ່າເມືອງວຽງຄໍາໄດ້ຮັບການສ້າງຕັ້ງຂຶ້ນໃນວັນທີ 2 ກັນຍາ 2003 ມາຮອດປະຈຸບັນຄົບຮອບ 19 ປີ, ປະຈຸບັນມີຄະນະບໍລິຫານງານສະຫະພັນນັກຮົບເກົ່າ 10ສະຫາຍ, ສະຫາຍ, ຍິງ 01 ສະຫາຍ, ມີ 7 ໜ່ວຍ, ມີສະມາຊິກທັງໝົດ 217 ສະຫາຍ, ຍິງ 98 ສະຫາຍ, ທະຫານ 187 ສະຫາຍ, ຕໍາຫຼວດ 30 ສະຫາຍ, ບໍານານ 123 ສະຫາຍ, ອຸດໜູນ 62 ສະຫາຍ, ເສຍອົງຄະ 32 ສະຫາຍ. ພາຍຫຼັງທີ່ສໍາເລັດການປາຖະກະຖາ ໃນພິທີກໍ່ໄດ້ມອບຂອງຂັວນເພື່ອອວຍ ພອນສະຫະພັນນັກຮົບເກົ່າອີກດ້ວຍ.

ພາບ+ຂ່າວ: ທອງເວີນ ທໍາມະວົງ

Leave a Reply

Your email address will not be published.

You may have missed

ສະຫງວນລິຂະສິດ