ຜົນສຳເລັດຂອງກອງປະຊຸມໃຫຍ່ຄັ້ງທີ VIII ຂອງຄະນະຊາວໝຸ່ມບ້ານ ໂພນທອນ ເມືອງເຟືອງ ແຂວງວຽງຈັນ. - Vieng Chanh News

Vieng Chanh News

ແຂວງວຽງຈັນອອນລາຍ

ຜົນສຳເລັດຂອງກອງປະຊຸມໃຫຍ່ຄັ້ງທີ VIII ຂອງຄະນະຊາວໝຸ່ມບ້ານ ໂພນທອນ ເມືອງເຟືອງ ແຂວງວຽງຈັນ.

1 min read

ວັນທີ 13 ກັນຍາ 2022 ຢູ່ທີ່ສະໂມສອນບ້ານໂພນທອນ, ໄດ້ເປິດກອງປະຊຸມໃຫຍ່ຄັ້ງທີ VIII ຂອງຄະນະຊາວໜຸ່ມໜ່ວຍ ຮາກຖານບ້ານໂພນທອນ.

ໂດຍການເປັນປະທານຂອງ ສະຫາຍ ສອນຕຸ້ຍ ຈັນທະວົງ ຄະນະບໍລະຫານງານ ເລຂາຊາວໜຸ່ມໜ່ວຍ , ເຂົ້າຮ່ວມໂດຍ ສະຫາຍ ພອນສັກ ສີສົງຄາມ ຮອງເລຂາຄະນະບໍລິຫານງານຊາວໜຸ່ມເມືອງ , ມີຄະນະບໍລິຫານງານ, ເລຂາຊາວໜຸ່ມອ້ອມຂ້າງ 12 ບ້ານໄດ້ພ້ອມກັນເຂົ້າຮ່ວມຢ່າງພ້ອມພຽງ.


ສະຫາຍ ສອນຕຸ້ຍ ຈັນທະວົງ ຄະນະບໍລະຫານງານ ເລຂາຊາວໜຸ່ມໜ່ວຍ , ຂຶ້ນຜ່ານບົດສະຫຼຸບການເຄື່ອນໄຫວວຽກງານຂອງຄະນະຊາວໜຸ່ມໜ່ວຍຮາກຖານບ້ານ ໂພນທອນ ໄລຍະ 5 ປີ 2018-2022 ແລະ ທິດທາງແຜນການເຄື່ອນໄຫວວຽກງານ 5 ປີ.

ເຊິ່ງໄດ້ຍົກໃຫ້ເຫັນຜົນງານອັນພົ້ນເດັ່ນທີ່ຄະນະຊາວໜຸ່ມ ໄດ້ເອົາໃຈໃສ່ຊີ້ນຳໆພາສະມາຊິກເຄື່ອນໄຫວຕາມສິດ, ໜ້າທີ່, ພາລະບົດບາດ ປະຕິບັດກົດລະບຽບຂອງຊາວໜຸ່ມປະຊາຊົນປະຕິວັດລາວວາງອອກ, ເຄົາລົບນັບຖືລະບຽບກົດໝາຍຂອງບ້ານເມືອງ, ນັບຖືຮີດຄອງປະເພນີອັນດີງາມຂອງຊາດ, ສ້າງຂະບວນການນຳພາກັນອອກແຮງງານ.

ສົ່ງເສີມການຫຼີ້ນກິລາເພຶ່ອຫ່າງໄກຢາເສບຕິດ, ຕັ້ງໜ້າປະກອບສ່ວນເຂົ້າໃນວຽກງານການຈັດຕັ້ງຂັ້ນບ້ານ, ວຽກງານປ້ອງກັນຊາດ-ປ້ອງກັັນຄວາມສະຫງົບ, ຊຸກຍູ້ສົ່ງເສີມໃຫ້ສະມາຊິກຊາວໜຸ່ມ-ໄວໜຸ່ມ ເປັນຄົນດຸຫມັ່ນ ຂະຫຍັນພຽນ ສ້າງເສດຖະກິດ ຄອບຄົວ ປູກຝັງ -ລ້ຽງສັດ ມີຫຼາຍຄອບຄົວຊາວໜຸ່ມສາມາດເປັນຄອບຄົວຕົວແບບ ສາມາດພົ້ນທຸກ ເຮັດໃຫ້ຊີວິດການເປັນຢູ່ນັບມື້ດີຂື້ນ. ພ້ອມນີ້ກໍ່ໄດ້ນຳພາສະມາຊິກປະຕິບັດຂໍ້ແຂ່ງຂັນ 4 ບຸກ ຢ່າງຕໍ່ເນື່ອງ ສາມາດປະກາດຮັບຮອງເປັນໜ່ວຍຊາວໜຸ່ມ 4 ບຸກໄດ້ຮອບທີ III ສຳເລັດ.


ກອງປະຊຸມໃຫຍ່ຄັ້ງທີ VIII ຂອງຊາວໜຸ່ມບ້ານໂພນທອນຄັ້ງນີ້ ສະມາຊິກຊາວໜຸ່ມໄດ້ໃຊ້ສິດປະຊາທິປະໄຕປ່ອນບັດ ຄັດເລືອກເອົາຄະນະຊຸດໃໝ່ ເຊິ່ງເປັນເອກະພາບ ເລືອກເອົາ ສະຫາຍ ບຸນຈັນ ດວງມາລາ ເປັນເລຂາ, ສະຫາຍ ຄຳຮູ້ ພົມມະຈັນ ເປັນຮອງ ທັງເປັນຜູ້ກວດກາ ແລະເລືອກເອົາ ສະຫາຍ ອະນຸສິດ ນ້ອຍ ເທບອຳນວຍ ເປັນຄະນະ ເພຶ່ອສືບຕໍ່ນຳພາສະມາຊິກພາຍໃນໜ່ວຍ ເຄື່ອນໄຫວຕາມພາລະບົດບາດ, ສິດໜ້າທີ່ຕາມກົດລະບຽບຂອງຊາວໜຸ່ມ ແລະທິດທາງແຜນການທີ່ກຳນົດໃຫ້ປະກົດຜົນເປັນຈິງ.

ຂ່າວ: ເມືອງເຟືອງ

Leave a Reply

Your email address will not be published.

You may have missed

ສະຫງວນລິຂະສິດ