ເລຂາພັກບ້ານນາຍບ້ານ-ບ້ານນ້ຳເລົ້າ ລາຍງານສະພາບການຂອງບ້ານຕົນໃນໂອກາດ ສສຊ ແລະ ສສຂ ລົງເຮັດວຽກ. - Vieng Chanh News

Vieng Chanh News

ແຂວງວຽງຈັນອອນລາຍ

ເລຂາພັກບ້ານນາຍບ້ານ-ບ້ານນ້ຳເລົ້າ ລາຍງານສະພາບການຂອງບ້ານຕົນໃນໂອກາດ ສສຊ ແລະ ສສຂ ລົງເຮັດວຽກ.

1 min read

ໃນໂອກາດ ທ່ານ ບຸນສອນ ເພັດລາວັນ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 10 ແຂວງວຽງຈັນ ທັງເປັນປະທານສະພາປະຊາຊົນແຂວງວຽງຈັນ ແລະ ທ່ານ ບົວແກ້ວ ພອນໄຊສະຫວັດ ສະມາຊິກສະພາ ແຂວງວຽງຈັນ ປະຈຳເຂດເລືອກຕັ້ງ ເມືອງໝື່ນ ລົງເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ່ 3 ຂອງ ສສຊ ຊຸດທີ IX ແລະ ສສຂ ຊຸດທີ II ໃນຕ້ນເຊົ້າຂອງວັນທີ່ 16 ກັນຍາ 2022 ຢູ່ທີ່ຫ້ອງການບ້ານ-ບ້ານນ້ຳເລົ້າ.


ທ່ານ ຫວັງຜ່າມົວ ເລຂາພັກບ້ານ,ນາຍບ້ານ-ບ້ານນ້ຳເລົ້າໃຫ້ຮູ້ວ່າ: ບ້ານນ້ຳເລົ້າເປັນບ້ານໜຶ່ງໃນ 5 ບ້ານຂອງກຸ່ມບ້ານເມືອງໝື່ນເຊິ່ງຕັ້ງຢູ່ລະຫວ່າງກາງຂອງບ້ານນາຕາດ ແລະ ບ້ານນາໝໍ້, ມີທັງໝົດ 24 ໜ່ວຍສາມັກຄີ, ປະກອບມີ 3 ຊົນເຜົ່າຄື: ເຜົ່າລາວລຸ່ມ, ເຜົ່າກືມມຸ ແລະ ເຜົ່າມົ້ງ, ມີທັງໝົດ 339 ຄອບຄົວ.

ໃນນີ້ມີຄອບຄົວທຸກຍາກ 1 ຄອບຄົວ, ບ້ານນ້ຳເລົ້າມີປະຊາກອນທັງໝົດ 2.579 ຄົນ,ຍິງ 1.299 ຄົນ, ປະຊາຊົນບ້ານນ້ຳເລົ້າມີອາຊິບເປັນຊາວກະສິກອນເປັນຫຼັກ, ໂດຍຖືເອົາການປູກຝັງ, ລ້ຽງສັດເປັນຕົ້ນຕໍ. ໄລຍະຜ່ານມາຜົນງານທີ່ບ້ານນ້ຳເລົ້າປະຕິບັດຄື: ສ້າງຫ້ອງການບ້ານໄດ້ 1 ຫຼັງມູນຄ່າປະມານ 209 ລ້ານກີບ, ສ້າງກຳແພງອ້ອມໂຮງຮຽນປະຖົມບ້ານນ້ຳເລົ້າ ໄລຍະ 247 ແມັດ ມູນຄ່າປະມານ 72 ລ້ານກີບ, ສ້າງຫໍພັກຄູໄດ້ 1 ຫຼັງ ມູນຄ່າປະມານ 10 ກ່ວາລ້ານກີບ ແລະ ກິດຈະກຳອື່ນໆອິກ ລວມທັງໝົດມູນຄ່າປະມານ 400 ກວ່າລ້ານກີບ.


ໂອກາດນີ້ ທ່ານ ເລຂາພັກບ້ານ, ນາຍບ້ານ-ບ້ານນ້ຳເລົ້າຍັງໄດ້ຮຽນສະເໜີມາຍັງທ່ານ ປະທານສະພາປະຊາຊົນແຂວງວຽງຈັນ ເພື່ອສະເໜີຂັ້ນເທິງໃຫ້ສະໜອງງົບປະມານເພີ່ມຕື່ມ ເພື່ອປະກອບໃນການຂະຫຍາຍ ທາງຮ່ອມ-ທາງຊອຍ ແລະ ຂະຫຍາຍລະບົບໄຟຟ້າໃຫ້ພໍ່ແມ່ປະຊາຊົນພາຍໃນບ້ານນ້ຳເລົ້າໄດ້ຊົມໃຊ້ຢ່າງທົ່ວເຖິງ.

ຂ່າວ,ພາບ: ຄຳເພັດ.

Leave a Reply

Your email address will not be published.

You may have missed

ສະຫງວນລິຂະສິດ