ເມືອງແມດເຜີຍແຜ່ນິຕິກຳວຽກງານຄຸ້ມຄອງພົນລະເມືອງ - Vieng Chanh News

Vieng Chanh News

ແຂວງວຽງຈັນອອນລາຍ

ເມືອງແມດເຜີຍແຜ່ນິຕິກຳວຽກງານຄຸ້ມຄອງພົນລະເມືອງ

1 min read

ໃນວັນທີ່ 15 ກັນຍາ 2022 ຜ່ານມານີ້, ຢູ່ທີ່ສະໂມສອນຂອງເມືອງແມດ ແຂວງວຽງຈັນ, ໄດ້ຈັດກອງປະຊຸມເຜີຍແຜ່ນິຕິກຳກ່ຽວກັບວຽກງານຄຸ້ມຄອງພົນລະເມືອງໃຫ້ແກ່ພະນັກງານຂະແໜງພາຍໃນ ແລະ ການຈັດຕັ້ງຂັ້ນເມືອງ.

ໂດຍເປັນປະທານຂອງທ່ານ ຄຳຫຼ້າ ແສງວົງ ຮັກສາການຫົວໜ້າພະແນກພາຍໃນແຂວງວຽງຈັນ, ທ່ານ ທອງຫວັນ ມຸງຄຸນວີໄລ ກຳມະການພັກເມືອງ ຮອງເຈົ້າເມືອງໆແມດ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການອ້ອມຂ້າງເມືອງເຂົ້າຮ່ວມ, ກອງປະຊຸມໃນຄັ້ງນີ້ທ່ານ ຄຳຫຼ້າ ແສງວົງ ຮັກສາການຫົວໜ້າໜ້າພະແນກພາຍໃນແຂວງວຽງຈັນ.

ກໍ່ໄດ້ຂື້ນຜ່ານບົດສະເໜີກ່ຽວກັບກົດໝາຍວ່າດ້ວຍທະບຽນຄອບຄົວສະບັບປັງປຸງປີ 2018, ກົດໝາຍສະບັບປັບປຸງໃໝ່ປະກອບມີທັງໝົດ VIII ພາກ, 8 ໝວດ ແລະ 70 ມາດຕາ, ມີບົດສະເໜີຄຳແນະນຳກ່ຽວກັບການຈັດຕັ້ງປະຕິບັດກົດໝາຍວ່າດ້ວຍທະບຽນຄອບຄົວທີ່ຢູ່ໃນຄວາມຮັບຜິດຊອບຂອງຂະແໜງການພາຍໃນ, ຄຳແນະນຳປະກອບມີທັງໝົດ 4 ພາກໃຫຍ່ຄຶ:

ຈຸດປະສົງ, ການຈົດທະບຽນຄອບຄົວທີ່ຢູ່ໃນຄວາມຮັບຜິດຊອບຂອງຂະແໜງພາຍໃນ, ຖານຂໍ້ມູນທະບຽນຄອບຄົວ ແລະ ການຈັດຕັ້ງປະຕິບັດ, ພ້ອມນີ້ຜູ້ເຂົ້າຮ່ວມກອງປະຊຸມຍັງໄດ້ມີການສົນທະນາຖາມບັນຫາໃດທີ່ບໍ່ທັນຈະແຈ້ງ ແລະ ເຂົ້າໃຈ, ພ້ອມນັ້ນທ່ານ ຄຳຫຼ້າ ແສງວົງ ຮັກສາການຫົສໜ້າພະແນກພາຍໃນແຂວງກໍ່ໄດ້ໃຫ້ຄຳອະທິບາຍ ແລະ ຊີ້ແຈງຕື່ມ ເພື່ອໃຫ້ຜູ້ເຂົ້າຮ່ວມກອງປະຊຸມເຂົ້າໃຈຢ່າງຈະແຈ້ງຂື້ນຕື່ມອີກ.

ຂ່າວ: ບຸນລ້ອມ

Leave a Reply

Your email address will not be published.

ສະຫງວນລິຂະສິດ