ສສຊ ແລະ ສສຂ ໄດ້ພົບປະລົງຢ້ຽມຢາມໂຮງງານພະລິດແປ້ງມັນຕົ້ນຢູ່ບ້ານ ນ້ຳແພດເມືອງໝື່ນແຂວງວຽງຈັນ - Vieng Chanh News

Vieng Chanh News

ແຂວງວຽງຈັນອອນລາຍ

ສສຊ ແລະ ສສຂ ໄດ້ພົບປະລົງຢ້ຽມຢາມໂຮງງານພະລິດແປ້ງມັນຕົ້ນຢູ່ບ້ານ ນ້ຳແພດເມືອງໝື່ນແຂວງວຽງຈັນ

1 min read

ວັນທີ 16 ກັນຍາ 2022 ນີ້ ທ່ານ ບຸນສອນ ເພັດລາວັນ ສະມາຊິກສະພາແຫ່ງຊາດ ປະຈຳເຂັດເລືອກຕັ້ງທີ 10 ແຂວງວຽງຈັນ ທັງເປັນ ປະທານສະພາປະຊາຊົນ ແຂວງວຽງຈັນ ແລະ ທ່ານ ບົວແກ້ວ ພອນໄຊສະຫວັດ ສະມາຊິກສະພາປະຊາຊົນແຂວງວຽງຈັນ ປະຈຳເຂດເລືອກຕັ້ງເມືອງໝື່ນ ໄດ້ລົງພົບປະຢ້ຽມຢາມໂຮງງານພະລິດແປ້ງມັນຕົ້ນ ຢູ່ບ້ານນ້ຳແພດເມືອງໝື່ນແຂວງວຽງຈັັນໂດຍການນຳພາຂອງ ທ່ານ ສຸພິດ ອີນທະໂພທອງ ຫົວໜ້າກຸຸ່ມບ້ານເມືອງໝື່ນ ແລະ ຕ້ອນຮັບຂອງທ່ານ ຫງຽນກົງດຶກ ເຈົ້າຂອງໂຮງງານພະລິດແປ້ງມັນຕົ້ນ.


ທ່ານ ຫງຽນກົງດຶກ ເຈົ້າຂອງໂຮງງານພະລິດແປ້ງມັນຕົ້ນ ໄດ້ລາຍງານສະພາບເຄື່ອນໄຫວຂອງໂຮງງານໃນໄລຍະ 1 ປີຜ່ານມາເຊິ່ງໄດ້ຮູວ່າ: ໃນໄລຍະ 1 ປີຜ່ານທາງໂຮງງານໄດຈັດຊື້ມັນຕົ້ນດີບຈາກພໍ່ແມ່ນປະຊາຊົນຊາວເມືອງໝື່ນ, ຊື້ຈາກປະຊາຊົນເມືອງເຟືອງເມືອງຊະນຄາມ ແລະ ພາກສ່ວນອື່ນອິກ.

ລວມທັງໝົດ1 ປີຜ່ານມາສາມາດຮັບຊື້ໄດ້ທັງໝົດ 24.600 ໂຕນລວມມູນຄ່າປະມານ 49 ຕື້ກວ່າກີບ, ສຳລັບຜົນປະລິດແມ່ນ ປີຜ່ານມາທາງໂຮງງານພະລິດໄດ້ປະມານ 18.000 ໂຕນ, ໄດ້ຈັດສົ່ງຂາຍທັງພາຍໃນ ແລະ ຕ່າງປະເທດ ແລະ ໄດ້ວາງແຜນວ່າປີຕໍ່ໜ້ານີ້ຈະຮັບຊື້ມັນຕົ້ນດີບໃຫ້ໄດ້ທັງໝົດ 26 ຫາ 30 ພັນໂຕນໃຫ້ຕອບສະໜອງແກ່ການພະລິດແປ້ງມັນຕົ້ນໃຫ້ໄດ້ 22 ຫາ 25 ພັນໂຕນຕໍ່ປີ.


ທ່ານ ຫງຽນກົງດຶກ ເຈົ້າຂອງໂຮງງານພະລິດແປ້ງມັນຕົ້ນຍັງໄດ້ຮູ້ຕື່ມອິກວ່າ ປັດຈຸບັນທັງບໍລິສັດມີພະນັກງານປະຈຳຢູ່ໂຮງງານທັງໝົດ 78 ຄົນ, ພະນັກງານລາຍວັນ 42 ຄົນ ລວມທັງໝົດ 120 ຄົນ, ນະໂຍບາຍເງິນເດືອນໃຫ້ແກ່ພະນັກງານປະຈຳຕ່ຳສຸດ 2,200,000ກີບຕໍ່ຄົນຕໍ່ເດືອນ, ສູງສຸດ 8 ລ້ານກວ່າກີບຕໍ່ຄົນຕໍ່ເດືອນ, ພະນັກງານລາຍວັນແມ່ນ 70 ພັນກີບຕໍ່ວັນ. ພ້ອມວາງແຜນໄວ້ວ່າຕໍ່ໜ້າລະດຸເກັບມັນຕົ້ນດີບໂຮງງານຍັງຈະຕ້ອງການພະນັກງານທີ່ຢູ່ໃນພື້ນທີ່ຂອບເຂດເມືອງໝື່ນຕື່ມອິກ.

ຂ່າວ,ພາບ: ຄຳເພັດ

Leave a Reply

Your email address will not be published.

ສະຫງວນລິຂະສິດ