ສສຊ ແລະ ສສຂ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 03 ຂອງສະພາແຫ່ງຊາດຊຸດທີ IX ແລະຜົນສຳເລັດ ກອງປະຊຸມສະພາປະຊາຊົນແຂວງ ຊຸດທີ II - Vieng Chanh News

Vieng Chanh News

ແຂວງວຽງຈັນອອນລາຍ

ສສຊ ແລະ ສສຂ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 03 ຂອງສະພາແຫ່ງຊາດຊຸດທີ IX ແລະຜົນສຳເລັດ ກອງປະຊຸມສະພາປະຊາຊົນແຂວງ ຊຸດທີ II

1 min read

ວັນທີ 19 ກັນຍາ 2022 ຢູ່ທີ່ຫ້ອງປະຊຸມ ຂອງເມືອງຊະນະຄາມ ແຂວງວຽງຈັນ ສສຊ ແລະ ສສຂ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 03 ຂອງສະພາແຫ່ງຊາດຊຸດທີ IX ແລະຜົນສຳເລັດ ກອງປະຊຸມສະພາປະຊາຊົນແຂວງ ຊຸດທີ II.

ໂດຍການໃຫ້ກຽດເປັນປະທານ ຂອງທ່ານ ບຸນສອນ ເພັດລາວັນ ປະທານສະພາປະຊາຊົນແຂວງ ສະມາຊິກສະພາແຫ່ງຊາດເຂດເລືອກຕັ້ງທີ 10 ປະຈຳແຂວງວຽງຈັນ, ທ່ານ ສະໝານ ວິເສດຍະພົງ ກຳມະການພັກແຂວງ ເລຂາພັກເມືອງ ເຈົ້າເມືອງໆ ຊະນະຄາມ, ມີ ທ່ານ ດອນ ລາດສະວົງ ຮອງເລຂາພັກເມືອງ ປະທານກວດກາພັກ-ລັດ ສະມາຊິກສາພາປະຊາຊົນ ແຂວງວຽຈັນ ປະຈຳເມືອງຊະນະຄາມ. ມີຄະນະປະຈຳພັກເມືອງ ກຳມະການພັກເມືອງ ຫົວໜ້າຫ້ອງການ ພະນັກອ້ອມຂ້າງເມືອງງກໍ່ເປັນກຽດເຂົ້າຮ່ວມ ຢ່າງພ້ອມພຽງ.

ໃນກອງປະຊຸມໄດ້ຮັບຟັງການລາຍງານຜົນສໍາເລັດ ກອງປະຊຸມສະໄໝສາມັນ ເທື່ອທີ 03 ຂອງສະພາແຫ່ງຊາດຊຸດທີ IX ກອງປະຊຸມດັ່ງກ່າວ ໄດ້ພິຈາລະນາຮັບຮອງ ເອົາ 09 ບັນຫາໃຫຍ່ ໂດຍໄດ້ຮັບຮອງເອົາແຜນພັດທະນາເສດຖະກິດ-ສັງຄົງແຫ່ງຊາດ 06 ເດືອນຕົ້ນປີ ແລະທິດທາງແຜນການ 06 ທ້າຍປີ 202, ຮັບຮອງເອົາບົດລາຍງານ ຂອງລັດຖະບານ ການປະຕິບັດແຜນງົບປະມານ ແຫ່ງລັດ, ຮັບຮອງເອົາການປະເມີນການຈັດຕັ້ງປະຕິບັດກົດໝາຍ 04 ສະບັບ, ບົດລາຍງານການປະຕິຮູບລັດວິສະຫະກິດໄລຍະຜ່ານມາ, ແຕ່ງຕັ້ງໂຍກຍ້າຍສະມາຊິກລັດຖະບານ 04 ທ່ານ, ແຕ່ງຕັ້ງ ຮອງນາຍົກລັດຖະມົນຕີ 02 ທ່ານ, ຮັບຮອງວຽກງານການສ້າງ ແລະປັບປຸງ ກົດໝາຍ 09 ສະບັບ.

ພ້ອມກັນນີ້ໃນກອງປະຊຸມຍັງໄດ້ຮັບຟັງການລາຍງານຜົນສໍາເລັດ ກອງປະຊຸມສະພາປະຊາຊົນແຂວງ ຊຸດທີ II ຈາກສະມາຊິກສະພາປະຊາຊົນແຂວງ ປະຈໍາເມືອງຊະນະຄາມ ເຊິງກອງປະຊຸມໄດ້ຮັບຟັງຄວາມຄືບໜ້າການປະຕິບັດວາລະແຫ່ງຊາດ 06 ເດືອນຕົ້ນປີ 2022.

ຂອງແຂວງ, ຮັບຟັງການລາຍງານຈາກພະແນກອຸດສະຫະກຳ ແລະການຄ້າກ່ຽວກັບການຄຸ້ມຄອງລາຄາສິນຄ້າ ຂອງລັດ, ຮັບຟັງການລາຍງານ ການແກ້ໄຂບັນຫາຢາເສບຕິດຢູ່ແຂວງວຽງຈັນ ແລະສະພາບທີ່ພົ້ນເດັ່ນ ຂອງວຽກງານໄອຍະການປະຊາຊົນແຂວງ, ວຽກງານສານປະຊາຊົນແຂວງ ແລະວຽກງານອື່ນໆ ທີ່ຈະຕ້ອງໄດ້ຮັບການແກ້ໄຂໃນຕໍ່ໜ້າ.

   ພາບ-ຂ່າວ ເມືອງຊະນະຄາມ

Leave a Reply

Your email address will not be published.

ສະຫງວນລິຂະສິດ