Vieng Chanh News

ແຂວງວຽງຈັນອອນລາຍ

6 ໜ່ວຍພັກ ເລື່ອນສະມາຊິກພັກສໍາຮອງຂຶ້ນສົມບູນ

1 min read

ໂດຍປະຕິບັດຕາມກົດລະບຽບຂອງ ພັກປະຊາຊົນປະຕິວັດລາວ, ໃນວັນທີ 22 ມັງກອນ 2021ນີ້, ຢູ່ທີ່ຫ້ອງປະຊຸມຂອງ ຫ້ອງການສາທາລະນະສຸກ ເມືອງກາສີ ແຂວງວຽງຈັນ ໄດ້ຈັດພິທີເລື່ອນສະມາຊິກພັກສຳຮອງຂຶ້ນສົມບູນ ຂຶ້ນຢ່າງເປັນທາງການ.

ໂດຍການເປັນປະທານຂອງສະຫາຍ ດຣ ຄຳສິງ ດວງປັນຍາ ກຳມະການພັກເມືອງ ເລຂາຄະນະພັກຮາກຖານຫ້ອງການສາທາລະນະສຸກເມືອງກາສີ, ເປັນກຽດເຂົ້າຮ່ວມມີ ສະຫາຍ ອຳໄພ ໂສລັດຕະນະວົງ ຮອງເລຂາພັກເມືອງ, ມີບັນດາສະຫາຍເລຂາໜ່ວຍພັກ, ສະມາຊິກພັກ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.


ໃນພິທີ ສະຫາຍ ຄຳນ້ອຍ ອິນທະມາລີ ຕາງໜ້າໃຫ້ຄະນະຈັດຕັ້ງເມືອງກາສີ ຂຶ້ນຜ່ານມະຕິຕົກລົງຂອງຄະນະປະຈຳພັກເມືອງກາສີ ວ່າດ້ວຍ: ການເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ ຈຳນວນ 14 ສະຫາຍ ຄື: ຄະນະພັກຮາກຖານສາທາລະນະສຸກເມືອງ ຈຳນວນ 6 ສ/ຫ; ຄະນະພັກຫ້ອງການສຶກສາທິການ ແລະ ກິລາເມືອງ ຈໍານວນ 2 ສ/ຫ; ໜ່ວຍພັກຫ້ອງວ່າການ ຈຳນວນ 2 ສ/ຫ; ໜ່ວຍພັກ ໂຮງຮຽນປະຖົມ ວຽງແກ້ວ ຈຳນວນ 2 ສ/ຫ; ໜ່ວຍພັກຫ້ອງການໆເງີນ ຈຳນວນ 1 ສ/ຫ ແລະ ໜ່ວຍພັກຫ້ອງການແຜນການ ແລະ ການລົງທຶນ ຈຳນວນ 1 ສ/ຫ. ຫຼັງຈາກນັ້ນ ສ/ຫ ດຣ ຄຳສິງ ດວງປັນຍາ ເລຂາຄະນະພັກຮາກຖານຫ້ອງການສາທາລະນະສຸກເມືອງ ໄດ້ຕາງໜ້າໃຫ້ທັງ 6 ໜ່ວຍພັກ ຂື້ນຈັບມືຮັບຮອງເອົາສະມາຊິກພັກ ທັງ 14 ສ/ຫ. ໃນຕອນທ້າຍພິທີ ສ/ຫ ອຳໄພ ໂສລັດຕະນະວົງ ຮອງເລຂາພັກເມືອງ ຍັງໂອ້ລົມຕໍ່ພິທີ ເຊີ່ງກ່ອນອື່ນສະຫາຍໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ບັນດາສະຫາຍທີ່ຍາດໄດ້ຜົນງານໃນໄລຍະຜ່ານມາ ເວົ້າລວມ ເວົ້າສະເພາະກໍ່ແມ່ນບັນດາສະມາຊິກພັກສຳຮອງ ທີ່ຕັ້ງໜ້າຝຶກຝົນຫຼໍ່ຫຼອມຕົນເອງ ເຮັດໃຫ້ການຈັດຕັ້ງໃວ້ວາງໃຈ ແລະ ເຊື່ອໝັ້ນ ຈົນສາມາດກາຍເປັນສະມາຊິກພັກສົມບູນໃນມື້ນີ້, ພ້ອມນັ້ນ, ສະຫາຍຮອງເລຂາພັກເມືອງ ຍັງໄດ້ເໜັ້ນໃຫ້ສະມາຊິກພັກແຕ່ລະສະຫາຍ ຈົ່ງພ້ອມກັນຕັ້ງໜ້າສຶກສາຄົ້ນຄວ້າ ກຳໃຫ້ໄດ້ກົດລະບຽບຂອງພັກປະຊາຊົນປະຕິວັດລາວ ເປັນຕົ້ນແມ່ນ ສິດ ແລະ ໜ້າທີ່ ກໍຄືຂໍ້ຫ້າມຂອງສະມາຊິກພັກ, ຕ້ອງສືບຕໍ່ຝຶກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກຜູ່ທີ່ດີເດັ່ນ ແລະ ເປັແບບຢ່າງນຳໜ້າ ໃຫ້ແກ່ສະມາຊິກພັກ, ພະນັກງານ ຕະຫຼອດຮອດປະຊາຊົນບັນດາເຜົ່າ; ພ້ອມກັນຕັ້ງໜ້າສຶກສາຄົ້ນຄວ້າ ຮ່ຳຮຽນ ທິດສະດີມາກ-ເລນິນ ຕິດພັນກັບແນວຄິດປະທານ ໄກສອນ ພົມວິຫານ ໃຫ້ນັບມື້ນັບເລິກເຊີ່ງ; ດ້ານຄະນະພັກແຕ່ລະໜ່ວຍ ຕ້ອງເອົາໃຈໃສ່ສືບເພີ່ມທະວີຕື່ມ ໃນການຮ່ວມຊິວິດສ່ອງແສງລາຍງານປະຈຳເດືອນ ໂດຍຖືເອົາວັນທີ 22 ຂອງທຸກໆເດືອນ ເປັນມື້ຮ່ວມຊິວິດພັກ ເພື່ອສ້າງຄວາມເປັນເອກະພາບໃນການປະຕິບັດໜ້າທີ່ວຽກງານ ພ້ອມທັງ ເປັນການກໍ່ສ້າງຊ່ວຍເຫຼືອເຊີ່ງກັນ ແລະກັນ. ພ້ອມນັ້ນການປະຕິບັດໜ້າທີ່ວຽກງານ ຕ້ອງປະຕິບັດຕາມຫຼັກການລວມສູນປະຊາທິປະໄຕ ເປັນໜູ່ຄະນະ ແບ່ງວຽກໃຫ້ບຸກຄົນຮັບຜິດຊອບ.

ນອກນີ້ ສະຫາຍຮອງເລຂນຍັງໄດ້ໃຫ້ກຽດເຜີຍແຜ່ເອກະສານ ກ່ຽວກັບ ຄຸນທາດການເມືອງ ແລະ ຄຸນສົມບັດສິນທຳປະຕິວັດ ຂອງພະນັກງານ-ສະມາຊິກພັກ ອີກດ້ວຍ; (ຂ່າວເມືອງກາສີ.)

Leave a Reply

Your email address will not be published. Required fields are marked *