ໜ່ວຍພັກຫ້ອງການສືກສາທິການ ແລະ ກິລາເມືອງ ເລື່ອນສະມາຊິກພັກສຳຮອງຂື້ນເປັນສົມບູນ - Vieng Chanh News

Vieng Chanh News

ແຂວງວຽງຈັນອອນລາຍ

ໜ່ວຍພັກຫ້ອງການສືກສາທິການ ແລະ ກິລາເມືອງ ເລື່ອນສະມາຊິກພັກສຳຮອງຂື້ນເປັນສົມບູນ

1 min read

ໂດຍປະຕິບັດຕາມກົດລະບຽບຂອງພັກປະຊາຊົນປະຕິວັດລາວ ສະໄໝທີ່ XI ແລະ ແຜນການຂະຫຍາຍຂອງໜ່ວຍພັກ, ໜ່ວຍພັກຫ້ອງການສືກສາທິການ ແລະ ກິລາເມືອງເຟືອງ.


ວັນທີ 16 ພະຈິກ 2022, ຢູ່ທີ່ຫ້ອງການສືກສາທິການ ແລະ ກິລາເມືອງເຟືອງ ໄດ້ເລື່ອງສະມາຊິກພັກສຳຮອງຂື້ນສົມບູນ ໂດຍເປັນກຽດ ເປັນປະທານ ສະຫາຍ ບຸນລາ ວົງຂຸນສີ ຄະນະປະຈຳພັກເມືອງ ຫົວໜ້າໂຄສະນາອົບຮົມເມືອງ, ສະຫາຍ ແອ ບຸນິຍົມ ຮອງຫົວໜ້າຄະນະຈັດຕັ້ງເມືອງ, ສະຫາຍ ບຸນສູງ ຫຼວງລາດ ເລຂາໜ່ວຍພັກ ຫົວໜ້າຫ້ອງການສືກສາທິການ ແລະກິລາເມືອງ ແລະ ມີບັນດາສະຫາຍເລຂາໜ່ວຍພັກອ້ອມຂ້າງເມືອງ ຕະຫຼອດຮອດສະມາຊິກພັກພາຍໃນໜ່ວຍພັກ ກໍ່ໃຫ້ກຽດເຂົ້າຮ່ວມຢ່າງພ້ອມພຽງ.


ສະຫາຍ ອິດສະຫຼະ ທຳມະວົງ ຄະນະພັກຫ້ອງການສືກສາທິການ ແລະກິລາເມືອງ ໄດ້ຂຶ້ນຜ່ານມະຕິ ສະບັບເລກທີ 49/ຄປພ, ລົງວັນ 12 ກັນຍາ 2022 ວ່າດ້ວຍການອະນຸມັດເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ ຈຳນວນ 4 ສະຫາຍ, ຍິງ 1 ສະຫາຍຄື: ສະຫາຍ ນາງ ຈັນເພັງ ວິໄລສັກ, ສະຫາຍ ຈັນທະວອນ ຫຼວງລາດ, ສະຫາຍ ບຸນຊູ ອິນສີຊຽງໃໝ່, ສະຫາຍ ກອງຄຳ ມິດບົວລີ ຫລັງຈາກນັ້ນ ສະຫາຍ ບຸນສູງ ຫຼວງລາດ ກໍ່ໄດ້ຂຶ້ນກ່າວຮັບເອົາສະມາຊິກພັກສົມບູນ ຢ່າງເປັນທາງການ.


ສະຫາຍ ບຸນລາ ວົງຂຸນສີ ໄດ້ໃຫ້ຄຳຄິດ ຄຳເຫັນ ໂອ້ລົມໃຫ້ທິດຊີ້ນຳສືບຕໍ່ຈັດຕັ້ງຜັນຂະຫຍາຍມະຕິຄຳສັ່ງຂອງຂັ້ນເທີງວາງອອກ, ໃຫ້ສະມາຊິກພັກຮັບຮູ້ເຂົ້າໃຈເລິກເຊິ່ງຕໍ່ແນວທາງປ່ຽນແປງໃໝ່ ສະນັ້ນພວກເຮົາຈະຕ້ອງກຳແໜ້ນຄຸນທາດການເມືອງ ມີຄວາມຈົງຮັກພັກດີຕໍ່ອຸດົມການສັງຄົມນິຍົມ, ມີຄວາມຫ້າວຫັນປະຕິບັດໜ້າທີ່ວຽກງານ, ມີນໍ້າໃຈຮັກຊາດ ຮັບໃຊ້ປະຊາຊົນ, ເປັນແບບຢ່າງໃນການປະຕິບັດກົດລະບຽບພັກ, ເຄົາລົບ ແລະ ເຂັ້ມງວດໃນການປະຕິບັດກົດໝາຍຂອງລັດ.

ມີແບບແຜນດຳລົງຊິວິດທີ່ຖືກຕ້ອງປອດໃສຂາວສະອາດ, ມີຄວາມສາມັກຄີພາຍໃນ ແລະພາຍນອກ, ປະຕິບັດຫຼັກການລວມສູນປະຊາທິປະໄຕເຮັດວຽກເປັນໝູ່ຄະນະບຸກຄົນຮັບຜິດຊອບໃນທຸກຂົງເຂດວຽກງານ, ມີການຕຳນິຕິຊົມຕົນເອງ ແລະ ໝູ່ເພື່ອນບົນຫຼັກການຂອງພັກ ແລະ ແກ້ໄຂຈຸດອ່ອນຂໍ້ຂາດຕົກບົງຜ່ອງ ໃນການນຳພາຄວາມເປັນເອກະພາບ ແລະ ມາດຕະການ ເພື່ອແກ້ໃນຕໍ່ໜ້າ.

ຂ່າວ: ສຸພັນສາ

Leave a Reply

Your email address will not be published. Required fields are marked *

ສະຫງວນລິຂະສິດ