ກອງປະຊຸມເຊັນບົດບັນທຶກຊ່ວຍຈໍາ-ແຮກສ່ຽວ ລະຫວ່າງ ກອງບັນຊາການທະຫານເມືອງທຸລະຄົມ ແລະ ອົງການປົກຄອງບ້ານນາໝາກ - Vieng Chanh News

Vieng Chanh News

ແຂວງວຽງຈັນອອນລາຍ

ກອງປະຊຸມເຊັນບົດບັນທຶກຊ່ວຍຈໍາ-ແຮກສ່ຽວ ລະຫວ່າງ ກອງບັນຊາການທະຫານເມືອງທຸລະຄົມ ແລະ ອົງການປົກຄອງບ້ານນາໝາກ

1 min read

ກອງປະຊຸມເຊັນບົດບັນທຶກຊ່ວຍຈໍາ-ແຮກສ່ຽວ ລະຫວ່າງ
ກອງບັນຊາການທະຫານເມືອງທຸລະຄົມ ແລະ ອົງການປົກຄອງບ້ານນາໝາກ ກອງປະຊຸມດັ່ງກ່າວໄຂຂຶ້ນໃນຕອນເຊົ້າຂອງວັນທີ 14 ພະຈິກ 2022 ທີ່ຫ້ອງການປົກຄອງບ້ານນາໝາກ ເມືອງທຸລະຄົມ ແຂວງວຽງຈັນ.

ພາຍໃຕ້ການເຂົ້າຮ່ວມ ແລະ ເປັນປະທານຂອງທ່ານ ພັທ ເກດສະໜາ ສຸລິຍະວົງ ກຳມະການປະຈໍາພັກເມືອງ, ຫົວໜ້າການເມືອງ ກອງບັນຊາທະຫານເມືອງ ແລະ ທ່ານ ກົງທອງ ໂພນໄຊຍາ ເລຂາພັກບ້ານ, ນາຍບ້ານນາໝາກ, ມີຄະນະພັກ, ຄະນະບັນຊາກອງບັນຊາກອງບັນຊາການ, ຄະນະບ້ານ, ພ້ອມດ້ວຍຄະນະກໍາມະການຮັບຜິດຊອບວຽກງານດັ່ງກ່າວເຂົ້າຮ່ວມ.

ໃນພິທີໄດ້ຜ່ານເນື້ອໃນບົດບັນທຶກຊ່ວຍຈໍາຂອງການແຮກສ່ຽວ ຕິດພັນກັບແຜນການເຄື່ອນໄຫວວຽກງານປະຈໍາປີຂອງສອງຝ່າຍ, ໂດຍສະເພາະແມ່ນການຈັດຕັ້ງຜັນຂະຫຍາຍ ແລະ ຈັດຕັ້ງປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ມະຕິຂອງຄະນະພັກກະຊວງປ້ອງກັນປະເທດ ວ່າດ້ວຍ 4 ໜ້າທີ່ໃຫຍ່, 26 ແຜນງານ, ຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດ ເລກທີ 459/ກປທ ລົງວັນທີ 04 ກຸມພາ 2019 ວ່າດ້ວຍການລົງກໍ່ສ້າງຮາກຖານການເມືອງຕາມມູນເຊື້ອ ແລະ ແຮກສ່ຽວລະຫວ່າງກອງທັບ ກັບອົງການປົກຄອງທ້ອງຖິ່ມ.

ເນື້ອໃນຕົ້ນຕໍຂອງບົດບັນທຶກສະບັບດັ່ງກ່າວແມ່ນການເພີ່ມທະວີວຽກງານສຶກສາອົບຮົມການເມືອງ-ນໍາພາແນວຄິດ, ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານພັດທະນາເສດຖະກິດ, ວັດທະນະທໍາສັງຄົມ, ວຽກງານພັກ, ວຽກງານປົກຄອງ, ມີກໍານົດ 1 ປີ ແລະ ຈະໄດ້ປະເມີນຜົນໄດ້ຮັບໃນແຕ່ລະປີ ເພື່ອສະຫລຸບຖອດຖອນບົດຮຽນ ແລະ ສືບຕໍ່ຈັດຕັ້ງປະຕິບັດແຜນການໃນປີຕໍ່ໄປ ແລະ ຂະຫຍາຍໄປບ້ານອື່ນໆທີ່ມີມາດຖານເງືີ່ອນໄຂ.

ຂ່າວ: ຫລ້າທໍ່ ປາຈ້າທໍ່.

Leave a Reply

Your email address will not be published. Required fields are marked *

You may have missed

ສະຫງວນລິຂະສິດ