ພະແນກຍຸຕິທຳ ແຂວງວຽງຈັນ ລົງເຄື່ອນໄຫວຝຶກອົບຮົບວຽກງານປະຕິບັດຄໍາຕັດສິນຂອງສານໃຫ້ສາມເມືອງ - Vieng Chanh News

Vieng Chanh News

ແຂວງວຽງຈັນອອນລາຍ

ພະແນກຍຸຕິທຳ ແຂວງວຽງຈັນ ລົງເຄື່ອນໄຫວຝຶກອົບຮົບວຽກງານປະຕິບັດຄໍາຕັດສິນຂອງສານໃຫ້ສາມເມືອງ

1 min read

ວັນທີ 17 ພະຈິກ 2022 ນີ້, ທີມງານພະແນກຍຸຕິທຳແຂວງວຽງຈັນ ເຊີ່ງນຳໂດຍ ທ່ານ ຄຳພັນ ຊະນະໄພ ຫົວໜ້າພະແນກຍຸຕິທຳ ພ້ອມດ້ວຍຄະນະທີມງານ ໄດ້ລົງເຄື່ອນໄຫວຝຶກອົບຮົບວຽກງານປະຕິບັດຄໍາຕັດສິນຂອງສານ ໃຫ້ພະນັກງານທີ່ຮັບຜິດຊອບວຽກງານປະຕິບັດຄຳຕັດສິນຂອງສານ ຢູ່ 3 ເມືອງຄື: ເມືອງກາສີ, ເມືອງແມດ ແລະ ເມືອງວັງວຽງ ການຝຶກອົບຮົມດັ່ງກ່າວໄດ້ຈັດຂື້ນຢູ່ທີ່ເມືອງກາສີ ແຂວງວຽງຈັນ, ເຊີ່ງມີພະນັກງານທີ່ກ່ຽວຂ້ອງຂັ້ນແຂວງ, ຂັ້ນເມືອງເຂົ້າຮ່ວມທັງໝົດ 19 ທ່ານ, ຍິງ 6 ທ່ານ.


ໃນໂອກາດດັ່ງກ່າວທ່ານ ຄໍາພັນ ຊະນະໄພ ຫົວໜ້າພະແນກຍຸຕິທຳ ແຂວງວຽງຈັນ ກໍ່ໄດ້ໃຫ້ກຽດຂຶ້ນກ່າວເປີດຊຸດຝຶກອົບຮົມ, ຈາກນັ້ນ ບັນດາຫົວໜ້າຫ້ອງການຍຸຕິທຳທັງສາມເມືອງ ກໍ່ໄດ້ພັດປ່ຽນກັນຂຶ້ນຜ່ານບົດສະຫຼຸບວຽກງານການຈັດຕັ້ງປະຕິບັດຄຳຕັດສິນຂອງສານ ຢູ່ພາຍໃນເມືອງຂອງຕົນໄລຍະຜ່ານມາ, ຫຼັງຈາກນັ້ນທ່ານ ອຸໃດ ດວງວິໄລ ຫົວໜ້າຂະແໜງປະຕິບັດຄຳຕັດສິນຂອງສານ ພະແນກຍຸຕິທຳແຂວງວຽງຈັນ ກໍ່ໄດ້ຂຶ້ນເຜີຍແຜ່ກົດໝາຍວ່າດ້ວຍການຈັດຕັ້ງປະຕິບັດຄຳຕັດສິນຂອງສານສະບັບປັບປຸງ ເລກທີ 12/ສພຊ, ລົງວັນທີ 17 ພະຈິກ 2021.

ພ້ອມທັງແນະນຳວຽກງານການເງີນ ແລະ ແນະນຳການພິມໂປແກຼມສະຖິຕິຄະດີ. ນອກນັ້ນບັນດາທ່ານທີ່ເຂົ້າຮ່ວມຝຶກອົບຮົມຍັງໄດ້ມີການປະກອບຄໍາເຫັນຢ່າງກົງໄປກົງມາ ເພື່ອເປັນການແລກປ່ຽນ ແລະ ຖອດຖອນບົດຮຽນເຊີ່ງກັນ ແລະ ກັນ ເພື່ອວາງວິທີທາງແກ້ໄຂບັນຫາຂໍ້ຫຍຸ້ງຍາກໃນການປະຕິບັດວຽກງານປະຕິບັດຄຳຕັດສິນຂອງສານ ໃຫ້ຖືກຈັດຕັ້ງປະຕິບັດຢ່າງເປັນເອກະພາບກັນ, ມີຄວາມລະອຽດຈະແຈ້ງ ແລະ ຖືກຕ້ອງສອດຄ່ອງກັບລະບຽບກົດໝາຍທີ່ຂັ້ນເທິງວາງອອກ.

ໃນຕອນທ້າຍຊຸດຝຶກອົບຮົມທ່ານ ຄຳພັນ ຊະນະໄພ ຫົວໜ້າພະແນກຍຸຕິທຳແຂວງວຽງຈັນ ຍັງມີຄຳເຫັນໂອ້ລົມ ເຊີ່ງທ່ານກໍ່ໄດ້ເໜັ້ນໜັກໃຫ້ບັນດາທ່ານທີ່ເຂົ້າຮ່ວມຝຶກອົບຮົມໃນຄັ້ງນີ້ຈົ່ງພ້ອມກັນເອົາໃຈໃສ່ປັບປຸງແບບແຜນນຳພາແບບແຜນວິທີເຮັດວຽກນຳພາເປັນໝູ່ຄະນະແບ່ງບຸກຄົນຮັບຜິດຊອບ, ເອົາໃຈໃສ່ປະສານສົມທົບກັບພາກສ່ວນທີ່ກ່ຽວຂ້ອງມີການສ່ອງແສງງານລາຍຕາມສາຍຕັ້ງສາຍຂວາງຢ່າງເປັນປົກກະຕິ, ເອົາໃຈໃສ່ເພີ່ມທະວີຄວາມຮັບຜິດຊອບຂອງພະນັກງານເປັນຕົ້ນຕ້ອງກຳໃຫ້ໄດ້ດ້ານຄະດີບັນດາຈຸດອ່ອນຈຸດແຂງໃຫ້ລະອຽດ, ບັນດາພະນັກງານຕ້ອງຖືຈັນຍາບັນຈັນຍາທຳຢ່າງເຄັ່ງຄັດ, ເອົາໃຈໃສ່ໃນການປັບປຸງກວດກາຄືນການເຮັດວຽກໃນຂອບເຂດຄວາມຮັບຜິດຊອບຂອງຕົນໃຫ້ສອດຄ່ອງ, ພ້ອມກັນນຳເອົາເນື້ອໃນຈິດໃຈຂອງການຝຶກອົບຮົມໃນຄັ້ງນີ້ໄປໝູນໃຊ້ເຂົ້າໃນຈັດຕັ້ງປະຕີບັດວຽກງານຢູ່ໃນຂອບເຂດຄວາມຮັບຜິດຊອບຂອງຕົນ ໃຫ້ຖືກຕ້ອງສອດຄ່ອງຕາມລະບຽບ ກົດໝາຍທີ່ຂັ້ນເທີງວາງອອກຢ່າງເຂັ້ມງວດ.

ຂ່າວ: ເມືອງກາສີ.

Leave a Reply

Your email address will not be published. Required fields are marked *

You may have missed

ສະຫງວນລິຂະສິດ