ກອງປະຊຸມສະຫຼຸບເນື້ອໃນຂໍ້ແຂ່ງຂັນ 5 ​ເປັນເຈົ້າ ຂອງກໍາມະບານຮາກຖານ ວິທະຍາໄລຄູບ້ານເກີນ - Vieng Chanh News

Vieng Chanh News

ແຂວງວຽງຈັນອອນລາຍ

ກອງປະຊຸມສະຫຼຸບເນື້ອໃນຂໍ້ແຂ່ງຂັນ 5 ​ເປັນເຈົ້າ ຂອງກໍາມະບານຮາກຖານ ວິທະຍາໄລຄູບ້ານເກີນ

1 min read

ວັນທີ 16 ພະຈິກ 2022, ໄດ້ເປີດກອງປະຊຸມສະຫຼຸບ ເນື້ອໃນຂໍ້ແຂ່ງຂັນ 5 ເປັນເຈົ້າ ຂອງກໍາມະບານຮາກຖານ ວິທະຍາໄລຄູບ້ານເກີນ, ຢູ່ທີ່ສະໂມສອນວິທະຍາໄລດັ່ງກ່າວ.

ໂດຍການເປັນປະທານຂອງ ທ່ານ ຄໍາແພງ ລາດຊະວົງ ຄະນະບໍລິຫານງານສະຫະພັນກໍາມະບານແຂວງ, ປະທານກໍາມະບານຮາກຖານ ວິທະຍາໄລຄູບ້ານເກີນ, ໃຫ້ກຽດເຂົ້າຮ່ວມໂດຍ ທ່ານ ນ. ຈັນທະມາລາ ສຸທໍໍາມະວົງ ເລຂາຄະນະພັກຮາກຖານ ຜູ້ອໍານວຍການ ວິທະຍາໄລຄູບ້ານເກີນ, ທ່ານ ຂັນໄຊ ຫຼວງຜ່ານ ຮອງປະທານຄະນະບໍລິຫານງານສະຫະພັນກໍາມະບານແຂວງ, ແຂກຮັບເຊີນ ແລະ ສະມາຊີກກໍາມະບານພາຍໃນຮາກຖານ ເຂົ້າຮ່ວມຢ່າງພ້ອມພຽງ.

ໃນກອງປະຊຸມ ທ່ານ ຄໍາແພງ ລາດຊະວົງ ໄດ້ຂື້ນຜ່ານບົດສະຫຼຸບ ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຂອງກໍາມະບານຮາກຖານ ວິທະຍາໄລຄູບ້ານເກີນ ປະຈໍາປີ 2022 ແລະ ທິດທາງແຜນການ ປີ 2023. ໃຫ້ຮູ້ວ່າ ປະຈຸບັນ  ມີຄະນະບໍລິຫານງານທັງໝົດ 5 ສະຫາຍ, ຍິງ 1 ສະຫາຍ, ສະມາຊິກກໍາມະບານເປັນຄູ-ອາຈານທັງໝົດ 123 ສະຫາຍ, ຍິງ 66 ສະຫາຍ, ສະມາຊິກກໍາມະບານເປັນນັກສຶກສາ 175 ສະຫາຍ, ຍິງ 136 ສະຫາຍ, ໃນນັ້ນ, ສະມາຊິກກໍາມະບານເປັນສະມາຊິກພັກ 90 ສະຫາຍ, ຍິງ 45 ສະຫາຍ, ສະມາຊິກກໍາມະບານເປັນແມ່ຍິງ 249 ສະຫາຍ.

ສະມາຊິກກໍາມະບານເປັນຊາວໝຸ່ມທັງໝົດ 221 ສະຫາຍ, ສະມາຊິກກອງທຶນ ຊ່ວຍເຫຼືອເຊິ່ງກັນ ແລະ ກັນ ທັງໝົດ 154 ສະຫາຍ, ຍິງ 83 ສະຫາຍ, ມີ 21 ໜ່ວຍ, ຄູ-ອາຈານ 12 ໜ່ວຍ, ນັກນັກສຶກສາ 9 ໜ່ວຍ. ໄລຍະຜ່ານມາ ໄດ້ຖືເອົາວຽກງານໂຄສະນາສືກສາອົບຮົມການເມືອງ-ແນວຄິດ ເປັນວຽກສໍາຄັນ ດ້ວຍການເຜີຍແຜ່,  ເຊື່ອມຊືມ ບັນດາ ມະຕິ, ຄໍາສັ່ງ, ກົດລະບຽບຂອງພັກ, ກົດໝາຍຂອງລັດ, ໂດຍສະເພາະແມ່ນ ນິຕິກໍາ ຕ່າງໆ.

ຂອງສູນກາງສະຫະພັນກໍາມະບານລາວວາງອອກ ໃຫ້ສະມາຊີກກໍາມະບານ, ພະນັກງານ-ລັດຖະກອນ ພາຍໃນຮາກຖານ ຮັບຮູ້ ເຂົ້າໃຈ ເຖີ່ງພາລະບົດບາດ, ສິດ, ໜ້າທີ່ຂອງຕົນ ໂດຍສະເພາະແມ່ນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຕິດພັນກັບ ຂະບວນການຮັກຊາດ ແລະ ພັດທະນາ, ການສ້າງໜ່ວຍພັກປອດໃສ່, ເຂັມແຂງ, ໜັກແໜ້ນ ແລະ ຕິດພັນກັບການປະຕິບັດວຽກງານວິຊາສະເພາະ ຢູ່ໃນກົມກອງຂອງຕົນ.

ເຊີ່ງແຕ່ລະເນື້ອໃນຂໍ້ແຂ່ງຂັນ 5 ເປັນເຈົ້າ ສາມາດປະຕິບັດໄດ້ 92 % ຂື້ນໄປ. ຫຼັງຈາກນັ້ນ, ພິທີໄດ້ມອບ-ຮັບໃບຍ້ອງຍໍ 5 ເປັນເຈົ້າ ຂອງປະທານຄະນະບໍລິຫານງານສະຫະພັນກໍາມະບານແຂວງ ໃຫ້ສະມາຊິກກຳມະບານ ຈໍານວນນ 123 ໃບ. ມອບ-ຮັບໃບຢັ້ງຢືນ ແລະ ໃບຍ້ອງຍໍ ກໍາມະບານ 5 ເປັນເຈົ້າ ໃຫ້ກໍາມະບານຮາກຖານ ວິທະຍາໄລຄູ ບ້ານເກີນ ທີ່ບັນລຸຄາດໝາຍການປະເມີນຜົນເນື້ອໃນຂໍ້ແຂ່ງຂັນ 5 ເປັນເຈົ້າ ປະຈໍາປີ 2022 ເປັນກຽດ ກ່າວມອບໂດຍ ທ່ານ ຂັນໄຊ ຫຼວງຜ່ານ ກ່າວຮັບໂດຍ ທ່ານ ຄໍາແພງ ລາດຊະວົງ.

ຕອນທ້າຍພິທີໄດ້ຮັບຟັງການໂອ້ລົມ ຂອງ ທ່ານ ຂັນໄຊ ຫຼວງຜ່ານ ທ່ານໄດ້ກ່າວຍ້ອງຍໍຊົມເຊີຍ ຕໍ່ກັບຜົນງານການເຄື່ອນໄຫວ ຂອງຄະນະປະທານກໍາມະບານຮາກຖານ ກໍ່ຄືສະມາຊີກກໍາມະບານທັງໝົດ ທີ່ຍາດມາໄດ້ໃນໄລຍະ 1 ປີ ຜ່ານມາ ແລະ ທ່ານຍັງເນັ້ນໜັກໃຫ້ ຄະນະປະທານກໍາມະບານຮາກຖານ ສືບຕໍ່ໂຄສະນາສືກສາອົບຮົມການເມືອງ-ແນວຄິດ ໃຫ້ສະມາຊີກກໍາມະບານ ພາຍໃນຮາກຖານຈົ່ງພ້ອມກັນຈັດຕັ້ງປະຕິບັດ ເນື້ອໃນຂໍ້ແຂ່ງຂັນ 5 ເປັນເຈົ້າ ຕິດພັນກັບ ການຈັດຕັ້ງປະຕິບັດວຽກງານວິຊາສະເພາະ ໃນຂົງເຂດຕົນເອງ ຮັບຜິດຊອບ ໃຫ້ສໍາເລັດຜົນ ແລະ ປະກົດຜົນເປັນຈິງ.

ບຸນຄົງ ຈັນດາລາ

Leave a Reply

Your email address will not be published. Required fields are marked *

ສະຫງວນລິຂະສິດ