ສະຫະພັນກຳມະບານເມືອງໝື່ນ ສຳເລັດກອງປະຊຸມຄົບຄະນະບໍລິຫານງານສະຫະພັນກຳມະບານເມືອງ ຄັ້ງທີ່ 4 ສະໄໝທີ III - Vieng Chanh News

Vieng Chanh News

ແຂວງວຽງຈັນອອນລາຍ

ສະຫະພັນກຳມະບານເມືອງໝື່ນ ສຳເລັດກອງປະຊຸມຄົບຄະນະບໍລິຫານງານສະຫະພັນກຳມະບານເມືອງ ຄັ້ງທີ່ 4 ສະໄໝທີ III

1 min read

ສະຫະພັນກຳມະບານເມືອງໝື່ນ ສຳເລັດກອງປະຊຸມຄົບຄະນະບໍລິຫານງານສະຫະພັນກຳມະບານເມືອງ ຄັ້ງທີ່ 4 ສະໄໝທີ III ກອງປະຊຸມຄົບຄະນະບໍລິຫານງານສະຫະພັນກຳມະບານເມືອງໝື່ນຄັ້ງທີ່ 4 ສະໄໝທີ່ III ໄດ້ໄຂຂື້ນ ແລະ ອັດລົງໃນຕອນເຊົ້າຂອງວັນທີ່ 17 ພະຈິກ 2022 ນີ້ຢູ່ທີ່ສະໂມສອນໃຫຍ່ຫ້ອງວ່າການເມືອງ.

ໂດຍເປັນປະທານຂອງສະຫາຍ ສູນທະວີ ບຸດຈັນທະລາດ ຄະນະບໍລິຫານງານສະຫະພັນກໍາມະບານແຂວງ, ປະທານສະຫະພັນກຳມະບານເມືອງໝື່ນ, ໃຫ້ກຽດເຂົ້າຮ່ວມຂອງສະຫາຍ ມິດສາຄອນ ອີນທະປັດຖາ ຄະນະປະຈຳພັກເມືອງ ປະທານແນວລາວສ້າງຊາດເມືອງໝື່ນ ຜູ້ຊິ້ນຳອົງການຈັດຕັ້ງມະຫາຊົນ, ມີສະຫາຍ ບົວລຳແພງ ວາງປະດິດ ຮອງປະທານຄະນະບໍລິຫານງານສະຫະພັນກຳມະບານແຂວງວຽງຈັນ, ມີກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ, ຄະນະບໍລິຫານງານກຳມະບານເມືອງ, ປະທານກໍາມະບານຮາກຖານຕະຫຼອດຮອດສະມາຊິກກຳມະບານເຂົ້າຮ່ວມທັງໝົດມີ 43 ສະຫາຍ, ຍິງ 09 ສະຫາຍ.


ສະຫາຍ ນາງ ແຫວນຄຳ ສີພະຈັນ , ຮອງປະທານ ຄະນະບໍລິຫານງານສະຫະພັນກຳມະບານເມືອງໝື່ນ ໄດ້ຂື້ນຜ່ານບົດສະຫຼຸບຕີລາຄາລວມການຊີ້ນຳ-ນຳພາຂອງຄະນະບໍລິຫານງານສະຫະພັນກຳມະບານໄລຍະ 1 ປີຜ່ານມາ ແລະ ວາງທິດທາງແຜນການຕໍ່ໜ້າໂດຍທ່ານໄດ້ຍົກໃຫ້ເຫັນເຖິງດ້ານດີ, ດ້ານອ່ອນ, ສິງທີ່ເຮັດໄດ້ ແລະ ບາງວຽກງານທີ່ຍັງຄົງຄ້າງ ທີ່ຈະຕ້ອງໄດ້ສືບຕໍ່ແກ້ໄຂ ເພື່ອເຮັດໜ້າທີ່ຮັກສາຜົນປະໂຫຍດໃຫແກ່ສະມາຊິກກຳມະບານ ພ້ອມນັ້ນ ຜູ້ເຂົ້າຮ່ວມກອງປະຊຸມກໍ່ໄດ້ມີການປະກອບຄຳເຫັນໃສ່ບົດສະຫຼຸບຢ່າງກົງໄປກົງມາເພື່ອເອກະພາບກັນ ແລະ ຄົບຖ້ວນສົມບູນ, ຫຼັງຈາກນັ້ນ ກອງປະຊຸມໄດ້ຜ່ານ ບົດສະຫຼຸບ ຕີລາຄາປະເມີນວຽກງານຂໍ້ແຂ່ງຂັນ 5 ເປັນເຈົ້າ ປະຈຳປີ 2022 ແລະ ທິດທາງແຜນການໃນຕໍ່ໜ້າ.

ຜ່ານ ຂໍ້ຕົກລົງປະທານຄະນະບໍລິຫານງານຂອງສະຫະພັນກຳມະບານເມືອງ ວ່າດ້ວຍ:ການມອບຢັ້ງຢືນໃຫ້ກຳມະບານຮາກຖານທົ່ວເມືອງໝື່ນ ຈຳນວນ 33 ໃບ ໂດຍແມ່ນສະຫາຍ ສູນທະວີ ບຸດຈັນທະລາດ ປະທານສະຫະພັນກຳມະບານເມືອງໝື່ນຂຶ້ນມອບຢ່າງສົມກຽດ ພ້ອມດຽວກັນນີ້ ທ່ານ ບົວລຳແພງ ວາງປະດິດ ຮອງປະທານຄະນະບໍລິຫານງານສະຫະພັນກຳມະບານແຂວງ ຂື້ນມອບ ໃບຢັ້ງຢືນ 5 ເປັນເຈົ້າ ແລະ ໃບຍ້ອງຍໍການຈັດຕັ້ງປະຕິບັດວຽກກຳມະບານດີເດັ່ນ ໃຫ້ແກ່ ສະຫະພັນກຳມະບານເມືອງໝື່ນ.


ທ້າຍກອງປະຊຸມໄດ້ຮັບຟັງການມີຄຳເຫັນໂອ້ລົມຫຼາຍບັນຫາຈາກສະຫາຍ ບົວລຳແພງ ວາງປະດິດ ຮອງປະທານຄະນະບໍລິຫານງານສະຫະພັນກຳມະບານແຂວງວຽງຈັນ ແລະ ສະຫາຍ ມິດສາຄອນ ອິນທະປັດຖາ ຄະນະປະຈຳພັກເມືອງ ຜູ້ຊີ້ນຳວຽກອົງການຈັດຕັ້ງມະຫາຊົນ ເພື່ອເປັນເຂັມຊີ້ທິດເຍືອງທາງໃນການຈັດຕັ້ງປະຕິບັດວຽກງານກຳມະບານ ເໜັ້ນໜັກໃຫ້ຄະນະບໍລິຫານງານສະຫະພັນກຳມະມານ ,ສະມາຊິກກຳມະບານທຸກສະຫາຍ.

ຈົ່ງພ້ອມກັນເປັນເຈົ້າການ ໃນການປະຕິບັດສິດພາລະບົດບາດຂອງຕົນ ໃນການເປັນຕົວແທນໃຫ້ກຳມະບານກຳມະກອນ ຊາວຜູ້ອອກແຮງງານ ເປັນເຈົ້າການໃນການປະຕິບັດລະບຽບກົດໝາຍ, ສຶບຕໍ່ຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ແລະ ປະກອບສ່ວນຢ່າງຕັ້ງໜ້າເຂົ້າສອງໜ້າທີ່ຍຸດທະສາດຂອງພັກຄື: ປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ນັບມື້ຈະເລີນກ້າວໜ້າຂຶ້ນໄປເລື່ອຍໆ.
ຂ່າວ,ພາບ: ຄຳເພັດ

Leave a Reply

Your email address will not be published. Required fields are marked *

You may have missed

ສະຫງວນລິຂະສິດ