ພະແນກ ຖວທ ແຂວງວຽງຈັນປະເມີນຜົນການປະຕິບັດວຽກງານຂອງພະນັກງານ-ລັດຖະກອນ ປະຈຳປີ 2022 - Vieng Chanh News

Vieng Chanh News

ແຂວງວຽງຈັນອອນລາຍ

ພະແນກ ຖວທ ແຂວງວຽງຈັນປະເມີນຜົນການປະຕິບັດວຽກງານຂອງພະນັກງານ-ລັດຖະກອນ ປະຈຳປີ 2022

1 min read

ພະແນກ ຖວທ ແຂວງວຽງຈັນປະເມີນຜົນການປະຕິບັດວຽກງານຂອງພະນັກງານ-ລັດຖະກອນ ປະຈຳປີ 2022.
ພິທີໄດ້ຈັດຂຶ້ນໃນວັນທີ18ພະຈິກ 2022 ຢູ່ທີ່ສິນວັດທະນະທຳແຂວງວຽງຈັນ.

ໂດຍການເປັນປະທານຂອງ ທ່ານ ຄຳຫລ້າ ແສງວົງ ວ່າການຫົວຫນ້າພະແນກພາຍໃນແຂວງວຽງຈັນ,ມີທ່ານ ນ ອິ່ນຄຳ ພັນດາລາ ກຳມະການພັກແຂວງ ຫົວຫນ້າພະແນກ ຖວທ ແຂວງ,ມີບັນດາຄະນະນໍາຂອງພະແນກ ຖວທ ແຂວງແລະບັນດາຄະນະຮັບຜິດຊອບການປະເມີນເຂົ້າຮ່ວມ.


ທ່ານ ຄຳຫລ້າ ແສງວົງ ວ່າການຫົວຫນ້າພະແນກພາຍໃນແຂວງວຽງຈັນ ໄດ້ກ່າວວ່າ ການປະເມີນຜົນການປະຕິບັດວຽກງານຂອງພະນັກງານ-ລັດຖະກອນ ປະຈຳປີ 2022.ຂອງພະແນກ ຖວທ ແຂວງວຽງຈັນກໍເພື່ອສ້າງຄວາມເປັນເອກກະພາບການປະເມີນໃນທົ່ວປະເທດເວົ້າລວມ,ເວົ້າສະເພາະກໍຄືແຂວງວຽງຈັນໃນການປະເມີນແມ່ນມີສອງແບບ,ປະເມີນແບບປົກະຕິແມ່ນການປະເມີນໃນທຸກໆປີ.

ແລະ ການປະເມີນສະເພາະເພື່ອຕີລາຄາຜົນການຈັດຕັ້ງປະຕິບັດວຽກງານຂອງບັນດາຄະນະນຳຂອງແຕ່ລະຂັ້ນຂອງສຳນັກງານອົງການຂອງລັດກໍຄືບັນດາທ່ານທີ່ດຳລົງຕຳແຫນ່ງໃນຂັ້ນ5ຂຶ້ນໄປ,ທັງເປັນການຕີລາຄາຜົນຂອງການຈັດຕັ້ງປະຕິບັດວຽກງານໃນແຕ່ລະຂົງເຂດໃຫ້ຮູ້ໄດ້ຕົວຊີ້ວັດໃນການປະຕິບັດຫນ້າທີ່ຄວາມຮັບຜິດສາມາດປະຕິບັດໄດ້ຮັບຫມາກຜົນແນວໃດ ແລະ ທັງເປັນການສ້າງໄດ້ພະນັກງານນຳພາຄຸ້ມຄອງໃນຕໍ່ຫນ້າ.

ໃນການປະເມີນຜົນການປະຕິບັດວຽກງານຂອງພະນັກງານ-ລັດຖະກອນ ປະຈຳປີ 2022 ຂອງພະແນກ ຖວທ ໃນເທື່ອນີ້ ແມ່ນໄດ້ດຳເນີນໄປດ້ວຍຄວາມໂປ່ງໃສແລະສຳເລັດຕາມລະດັບຄາດຫມາຍ.

ຂ່າວ: ທີມງານນັກຂ່າວແຂວງວຽງຈັນ

Leave a Reply

Your email address will not be published. Required fields are marked *

ສະຫງວນລິຂະສິດ